13437. ஹுஜய்யா பின் அதீ (ரஹ்) அவர்கள் கூறியதாவது:

ஒரு பெண் அலீ (ரலி) அவர்களிடம் வந்து, தன் கணவர் அவளின் (சொந்த) அடிமைப் பெண்ணுடன் உடலுறவு கொண்டுவிட்டதாகக் குற்றம் சாட்டினார். அதற்கு அலீ (ரலி) அவர்கள், “நீ சொல்வது உண்மையாக இருந்தால் (திருமணமான அவர் விபச்சாரம் செய்த குற்றத்திற்காக) அவருக்கு நாம் கல்லெறிந்து மரண தண்டனை விதிப்போம். ஒருவேளை நீ சொல்வது பொய்யாக இருந்தால் (மற்றவர் மீது அவதூறு சுமத்திய குற்றத்திற்காக) உனக்கு எண்பது கசையடிகள் வழங்குவோம்” என்று கூறினார்கள். இதைக் கேட்ட அந்தப் பெண், “(நான் கோபத்திலும் பொறாமையிலும் அல்லவா இவ்வாறு கூறிவிட்டேன், என் நிலைமை இப்படி ஆகிவிட்டதே என்ற அர்த்தத்தில்) அந்தோ பரிதாபம்! பொறாமையும் ஆத்திரமும் என்னை இப்படிச் செய்ய வைத்துவிட்டதே!” என்று வருத்தப்பட்டார். அந்த நேரத்தில் தொழுகைக்கான இகாமத் சொல்லப்பட்டதால், அவர் அங்கிருந்து சென்றுவிட்டார்.

பிறகு, ஒரு மனிதர் வந்து, “முஃமின்களின் தலைவரே! மாட்டைப் பற்றி (அதைக் குர்பானி கொடுப்பது பற்றித் தாங்கள் என்ன கூறுகிறீர்கள்)?” எனக் கேட்டார். அதற்கு அலீ (ரலி) அவர்கள், “(ஒரு மாடு) ஏழு நபர்களின் சார்பாகப் போதுமானதாகும்” என்றார்கள்.

அவர், “(அதன்) கொம்பு (உடைந்திருந்தால்)?” எனக் கேட்டார். அதற்கு அவர்கள், “அது உமக்கு எந்தப் பாதிப்பையும் ஏற்படுத்தாது (அதாவது, குர்பானி கூடும்)” என்றார்கள்.

மீண்டும் அவர், “(அது) நொண்டியாக இருந்தால்?” எனக் கேட்டார். அதற்கு அலீ (ரலி) அவர்கள், “அது குர்பானி கொடுக்கும் இடத்தை (தன் கால்களால் நடந்து) அடைந்துவிட்டால் (பிரச்சினை இல்லை). மேலும், நபி (ஸல்) அவர்கள் (குர்பானிப் பிராணியின்) கண்ணையும் காதையும் நாம் நன்கு கவனித்துப் பார்க்குமாறு எங்களுக்குக் கட்டளையிட்டார்கள்” என்று கூறினார்கள்.