பாடம்:

அத்தியாயம்: 13, அர்ரஃத்.

3117. இப்னு அப்பாஸ் (ரலி) அவர்கள் கூறியதாவது:

யூதர்கள் நபி (ஸல்) அவர்களிடம் வந்து, ‘அபுல்காஸிமே! இடி (எதனால் வருகிறது என்பது) பற்றி எங்களுக்கு அறிவியுங்கள்; அது என்ன?’ என்று கேட்டார்கள். அதற்கு நபி (ஸல்) அவர்கள், ‘அவர் வானவர்களில் ஒரு வானவர்; மேகங்களுக்குப் பொறுப்பானவர். அல்லாஹ் நாடிய இடத்திற்கு மேகங்களை ஓட்டிச் செல்வதற்காக அவரிடம் நெருப்பால் ஆன சாட்டைகள் (அல்லது சம்மட்டிகள்) உள்ளன’ என்று கூறினார்கள்.

அவர்கள், ‘அப்படியானால், நாம் கேட்கும் இந்தச் சத்தம் என்ன?’ என்று கேட்டார்கள். அதற்கு நபி (ஸல்) அவர்கள், ‘(மேகங்கள்) கட்டளையிடப்பட்ட இடத்தை அடையும் வரை, அவர் அவற்றை விரட்டும்போது உண்டாகும் சத்தமாகும்’ என்று கூறினார்கள். அவர்கள், ‘நீங்கள் உண்மையையே கூறினீர்கள்’ என்றார்கள்.

பிறகு அவர்கள், ‘இஸ்ராயீல் (யாஃகூப் அலை அவர்கள்) தமக்குத் தாமே ஹராமாக்கிக் கொண்டதைப் பற்றி எங்களுக்கு அறிவியுங்கள்’ என்று கேட்டார்கள். அதற்கு நபி (ஸல்) அவர்கள், ‘அவர் இடுப்பு நரம்பு வாதத்தால் (Sciatica) பாதிக்கப்பட்டிருந்தார். ஒட்டகத்தின் இறைச்சி மற்றும் அதன் பாலைத் தவிர வேறு எதுவும் அவருக்கு (உண்பதற்கு) உகந்ததாக இருக்கவில்லை. எனவே, அதன் காரணமாகவே அவர் அதைத் தமக்குத் தாமே ஹராமாக்கிக் கொண்டார்’ என்று கூறினார்கள். அவர்கள், ‘நீங்கள் உண்மையையே கூறினீர்கள்’ என்றார்கள்.

திர்மிதீ இமாம் கூறுகிறார்:

இந்த ஹதீஸ் “ஹஸன் ஸஹீஹ் ஃகரீப்” எனும் தரத்தில் அமைந்ததாகும்.