Musnad-Ahmad-25769

25769.

கதீஜா (ரலி) அவர்கள் இறந்துவிட்டபோது, உஸ்மான் பின் மள்ஊன் (ரலி) அவர்களின் மனைவியான கவ்லா பின்த் ஹகீம் (ரலி) அவர்கள் வந்து, “அல்லாஹ்வின் தூதரே! நீங்கள் திருமணம் செய்து கொள்ளமாட்டீர்களா?” என்று கேட்டார். அதற்கு நபி (ஸல்) அவர்கள், “யாரை?” என்று கேட்டார்கள். அவர், “நீங்கள் விரும்பினால் கன்னிப் பெண்ணையும், விரும்பினால் கணவனை இழந்தவரையு(ம் திருமணம் செய்துகொள்ளலாம்)” என்றார்.

அதற்கு நபியவர்கள், “கன்னிப் பெண் யார்?” என்றார்கள். அதற்கு அவர், “அல்லாஹ்வின் படைப்புகளிலேயே உங்களுக்கு மிகவும் விருப்பமானவரான அபூபக்ர் அவர்களின் மகள் ஆயிஷா” என்றார். நபியவர்கள், “கணவனை இழந்தவர் யார்?” என்றார்கள். அதற்கு அவர், “ஸவ்தா பின்த் ஸம்ஆ; அவர் உங்களை ஈமான் கொண்டவர், நீங்கள் கூறுவதை பின்பற்றக்கூடியவர்” என்றார். அப்போது நபியவர்கள், “சென்று அவ்விருவரையும் எனக்கு (திருமணத்திற்காகப்) பேசுவீராக” என்றார்கள்.

உடனே அவர் அபூபக்ரின் வீட்டிற்குச் சென்று, “உம்மு ரூமானே! அல்லாஹ் உங்களுக்கு இன்ன நன்மையையும் பாக்கியத்தையும் அருளியுள்ளானே!” என்றார். அதற்கு அவர், “அது என்ன?” என்றார். அதற்கு அவர், “ஆயிஷாவை நபியவர்களுக்கு மணமுடித்துத் தர கேட்குமாறு என்னை நபியவர்கள் அனுப்பியுள்ளார்கள்” என்றார். அப்போது அவர், “அபூபக்ர் வரும் வரை காத்திருங்கள்” என்றார்.

அபூபக்ர் (ரலி) வந்ததும், கவ்லா அவர்கள், “அபூபக்ரே! அல்லாஹ் உங்களுக்கு இன்ன நன்மையையும் பாக்கியத்தையும் அருளியுள்ளானே” என்றார். அதற்கு அவர், “அது என்ன?” என்றார். அதற்கு அவர், “ஆயிஷாவை நபியவர்களுக்கு மணமுடித்துத் தர கேட்குமாறு என்னைநபியவர்கள் அனுப்பியுள்ளார்கள்” என்றார். அபூபக்ர் (ரலி), “அவர் (ஆயிஷா) அவருக்குப் பொருத்தமானவரா? அவர் (நபிகளாரின்) சகோதரரின் மகளாயிற்றே!” என்றார். உடனே அவர் அல்லாஹ்வின் தூதர் (ஸல்) அவர்களிடம் திரும்பிச் சென்று அவரிடம் அதைக் கூறினார்.

அப்போது நபியவர்கள், “அவரிடம் திரும்பிச் சென்று, ‘நான் உமது சகோதரன்; இஸ்லாத்தில் நீ என் சகோதரன்; உமது மகள் எனக்குப் பொருத்தமானவரே’ என்று கூறுவீராக” என்றார். அவர் திரும்பிச் சென்று அவரிடம் அதைக் கூறினார். அபூபக்கர் (ரலி), “பொறுத்துக்கொள்வீராக” என்று கூறிவிட்டு வெளியே சென்றார்.

….

அப்போது உம்மு ரூமான் கூறினார்: “முத்யிப் பின் அதீ (முன்பு) தன் மகனுக்காக இவரை (ஆயிஷாவை)ப் பேசியிருந்தார். அல்லாஹ்வின் மீது ஆணையாக! அவர் அபூபக்கருக்கு அளித்த எந்த வாக்குறுதியையும் மீறியதில்லை.”

உடனே அபூபக்கர், முத்யிப் பின் அதீயிடம் சென்றார். அப்போது அங்கே அவரது மனைவியான (அந்த இளைஞரின் தாய்) இருந்தார்.

அவள், “அபூ குஹாபாவின் மகனே! நம் தோழரை நீ உன் மதத்திற்குள் நுழைத்து, நீ பின்பற்றும் மார்க்கத்திற்குள் அவரை மாற்றிவிடுவாயோ, நீ உன் மகளை அவருக்குத் திருமணம் செய்து கொடுத்தால்?” என்றாள்.

அபூபக்கர், முத்யிப் பின் அதீயிடம், “இவள் கூறுவதை நீர் கூறுகிறீரா?” என்றார்.

அதற்கு அவர், “அவள் அப்படித் கூறுகிறாள்” என்றார்.

உடனே அபூபக்கர் அவரிடமிருந்து வெளியேறினார். அவர் (முத்யிப்) தனக்கு அளித்த வாக்குறுதியால் தன் உள்ளத்தில் இருந்த தயக்கத்தை அல்லாஹ் நீக்கிவிட்டிருந்தான்.

எனவே அவர் திரும்பி வந்து கவ்லாவிடம், “என்னிடம் அல்லாஹ்வின் தூதரை அழைத்து வாரும்” என்றார்.

அவர் (கவ்லா) அவரை அழைத்து வந்தார். உடனே அவர் (நபியவர்கள்) ஆயிஷாவை அவருக்கு (நபியகளாருக்கு)த் திருமணம் செய்து வைத்தார். ஆயிஷா அப்போது ஆறு வயது சிறுமியாக இருந்தார்.

பின்னர் கவ்லா வெளியேறி ஸவ்தா பின்த் ஸம்ஆவிடம் சென்று, “அல்லாஹ் உனக்கு என்ன நன்மையையும் பாக்கியத்தையும் அருளியுள்ளான்?” என்றார்.

அதற்கு அவர், “அது என்ன?” என்றார்.

அதற்கு அவர், “உன்னை அவருக்கு மணமுடித்துத் தருமாறு என்னை அல்லாஹ்வின் தூதர் (ஸல்) அவர்கள் அனுப்பியுள்ளார்கள்” என்றார்.

அதற்கு அவர், “நான் விரும்புகிறேன்; என் தந்தையிடம் சென்று அவரிடம் இதைக் கூறுவீராக” என்றார்.

அவருடைய தந்தை வயதான முதியவராக, முதுமை அடைந்தவராக, ஹஜ்ஜுக்குச் செல்ல இயலாதவராக இருந்தார்.

கவ்லா அவரிடம் சென்று அறியாமைக் காலத்து வாழ்த்தால் அவரை வாழ்த்தினார்.

அவர், “இவர் யார்?” என்றார்.

அதற்கு அவர், “கவ்லா பின்த் ஹகீம்” என்றார்.

அவர், “உமது வேலை என்ன?” என்றார்.

அதற்கு அவர், “ஸவ்தாவை எனக்கு (திருமணம் செய்து) கோரி முஹம்மது பின் அப்துல்லாஹ் என்னை அனுப்பியுள்ளார்” என்றார்.

அவர், “பொருத்தமான கண்ணியமானவர்! உமது தோழி என்ன கூறுகிறாள்?” என்றார்.

அதற்கு அவர், “அவர் இதை விரும்புகிறார்” என்றார்.

அவர், “அவரை எனக்கு அழைத்து வாரும்” என்றார்.

உடனே அல்லாஹ்வின் தூதர் (ஸல்) அவர்கள் அவரிடம் வந்தார். உடனே அவர் ஸவ்தாவை அவருக்குத் திருமணம் செய்து வைத்தார்.

பின்னர் ஹஜ்ஜிலிருந்து அவருடைய சகோதரர் அப்து பின் ஸம்ஆ வந்தார். அவர் தன் தலையின் மீது மண்ணை வாரிக் தூற்றிக் கொண்டார்.

அவர் இஸ்லாத்தைத் தழுவிய பின் கூறினார்: “அல்லாஹ்வின் மீது ஆணையாக! அல்லாஹ்வின் தூதர் (ஸல்) அவர்கள் ஸவ்தா பின்த் ஸம்ஆவைத் திருமணம் செய்துகொண்டபோது, நான் என் தலையின் மீது மண்ணை வாரிக் கொட்டிக் கொண்டது முட்டாள்தனமான செயலாகும்.”

ஆயிஷா (ரலி) கூறினார்: நாங்கள் மதீனாவுக்கு வந்து, கஸ்ரஜ் குலத்தைச் சேர்ந்த பனூ ஹாரித் கோத்திரத்தினரின் ஸுன்ஹ் பகுதியில் தங்கினோம்.

அப்போது அல்லாஹ்வின் தூதர் (ஸல்) அவர்கள் வந்து எங்கள் வீட்டிற்குள் நுழைந்தார்கள். அங்கே அன்சாரிகளில் சில ஆண்களும் பெண்களும் கூடிருந்தனர்.

என் தாய் என்னை அழைத்து வந்தார். நான் இரு பேரீச்ச மட்டைகளுக்கு இடையில் இருந்த ஒரு ஊஞ்சலில் ஆடிக்கொண்டிருந்தேன்.

அவர் என்னை ஊஞ்சலிறக்கிவிட்டார். எனக்கு சிறு தலைமுடி (ஜுமைமா) இருந்தது. அதை அவர் வகிடெடுத்து வாரி, என் முகத்தில் சிறிதளவு தண்ணீரால் தடவிவிட்டு, பின்னர் என்னை அழைத்துக்கொண்டு வந்து கதவருகே நிறுத்தினார்.

என் மூச்சு வாங்கியது; எனது சுவாசம் அமைதியாகும் வரை (நின்றேன்). பின்னர் அவர் என்னை உள்ளே அழைத்துச் சென்றார்.

அங்கே அல்லாஹ்வின் தூதர் (ஸல்) அவர்கள் எங்கள் வீட்டில் ஒரு கட்டிலின் மீது அமர்ந்திருந்தார்கள். அவர்களுடன் அன்சாரிகளின் ஆண்களும் பெண்களும் இருந்தனர்.

அவர் என்னை நபியவர்களின் மடியில் அமரச் செய்துவிட்டு, “இவர்கள் உமது குடும்பத்தார்; இவர்களில் உமக்கு அல்லாஹ் பாக்கியத்தை வழங்குவானாக! இவர்களுக்கு உன்னிடமும் பாக்கியத்தை வழங்குவானாக!” என்றார்.

உடனே ஆண்களும் பெண்களும் எழுந்து வெளியேறினர்.

அல்லாஹ்வின் தூதர் (ஸல்) அவர்கள் எங்கள் வீட்டில் என்னுடன் இல்லறம் தொடங்கினார்கள். அப்போது எனக்காக ஒரு ஒட்டகமும் அறுக்கப்படவில்லை, ஒரு ஆடும் அறுக்கப்படவில்லை.

இறுதியில் ஸஅத் பின் உபாதா (ரலி) அவர்கள், அல்லாஹ்வின் தூதர் (ஸல்) அவர்கள் தமது மனைவியரிடம் சுழற்சி முறையில் செல்லும்போதெல்லாம் அவர்களுக்கு அனுப்பி வைக்கும் ஒரு பெரிய பாத்திரத்தில் (உணவை) எங்களிடம் அனுப்பினார்.

நான் அப்போது ஒன்பது வயது சிறுமியாக இருந்தேன்.