16667. ராஷித் பின் ஸஃத் (ரஹ்) அவர்கள் கூறியதாவது:
(பாரசீக நாட்டின்) இஸ்தக்ர் பகுதி வெற்றிக்கொள்ளப்பட்டபோது ஒருவர், “எச்சரிக்கை! (இதோ) தஜ்ஜால் (வெளி) வந்துவிட்டான்” என்று மக்களுக்கு அறிவிப்பு செய்தார். (எனவே மக்கள் அதைப் பற்றி பேசிக்கொண்டனர்). அந்த மக்களை ஸஅப் பின் ஜஸ்ஸாமா (ரலி) அவர்கள் கண்டு, நீங்கள் இவ்வாறு தஜ்ஜாலைப் பற்றி பேசாமல் இருந்திருந்தால் (அல்லாஹ்வின் தூதர் (ஸல்) அவர்களிடமிருந்து நான் செவியேற்ற) ஒரு செய்தியை உங்களுக்கு அறிவித்திருப்பேன்.
(அது என்னவெனில்) “மக்கள் தஜ்ஜாலைப் பற்றி பேசுவதை மறந்துவிடும் போதும், இமாம்கள் உரைமேடைகளில் அவனைப் பற்றி கூறாமல் இருக்கும் போதும் (தான்) தஜ்ஜால் வெளிப்படுவான்” என்று அல்லாஹ்வின் தூதர் (ஸல்) அவர்கள் கூறியதை நான் செவியேற்றுள்ளேன் என்று அறிவித்தார்கள்.
لَمَّا فُتِحَتْ إِصْطَخْرُ نَادَى مُنَادٍ: أَلَا إِنَّ الدَّجَّالَ قَدْ خَرَجَ، قَالَ: فَلَقِيَهُمُ الصَّعْبُ بْنُ جَثَّامَةَ قَالَ: فَقَالَ: لَوْلَا مَا تَقُولُونَ لَأَخْبَرْتُكُمْ أَنِّي سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ: «لَا يَخْرُجُ الدَّجَّالُ حَتَّى يَذْهَلَ النَّاسُ عَنْ ذِكْرِهِ، وَحَتَّى تَتْرُكَ الْأَئِمَّةُ ذِكْرَهُ عَلَى الْمَنَابِرِ»
சமீப விமர்சனங்கள்