பாடம் :

ஜனாஸாத் தொழுகையில் அல்ஹம்து அத்தியாயத்தை ஓதுதல்.

1026. நபி (ஸல்) அவர்கள் ஒரு ஜனாஸாத் தொழுகையில் அல்ஹம்து அத்தியாயத்தை ஓதினார்கள்.

அறிவிப்பவர்: இப்னு அப்பாஸ் (ரலி)

திர்மிதீ இமாம் கூறுகிறார்:

இப்பாடப் பொருள் தொடர்பான செய்திகள் உம்மு ஷரீக் (ரலி) அவர்களின் வழியாகவும் வந்துள்ளன.

இப்னு அப்பாஸ் (ரலி) அவர்களின் வழியாக வந்துள்ள இந்த ஹதீஸின் அறிவிப்பாளர் தொடர் அவ்வளவு வலுவானது அல்ல. (காரணம் இதில் இடம்பெறும்) இப்ராஹீம் பின் உஸ்மான்-அபூஷைபா அல்வாஸிதீ என்பவர் முன்கருல் ஹதீஸ்-ஹதீஸ்துறையில் நிராகரிக்கப்பட்டவர் ஆவார்.

இப்னு அப்பாஸ் (ரலி) அவர்களிடமிருந்து அவர்களின் சொல்லாக (கீழ்க்கண்டவாறு) அறிவிக்கப்படுவதே சரியானதாகும்:

ஜனாஸா தொழுகையில் ஃபாத்திஹா அத்தியாயம் ஓதுவது சுன்னத் (நபி-ஸல்) அவர்களின் வழிமுறை) ஆகும்.