Author: Farook

592. அல்லாஹ்வின் தூதர் (ஸல்) அவர்கள் உம்மு வரக்கா (ரலி)யை வீட்டில் போய் சந்திப்பார்கள். அவருக்காக பாங்கு சொல்லும் முஅத்தினையும் நியமித்து உம்மு வரக்காவை வீட்டில் உள்ளோருக்கு தொழுவிக்கும்படியும் உத்தரவிட்டார்கள் என்று மேலுள்ள ஹதீஸின் கருத்தே இங்கும் இடம் பெறுகின்றது. ஆனால் இதற்கு முந்தைய ஹதீஸ் நிறைவானதாகும்.

உம்மு வரக்காவின் முஅத்தினை வயது நிறைந்த முதியவராக கண்டேன் என்று இதன் அறிவிப்பாளர் அப்துர்-ரஹ்மான் பின் கல்லாத் அறிவிக்கின்றார்.

பாடம்: 205

பெண்கள் தொழுவித்தல்.

591. நபி (ஸல்) அவர்கள் பத்ருப் போருக்குச் சென்ற போது உம்மு வரகா (ரலி) அவர்கள், “உங்களுடன் போருக்கு வர எனக்கு அனுமதி தாருங்கள். போரில் காயப்படுவோருக்கு நான் சிகிச்சை அளிப்பேன். அதனால் அல்லாஹ் எனக்கும் ஷஹாதத் எனும் வீர மரணத்தை தருவான்” எனக் கேட்டார். அதற்கு நபி (ஸல்) அவர்கள் “நீ வீட்டிலேயே இருந்து கொள். அல்லாஹ் உனக்கு வீர மரணத்தைத் தருவான்” எனக் கூறினார்கள்.

இதனால் அப்பெண்மணி வீர மரணத்தைத் தழுவுபவர் என்றே குறிப்பிடப்படலானார். அவர் குர்ஆனை ஓதத் தெரிந்தவராக இருந்தார்.

(வயதான முதியவரை முஅத்தினாக ஏற்படுத்திக் கொண்டு) தனது வீட்டாருக்கு இமாமத் செய்ய அனுமதி கேட்டார். அவருக்கு நபி (ஸல்) அவர்கள் அனுமதியளித்தார்கள்.

அவரிடம் ஒரு ஆண் அடிமையும் ஒரு பெண் அடிமையும் இருந்தனர். தமது மரணத்திற்குப் பின் அவர்கள் விடுதலையாகலாம் என்று அவர் எழுதிக் கொடுத்திருந்தார். உமர் (ரலி) காலத்தில் ஒரு நாள் இரவு அவ்விருவரும் அவரை போர்வையால் மூடி கொன்று விட்டு ஓடிவிட்டனர். காலையில் உமர் (ரலி) அவர்கள், இந்த இருவர் பற்றி யாருக்காவது தகவல் தெரிந்தால், அல்லது கண்டால் பிடித்து வாருங்கள் என்று கட்டளையிட்டார். பிறகு கொலையாளிகள் பிடிக்கப்பட்டு சிலுவையில் அறையப்பட்டனர். மதீனாவில் இவர்கள் தான் முதலில் சிலுவையில்

4598.