Tabaqatul-Kubra-Ibn-Sahd-3655

முஜாஹித் (ரஹ்) அவர்கள் கூறியதாவது:

(இஸ்லாத்தின் ஆரம்பக் காலத்தில்) தாங்கள் இஸ்லாத்தை ஏற்றவர்கள் என்று பகிரங்கமாக அறிவித்தவர்கள் ஏழுபேர் ஆவர். அவர்கள்:-

1 . அல்லாஹ்வின் தூதர் (ஸல்) அவர்கள்.

2 . அபூபக்ர் (ரலி)

3 . பிலால் (ரலி)

4 . கப்பாப் (ரலி)

5 . ஸுஹைப் (ரலி)

6 . அம்மார் (ரலி)

7 . அம்மாரின் தாயார் ஸுமைய்யா (ரலி)

அல்லாஹ்வின் தூதர் (ஸல்) அவர்களுக்கு அவர்களின் சிறிய தந்தை அபூதாலிப் அவர்கள் பாதுகாப்பாக இருந்தார். அபூபக்ர் (ரலி) அவர்களுக்கு அவரின் குடும்பத்தினர் பாதுகாப்பாக இருந்தனர். ஆனால் மற்றவர்களை இணைவைப்பாளர்கள் பிடித்து அவர்களுக்கு இரும்புச் சட்டைகளை அணிவித்து வெயிலில் கிடத்தி சுட்டெரித்தனர். இதனால் வேதனையைத் தாங்கமுடியாமல் இவர்கள், (இனி யாரும் இஸ்லாத்தை வெளிப்படுத்தக்கூடாது எனும் இணைவைப்பாளர்களின் மிரட்டலுக்கு) இணங்கிப் போயினர்…

…அபூஜஹ்ல் வந்து ஸுமைய்யா (ரலி) அவர்களை கெட்டவார்த்தையில் திட்டினான். பிறகு அவரை ஈட்டியால் குத்திக் கொன்றான். எனவே தான் இஸ்லாத்தில் முதல் ஷஹீத் (உயிர்த் தியாகி) ஸுமைய்யா (ரலி) அவர்கள் ஆவார்…

…பிலால் (ரலி) அவர்களைத் தவிர. அவர் அல்லாஹ்வின் விசயத்தில் தன் உயிரை துச்சமாகக் கருதினார். அவரை வேதனைப்படுத்துவதில் இணைவைப்பாளர்களே சோர்ந்துவிட்டனர். எனவே அவரின் கழுத்தில் கயிற்றைக் கட்டி சிறுவர்களிடம் ஒப்படைத்து மக்காவின் இரு மலைகளுக்கிடையில் அவரை கட்டிவைக்குமாறு அச்சிறுவர்களிடம் கூறினர். அப்படியிருந்தும் பிலால் (ரலி) அவர்கள், (அல்லாஹ்) ஒருவனே! (அல்லாஹ்)  ஒருவனே! என்று கூறிக் கொண்டிருப்பார்.