643.

திர்மிதீ இமாம் கூறுகிறார்:

இந்த பாடத்தில் ஆயிஷா (ரலி), அத்தாப் பின் அஸீத் (ரலி), இப்னு அப்பாஸ் (ரலி) ஆகியோர் வழியாகவும் ஹதீஸ் வந்துள்ளது.

ஸஹ்ல் பின் அபீ ஹஸ்மா (ரலி) அவர்களின் ஹதீஸின் படியே கற்ஸ் விஷயத்தில் பெரும்பாலான கல்வியாளர்களிடம் நடைமுறை உள்ளது, ஸஹ்ல் பின் அபீ ஹஸ்மா (ரலி) அவர்களின் ஹதீஸின் படியே அஹ்மத் மற்றும் இஸ்ஹாக் (ரஹ்) ஆகியோரும் கூறுகின்றனர்.

கற்ஸ் என்பது பழங்கள் பழுக்கும் போது, அதாவது ஸகாத் கடமையாகும் பச்சை பேரீச்சை மற்றும் திராட்சை பழங்கள் பழுக்கும் போது, ஆட்சியாளர் ஒரு மதிப்பீட்டாளரை அனுப்புவார், அவர் அவர்கள் மீது மதிப்பீடு செய்வார். கற்ஸ் என்பது, அதை அறியக்கூடிய ஒருவர் பார்த்து, இதிலிருந்து இவ்வளவு உலர் திராட்சை வரும், இவ்வளவு பேரீச்சை வரும் என்று கூறுவதாகும். பின்னர் அவர்கள் மீது அதை கணக்கிட்டு, அதிலிருந்து பத்தில் ஒன்றின் அளவை பார்த்து அவர்கள் மீது உறுதிப்படுத்துவார். பின்னர் பழங்களுக்கும் அவர்களுக்கும் இடையே விட்டு விடுவார், அவர்கள் விரும்பியதை செய்து கொள்வார்கள். பழங்கள் பழுத்ததும் அவர்களிடமிருந்து பத்தில் ஒன்று எடுக்கப்படும். இவ்வாறு சில கல்வியாளர்கள் விளக்கம் கொடுத்துள்ளனர். இதையே மாலிக், ஷாஃபிஈ, அஹ்மத், இஸ்ஹாக் ஆகியோரும் கூறுகின்றனர்.