பாடம்:

மனைவி, கணவனுக்கு செய்ய வேண்டிய கடமைகள் குறித்து வந்துள்ளவை.

1159. நபி (ஸல்) அவர்கள் கூறினார்கள்:

ஒருவர் இன்னொருவருக்கு ஸஜ்தாச் செய்வதை நான் அனுமதிப்பதாக இருந்தால் ஒரு பெண் தனது கணவனுக்கு ஸஜ்தாச் செய்வதை அனுமதித்திருப்பேன். (ஆனால் நான் அனுமதிக்கவில்லை)

அறிவிப்பவர்: அபூஹுரைரா (ரலி)

திர்மிதீ இமாம் கூறுகிறார்:

இப்பாடப்பொருள் தொடர்பான செய்திகள் முஆத் பின் ஜபல் (ரலி), ஸுராகா பின் மாலிக் பின் ஜுஃஷும் (ரலி), ஆயிஷா (ரலி), இப்னு அப்பாஸ் (ரலி), அப்துல்லாஹ் பின் அபூஅவ்ஃபா (ரலி), தல்க் பின் அலீ (ரலி), உம்மு ஸலமா (ரலி), அனஸ் (ரலி), இப்னு உமர் (ரலி) ஆகியோர் வழியாகவும் வந்துள்ளன.

முஹம்மத் பின் அம்ர் —> அபூஸலமா —> அபூஹுரைரா (ரலி) என்ற இந்த வகை அறிவிப்பாளர்தொடரில் அபூஹுரைரா (ரலி) வழியாக வந்துள்ள (மேற்கண்ட) செய்தி “ஹஸன் ஃகரீப்” எனும் தரத்தில் அமைந்ததாகும்.