பாடம்: 25

காலுறைகள் அணிந்து தொழுதல்.

 387. ஜரீர் பின் அப்தில்லாஹ் (ரலி) சிறுநீர் கழித்தப் பின்னர் உளூச் செய்து, தம் இரண்டு காலுறையின் மீது மஸஹ் செய்துவிட்டு எழுந்து தொழுததைக் கண்டேன். இது பற்றி ஜரீர் (ரலி) அவர்களிடம் கேட்கப்பட்டதற்கு ‘நபி (ஸல்) அவர்கள் இவ்வாறு செய்வதை பார்த்திருக்கிறேன்’ என்று கூறினார்கள்.

அறிவிப்பவர்: ஹம்மாம் பின் ஹாரிஸ் (ரஹ்)

‘காலுறைகளின் மீது மஸஹ் செய்து தொழலாம் என்ற கருத்திலுள்ள அறிஞர்களுக்கு ஜரீர் (ரலி) அவர்களின் இச்செயல் மிகச் சிறந்த சான்றாகும். காரணம் ஜரீர் பின் அப்துல்லாஹ் (ரலி) அவர்கள், நபி (ஸல்) அவர்களின் காலத்தில் கடைசியாக இஸ்லாத்தைத் தழுவியவராவார்’ என்று இப்ராஹீம் அன்னகஈ (ரஹ்) அவர்கள் குறிப்பிடுகிறார்.

அத்தியாயம்: 8