அபூஉஸ்மான்-அந்நஹ்தீ-அப்துர்ரஹ்மான்(ரஹ்) அவர்கள் கூறியதாவது:
(பின்வருமாறு) எனக்கு அறிவிக்கப்பட்டது:
நபி (ஸல்) அவர்களிடம் (வானவர்) ஜிப்ரீல் (அலை) அவர்கள் வந்து பேசிக் கொண்டிருந்தார்கள். அப்போது அவர்கள் அருகில் (அன்னை) உம்மு ஸலமா (ரலி) இருந்தார்கள். (ஜிப்ரீல் எழுந்து சென்றதும்) நபி (ஸல்) அவர்கள் உம்மு ஸலமா (ரலி) அவர்களிடம், ‘இவர் யார் (தெரியுமா)?’ என்றோ, இது போன்ற வேறொரு வார்த்தையைக் கூறியோ கேட்டார்கள். உம்மு ஸலமா (ரலி), ‘இவர் (தங்களின் தோழர்) திஹ்யா’ என்று பதிலளித்தார்கள்.
நபி (ஸல்) அவர்கள் எழுந்து சென்ற பின், உம்மு ஸலமா (ரலி), ‘அல்லாஹ்வின் மீது சத்தியமாக! நபி (ஸல்) அவர்கள் ஜிப்ரீல் (அலை) அவர்கள் சொன்ன செய்தி குறித்து நிகழ்த்திய உரையை நான் செவியுறும் வரை, வந்தவர் திஹ்யா அல்கல்பீ என்றே நினைத்திருந்தேன். (அந்த உரையைக் கேட்ட பின்புதான் அவர் திஹ்யாவின் உருவில் வந்த வானவர் ஜிப்ரீல் என்று எனக்குத் தெரியவந்தது.)’ என்று கூறினார்கள்.
(இதன் அறிவிப்பாளர்களில் ஒருவரான) ஸுலைமான் பின் தர்கான் அத்தைமீ (ரஹ்) கூறினார்கள்:
நான் அபூஉஸ்மான் (ரஹ்) அவர்களிடம், ‘இந்த அறிவிப்பைத் தாங்கள் யாரிடமிருந்து செவியேற்றீர்கள்?’ என்று கேட்டேன். அவர்கள், ‘உஸாமா பின் ஸைத் (ரலி) அவர்களிடமிருந்து’ என்று பதிலளித்தார்கள்.
அத்தியாயம்: 66
(புகாரி: 4980)حَدَّثَنَا مُوسَى بْنُ إِسْمَاعِيلَ، حَدَّثَنَا مُعْتَمِرٌ، قَالَ: سَمِعْتُ أَبِي، عَنْ أَبِي عُثْمَانَ، قَالَ
أُنْبِئْتُ أَنَّ جِبْرِيلَ، أَتَى النَّبِيَّ صَلَّى اللهُ عَلَيْهِ وَسَلَّمَ وَعِنْدَهُ أُمُّ سَلَمَةَ، فَجَعَلَ يَتَحَدَّثُ، فَقَالَ النَّبِيُّ صَلَّى اللهُ عَلَيْهِ وَسَلَّمَ لِأُمِّ سَلَمَةَ: «مَنْ هَذَا؟» أَوْ كَمَا قَالَ، قَالَتْ: هَذَا دِحْيَةُ، فَلَمَّا قَامَ، قَالَتْ: وَاللَّهِ مَا حَسِبْتُهُ إِلَّا إِيَّاهُ، حَتَّى سَمِعْتُ خُطْبَةَ النَّبِيِّ صَلَّى اللهُ عَلَيْهِ وَسَلَّمَ يُخْبِرُ خَبَرَ جِبْرِيلَ، أَوْ كَمَا قَالَ،
قَالَ أَبِي: قُلْتُ لِأَبِي عُثْمَانَ: مِمَّنْ سَمِعْتَ هَذَا؟ قَالَ: مِنْ أُسَامَةَ بْنِ زَيْدٍ
Bukhari-Tamil-4980.
Bukhari-TamilMisc-4980.
Bukhari-Shamila-4980.
Bukhari-Alamiah-.
Bukhari-JawamiulKalim-.
இந்தச் செய்தியின் அறிவிப்பாளர்கள்:
1 . புகாரி பிறப்பு ஹிஜ்ரி 194
இறப்பு ஹிஜ்ரி 256
வயது: 62
இமாம்-முஹம்மத் பின் இஸ்மாயீல் (மிகப் பலமானவர்).
2 . மூஸா பின் இஸ்மாயீல்-அபூஸலமா அல்பஸரீ (மிகப் பலமானவர்).
3 . முஃதமிர் பின் ஸுலைமான்-அத்தைமீ (பலமானவர்).
4 . ஸுலைமான் பின் தர்கான்-அத்தைமீ (பலமானவர்).
5 . அபூஉஸ்மான்-அந்நஹ்தீ-அப்துர்ரஹ்மான் பின் முல் (மிகப் பலமானவர்).
6 . உஸாமா பின் ஸைத் பின் ஹாரிஸா (ரலி) (நபித்தோழர்).
1 . இந்தக் கருத்தில் உஸாமா பின் ஸைத் (ரலி) வழியாக வரும் செய்திகள்:
- முஃதமிர் —> ஸுலைமான் —> அபூஉஸ்மான் —> உஸாமா பின் ஸைத் (ரலி)
பார்க்க: புகாரி-4980, 3634, முஸ்லிம்-4846, முஸ்னத் பஸ்ஸார்-, அல்முஃஜமுல் கபீர்-,
சமீப விமர்சனங்கள்