5175. பராஉ இப்னு ஆஸிப் (ரலி) அறிவித்தார்:

இறைத்தூதர் (ஸல்) அவர்கள் ஏழு விஷயங்களை(க் கடைப்பிடிக்கும்படி) எங்களுக்குக் கட்டளையிட்டு, ஏழு விஷயங்களை எங்களுக்குத் தடைசெய்தார்கள்.

1. நோயாளியிடம் நலம் விசாரிக்கும்படியும்,
2. ஜனாஸாவைப் பின்தொடர்ந்து செல்லும்படியும்,
3. தும்மியவ(ர் அல்ஹம்துலில்லாஹ் எல்லாப் புகழும் அல்லாஹ்விற்கே என்று கூறுகையில் அவ)ருக்கு (யர்ஹமுகல்லாஹ் -உங்களுக்கு அல்லாஹ் கருணை காட்டுவானாக என) பதில் சொல்லும்படியும்,
4. (உன்னை நம்பிச்) சத்தியம் செய்தவர் (அதை) நிறைவேற்ற உதவும்படியும்,
5. அநீதியிழைக்கப்பட்டவருக்கு உதவும்படியும்,
6. ‘ஸலாம்’ எனும் முகமனைப் பரப்புப்படியும்,
7. விருந்து அழைப்பை ஏற்கும்படியும் எங்களுக்குக் கட்டளையிட்டார்கள்.

மேலும்,

1. (ஆண்கள்) தங்க மோதிரங்களை அணிய வேண்டாமென்றும்,
2. வெள்ளிப் பாத்திரங்களைப் பயன்படுத்த வேண்டாமென்றும்,
3. ‘மைஸரா’ எனும் பட்டுமெத்தை,
4. பட்டு கலந்த (எகிப்திய) பஞ்சாடை,
5. தடித்தப் பட்டு,
6. (கலப்படமில்லாத) சுத்தப் பட்டு ஆகியவற்றைப் பயன்படுத்த வேண்டாமென்றும் எங்களுக்குத் தடை விதித்தார்கள்.

இன்னும் சில அறிவிப்பாளர் தொடர் வழியாகவும் இந்த ஹதீஸ் வந்துள்ளது.

அத்தியாயம்: 67