72. மேலுள்ள ஹதீஸின் கருத்தையே அபூஹுரைரா (ரலி) அறிவித்துள்ளனர். ஆனாலும் இதன் தொடரில் வரும் (ஹம்மாத், முஃதமர்) இருவரும் நபி (ஸல்) அவர்கள் சொன்னதாகக் கூறவில்லை. அதில் (அறிவிப்பாளர் அய்யூப் அவர்கள்) பூனை வாய் வைத்து விட்டால் ஒரு தடவை கழுவ வேண்டும் என்பதை அதிகமாக அறிவித்துள்ளார்.
(குறிப்பு: நாய் வாய்வைத்தல் சம்பந்தப்பட்ட விஷயம் நபி (ஸல்) அவர்கள் மூலம் அறிவிக்கப் பட்டுள்ளது. பூனை வாய் வைத்தல் சம்பந்தப் பட்ட விஷயம் நபி (ஸல்) அவர்கள் கூறியதாக வராமல் நபித் தோழர்கள் கூறியதாகவே வந்துள்ளது என இமாம் முன்திரி குறிப்பிடுகின்றார்கள். இது திர்மிதீயிலும் காணப்படுகிறது. திர்மிதீ இமாம் அவர்கள் இந்த ஹதீஸ் பல்வேறு வழிகளில் அறிவிக்கப் படுகிறது. ஆயினும் அவற்றில் எல்லாம் பூனை வாய் வைத்தால் ஒரு முறை கழுவ வேண்டும் என கூறப் படவில்லை எனத் தெரிவிக்கிறார்கள்.