Category: ஷுஅபுல் ஈமான்

1640. அபூஉஸ்மான் அந்நஹ்தீ (ரஹ்) அவர்கள் கூறியதாவது:

உமர் பின் அல்கத்தாப் (ரலி) உரைமேடையில் இருக்கும் போது அறிஞனான நயவஞ்சகனை விட்டு உங்களை எச்சரிக்கிறேன் என்று கூறியதை நான் செவியேற்றுள்ளேன். அப்போது மக்கள், நயவஞ்சகன் எப்படி அறிஞனாக இருப்பான் என்று கேட்டார்கள். அதற்கவர், அவன் நல்லதை பேசுவான் தீயதை செய்வான் என்று கூறினார்கள்.

1639. அல்லாஹ்வின் தூதர் (ஸல்) அவர்கள் கூறினார்கள்:

எனக்கு பிறகு, உங்கள் விஷயத்தில் நான் மிகவும் அஞ்சுவது நாவன்மை மிக்க ஒவ்வொரு நயவஞ்சகர்களை பற்றித்தான்.

அறிவிப்பவர்: இம்ரான் பின் ஹுஸைன் (ரலி)

2435.

5100. அல்லாஹ்வின் தூதர் (ஸல்) அவர்கள் கூறினார்கள்:

ஒரு அடியார் திருமணம் செய்துவிட்டால் (அவருக்கு) மார்க்கத்தின் பாதி பகுதி முழுமையடைந்துவிட்டது. எனவே மீதமுள்ள பாதியில் அவர் அல்லாஹ்வை அஞ்சி நடந்துக் கொள்ளட்டும்.

அறிவிப்பவர்: அனஸ் பின் மாலிக் (ரலி)

5101. அல்லாஹ்வின் தூதர் (ஸல்) அவர்கள் கூறினார்கள்:

யாருக்கு, நல்ல பெண்ணை (மனைவியாக) அல்லாஹ் வழங்கியுள்ளானோ, அவருக்கு அவருடைய மார்க்கத்தில் ஒரு பாதியை முழுமைபடுத்த அல்லாஹ் உதவி செய்துள்ளான். எனவே மீதமுள்ள பாதியில் அவர் அல்லாஹ்வை அஞ்சி நடந்துக் கொள்ளட்டும்.

அறிவிப்பவர்: அனஸ் பின் மாலிக் (ரலி)

5247.

3948. ஹதீஸ் எண்-3947 இல் வரும் செய்தி இந்த அறிவிப்பாளர்தொடரிலும் வந்துள்ளது. என்றாலும் இதில் “கண்ணியம் என்னும் அணிகலன்” என்பதற்கு பதிலாக “ஈமான் என்னும் அணிகலன்” என்று இடம்பெற்றுள்ளது.

3947. அல்லாஹ்வின் தூதர் (ஸல்) அவர்கள் கூறினார்கள்:

(ஷஹீது எனும்) ஒரு உயிர்த்தியாகிக்கு அல்லாஹ்விடத்தில் ஆறு பரிசுகள் கிடைக்கும்.

1 . அவரின் ஒரு சொட்டு இரத்தம் சிந்தும் போதே அவருக்கு மன்னிப்பு வழங்கப்பட்டுவிடும்.

2 . கப்ருடையை வேதனையை விட்டு காப்பாற்றப்படுவார்.

3 . கராமத் (கண்ணியம்) என்னும் அணிகலன் அவருக்கு அணியப்படும்.

4 . சொர்க்கத்தில் தனது இருப்பிடத்தை அவர் காண்பார்.

5 . மிகப்பெரிய திடுக்கத்தை விட்டு பாதுகாப்பு வழங்கப்படும்.

6 . சொர்க்கத்து கண்ணழகிகளை அவருக்கு திருமணம் செய்து கொடுக்கப்படும்.

அறிவிப்பவர்: கைஸ் அல்ஜுதாமீ (ரலி)…

10736. அல்லாஹ்வின் தூதர் (ஸல்) அவர்கள் கூறினார்கள்:

கடனை அடைக்க முடியாமல் சிரமப்படும் ஒருவருக்கு யார் அவகாசம் அளிக்கிறாரோ அவருக்கு அல்லாஹ் அவனின் (அர்ஷின்) நிழலைத் தவிர வேறு நிழல் இல்லாத (மறுமை) நாளில் தன் அர்ஷின் நிழலில் இடம்தருகிறான்.

அறிவிப்பவர்: அபூஹுரைரா (ரலி)