Tirmidhi-151

---

---

…

அல்லாஹ்வின் தூதர் (ஸல்) அவர்கள் கூறினார்கள்: “நிச்சயமாக தொழுகைக்கு ஆரம்பமும் உண்டு, முடிவும் உண்டு.

லுஹர் தொழுகையின் ஆரம்ப நேரம் சூரியன் சாய்ந்ததும், அதன் கடைசி நேரம் அஸர் தொழுகையின் நேரம் நுழைந்ததும் ஆகும்.

அஸர் தொழுகையின் ஆரம்ப நேரம் அதன் நேரம் நுழைந்ததும், அதன் கடைசி நேரம் சூரியன் மஞ்சள் நிறமாக மாறியதும் ஆகும்.

மக்ரிப் தொழுகையின் ஆரம்ப நேரம் சூரியன் மறைந்ததும், அதன் கடைசி நேரம் அடிவானம் மறையும் வரை ஆகும்.

இஷா தொழுகையின் ஆரம்ப நேரம் அடிவானம் மறைந்ததும், அதன் கடைசி நேரம் இரவு பாதி ஆகும் வரை ஆகும்.

ஃபஜ்ர் தொழுகையின் ஆரம்ப நேரம் ஃபஜ்ர் (அதிகாலை) உதயமானதும், அதன் கடைசி நேரம் சூரியன் உதயமாகும் வரை ஆகும்.”

…

நான் முஹம்மது (ரஹ்) அவர்களைக் கேட்டேன்: “முஜாஹித் (ரஹ்) அவர்கள் வாயிலாக அஃமஷ் (ரஹ்) அவர்கள் அறிவிக்கும் தொழுகை நேரங்கள் தொடர்பான ஹதீஸ், முஹம்மது பின் ஃபுதைல் (ரஹ்) அவர்கள் வாயிலாக அஃமஷ் (ரஹ்) அவர்கள் அறிவிக்கும் ஹதீஸை விட சரியானது. முஹம்மது பின் ஃபுதைல் (ரஹ்) அவர்களின் ஹதீஸில் ஒரு தவறு உள்ளது, அதில் முஹம்மது பின் ஃபுதைல் (ரஹ்) அவர்களே தவறு செய்துள்ளார்.”

ஹன்னாத் (ரஹ்) அவர்கள் கூறியதாவது: எங்களுக்கு அபூ உஸாமா (ரஹ்) அவர்கள் அறிவித்தார்கள், அவர்கள் அபூ இஸ்ஹாக் அல்-ஃபஸாரி (ரஹ்) அவர்கள் வாயிலாக அஃமஷ் (ரஹ்) அவர்களிடமிருந்து அறிவித்தார்கள், அவர்கள் முஜாஹித் (ரஹ்) அவர்கள் கூறியதாவது: “தொழுகைக்கு ஆரம்பமும் உண்டு, முடிவும் உண்டு என்று கூறப்பட்டது.” பின்னர் அவர் முஹம்மது பின் ஃபுதைல் (ரஹ்) அவர்கள் அஃமஷ் (ரஹ்) அவர்கள் வாயிலாக அறிவித்த ஹதீஸைப் போன்றே, அதே கருத்துடன் கூறினார்.

(திர்மிதி: 151)

---

---