Abu-Dawood-1298

---

---

நபி (ஸல்) அவர்கள் என்னிடம் கூறினார்கள்: நீ என்னிடம் நாளை வா! நான் உனக்கு பிரதிபலன் எதிர்பார்க்காத அன்பளிப்பை வழங்குகிறேன்; உனக்கு நன்மையைத் தருகிறேன்; உனக்கு ஒரு கொடையை அளிக்கின்றேன் என்றார்கள். எனக்கு ஏதோ அன்பளிப்பைத் தருவார்கள் என்று எண்ணினேன்.

(அப்போது) பகல் சாயும் போது நீ எழு! நான்கு ரக்அத்கள் தொழு! பின்னர் உனது தலையை இரண்டாவது ஸஜ்தாவிலிருந்து உயர்த்தி சரியாக அமர்ந்து கொள்! ஸுப்ஹானல்லாஹ் 10 தடவைகள், அல்ஹம்து லில்லாஹ் 10 தடவைகள், அல்லாஹு அக்பர் 10 தடவைகள், லாயிலாஹ இல்லல்லாஹ் 10 தடவைகள் கூறாமல் எழாதே! பின்னர் இதைப் போன்று நான்கு ரக்அத்திலும் செய்!

இவ்வுலகத்தில் உள்ளவர்களிலேயே மிகப் பெரிய அளவு பாவத்தை நீ செய்திருந்தாலும் இவ்வாறு செய்தால் உனது பாவங்கள் மன்னிக்கப்படும் என்றார்கள். நான் அந்நேரத்தில் தொழ முடியவில்லையானால்? என்று கேட்டதற்கு பகலில் அல்லது இரவில் ஏதாவது ஒரு நேரத்தில் தொழுது கொள் என்று நபி (ஸல்) அவர்கள் கூறினார்கள்.

அறிவிப்பவர் : அப்துல்லாஹ் பின் அம்ர் (ரலி)

 

அபூதாவூத் கூறுகிறார்:

1. ஹப்பான் பின் ஹிலால் என்பவர் ஹிலால் அர்ரஃயீ என்ற ஹிலால் பின் யஹ்யா அல்பஸரீ என்பவரின் தாய்மாமன் ஆவார்.
2. அபுல் ஜவ்ஸா-விடமிருந்து முஸ்தமிர் என்பவர், அப்துல்லாஹ் பின் அம்ர் (ரலி) யின் சொல்லாக அறிவிக்கிறார்.
3. ரவ்ஹு பின் முஸய்யப், ஜஃபர் பின் ஸுலைமான் போன்றோர்—அம்ர் பின் மாலிக்—அபுல் ஜவ்ஸா—இப்னு அப்பாஸ் என்ற அறிவிப்பாளர்தொடரில் அறிவிக்கின்றனர்.
4. ரவ்ஹின் அறிவிப்பில் இந்த செய்தியை இப்னு அப்பாஸ் (ரலி),  நபி (ஸல்) சொல்லாக அறிவித்ததாக இடம்பெற்றுள்ளது.

(அபூதாவூத்: 1298)

---

---