பாடம் : 23

நோன்பாளி மனைவியை அணைத்துக்கொள்ளல்.

‘‘(நோன்பாளிக்கு) உடலுறவு மட்டுமே தடை செய்யப்பட்டதாகும் (ஹராம்)” என்று ஆயிஷா (ரலி) அவர்கள் கூறியுள்ளார்கள்.

1927. ஆயிஷா (ரலி) அறிவித்தார்.

‘நபி (ஸல்) அவர்கள் நோன்பு நோற்ற நிலையில் (தம் மனைவியரைக்) கட்டியணைப்பார்கள்; முத்தமிடுவார்கள்! உங்களில் தம் (உடல்) உணர்ச்சியை அதிகம் கட்டுப்படுத்திக் கொள்பவர்களாக அவர்கள் இருந்தார்கள்!’

Book :30

இப்னு அப்பாஸ் (ரலி) அவர்கள் கூறினார்கள்:

(இங்கு ‘உணர்ச்சி’ என்பதைக் குறிப்பிட ஹதீஸின் மூலத்தில் ‘இர்ப்’ எனும் சொல் ஆளப்பட்டுள்ளது. இதிலிருந்து பிறந்த (‘மஆரிப்’ (20:18) எனும் சொல்லுக்கு ‘தேவைகள்’ என்பது பொருளாகும்.

தாவூஸ் பின் கைசான் (ரஹ்) அவர்கள் கூறினார்கள்:

‘ஃகைரு உலில் இர்பத்’ (24:31) என்பதற்கு ‘பெண்ணாசை இல்லாத பேடி’ என்பது பொருள்.