7273. அல்லாஹ்வின் தூதர் (ஸல்) அவர்களிடம், “செயல்களில் சிறந்தது எது?” என்று கேட்கப்பட்டது. அதற்கு அவர்கள், “உனது முஸ்லிம் சகோதரனை மகிழ்ச்சியில் ஆழ்த்துவது, அல்லது அவரது கடனைத் தீர்ப்பது, அல்லது அவருக்கு ரொட்டி (உணவு) அளிப்பது ஆகும்” என்று கூறினார்கள்.

அறிவிப்பவர்: அபூஹுரைரா (ரலி)

பைஹகீ இமாம் கூறுகிறார்:

இதே போன்று வலீத் பின் ஷுஜாஃ அவர்களும் அம்மார் பின் முஹம்மத் —> முஹம்மத் பின் அம்ர் … என்ற அறிவிப்பாளர்தொடரில் இந்தச் செய்தியை அறிவித்துள்ளார்.

இதில் இடம்பெறும் அம்மார் பின் முஹம்மத் என்பவரைப் பற்றி விமர்சனம் உள்ளது. மேலும் இந்த ஹதீஸுக்கு (இதை அடுத்து வரும்) முர்ஸலான செய்தி (ஹதீஸ் எண்-7274) ஷாஹிதாக உள்ளது.