95. நபி (ஸல்) அவர்கள் (இரண்டு ராத்தல்) கொள்ளளவு கொண்ட பாத்திரத்தில் உலூச் ‎செய்தார்கள். ஒரு ஸாவு (இரண்டு கை கொள்ளளவு தண்ணீரின் நான்கு மடங்கு) ‎தண்ணீரில் குளிப்பார்கள் என அனஸ் (ரலி) அறிவிக்கிறார்கள்.‎

இமாம் அபூதாவூத் அவர்கள் குறிப்பிடுகின்றார்கள்:-‎

இந்த ஹதீஸை ஷரீக் என்பார் வாயிலாக யஹ்யா பின் ஆதம் அறிவிக்கும்போது ‎‎(அப்துல்லாஹ் பின் ஜப்ர் என்பதற்கு பதிலாக) இப்னு ஜப்ர் பின் அதீக் எனக் ‎கூறியுள்ளர். அப்துல்லாஹ் பின் ஈஸா என்பார் வழியாக இதை சுஃப்யான் ‎அறிவிக்கும்போது எனக்கு ஜப்ர் பின் அப்துல்லாஹ் அறிவிக்கின்றார் எனக் ‎குறிப்பிட்டுள்ளர்.‎

மேலும் இமாம் அபூதாவூத் அவர்கள் குறிப்பிடுகின்றார்கள் : அப்துல்லாஹ் பின் ஜப்ர் ‎அவர்கள் அனஸ் (ரலி) அவர்களிடம் கேட்டதாக ஷுஃபா அறிவிக்கின்றார். எனினும் ‎ஷுஃபா அவர்கள் இரண்டு ராத்தல்கள் எனக் குறிப்பிடாமல் நபி (ஸல்) அவர்கள் ஒரு ‎மக்கூக் அளவு தண்ணீரில் உலூச் செய்வார்கள் என அறிவிக்கிறார்.‎

மேலும் இமாம் அபூதாவூத் குறிப்பிடுகின்றார்கள் : ‎

ஸாவு என்பது ஐந்து ராத்தல்கள் என இமாம் அஹ்மது பின் ஹன்பல் அவர்கள் கூற ‎நான் கேட்டிருக்கிறேன், இப்னு அபூதிஃப், என்பாரின் ஸாவு அளவும் நபி (ஸல்) ‎அவர்களின் ஸாவு அளவும் ஒன்றே எனவும் அபூதாவூத் கூறியுள்ளனர்.‎

‎(குறிப்பு: நஸயீ, அஹ்மது, முஸ்லிம், திர்மிதீ, தாரிமி போன்ற நூல்களிலும் இக்கருத்து ‎காணப்படுகிறது. மக்கூக் என்பது இரு கைகள் கொள்ளக்கூடிய அளவு என இப்னுல் ‎அஸீர் அவர்கள் தமது நிஹாயாவில் குறிப்பிடுகின்றார்.)‎