4512. நபி (ஸல்) அவர்கள் அன்பளிப்புகளை ஏற்றுக் கொள்வார்கள், ஆனால் தர்மப் பொருட்களை உண்ண மாட்டார்கள்.
அறிவிப்பவர்: (ரலி)
அபூதாவூத் இமாம் கூறுகிறார்:
வஹ்ப் இப்னு பகிய்யா (ரஹ்) அவர்கள் வேறொரு இடத்தில் இந்தச் செய்தியை, காலித் —> முஹம்மத் பின் அம்ர் —> அபூஸலமா —> நபி (ஸல்) என்ற அறிவிப்பாளர்தொடரில் அறிவித்துள்ளார். இதில் அபூஹுரைரா (ரலி) அவர்களின் பெயரை குறிப்பிடப்படவில்லை.
மேலதிகமாக (இந்த அறிவிப்பில் வந்துள்ளதாவது:), கைபரில் ஒரு யூதப் பெண் நபி (ஸல்) அவர்களுக்கு விஷம் கலந்த சுடப்பட்ட ஆட்டை அன்பளிப்பாகக் கொடுத்தார். நபி (ஸல்) அவர்களும், மற்ற மக்களும் அதிலிருந்து உண்டார்கள். அப்போது நபி (ஸல்) அவர்கள், “உங்கள் கைகளை எடுத்து விடுங்கள்! ஏனெனில், இந்த ஆடு விஷம் கலக்கப்பட்டது என்று எனக்கு அறிவித்துவிட்டது” என்று கூறினார்கள்.
இதன் காரணமாக, பிஷ்ர் பின் பராஉ பின் மஃரூர் அல்அன்ஸாரீ (ரலி) மரணமடைந்தார். நபி (ஸல்) அவர்கள் அந்த யூதப் பெண்ணிடம் ஆளனுப்பி, “நீ ஏன் இப்படிச் செய்தாய்?” என்று கேட்டார்கள். அவள், “நீங்கள் ஒரு நபியாக இருந்தால், நான் செய்த விஷம் உங்களுக்குத் தீங்கு விளைவிக்காது. நீங்கள் ஒரு மன்னராக இருந்தால், (உங்களை விட்டு) மக்களை விடுவிப்பேன்” என்று கூறினாள்.
நபி (ஸல்) அவர்கள் அவளைக் கொல்லும்படி உத்தரவிட்டார்கள். பின்னர், அவர்கள் மரணமடைந்த நோயின் போது, “கைபரில் நான் உண்ட அந்த உணவு, இப்போதும் எனக்குள் வேதனையைத் தந்துகொண்டிருக்கிறது. இப்போதுதான் அது என் பெருநாளத்தைப் (முதுகுத்தண்டுக்கு அருகில் உள்ள நரம்பு) துண்டித்துவிட்டது” என்று கூறினார்கள்.
حَدَّثَنَا وَهْبُ بْنُ بَقِيَّةَ، عَنْ خَالِدٍ، عَنْ مُحَمَّدِ بْنِ عَمْرٍو، عَنْ أَبِي سَلَمَةَ، عَنْ أَبِي هُرَيْرَةَ، قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ «يَقْبَلُ الْهَدِيَّةَ وَلَا يَأْكُلُ الصَّدَقَةَ» حَدَّثَنَا وَهْبُ بْنُ بَقِيَّةَ فِي مَوْضِعٍ آخَرَ عَنْ خَالِدٍ، عَنْ مُحَمَّدِ بْنِ عَمْرٍو، عَنْ أَبِي سَلَمَةَ، وَلَمْ يَذْكُرْ أَبَا هُرَيْرَةَ قَالَ: كَانَ رَسُولُ اللَّهِ صَلَّى اللهُ عَلَيْهِ وَسَلَّمَ: «يَقْبَلُ الْهَدِيَّةَ وَلَا يَأْكُلُ الصَّدَقَةَ» زَادَ: فَأَهْدَتْ لَهُ يَهُودِيَّةٌ بِخَيْبَرَ شَاةً مَصْلِيَّةً سَمَّتْهَا فَأَكَلَ رَسُولُ اللَّهِ صَلَّى اللهُ عَلَيْهِ وَسَلَّمَ مِنْهَا وَأَكَلَ الْقَوْمُ فَقَالَ: «ارْفَعُوا أَيْدِيَكُمْ فَإِنَّهَا أَخْبَرَتْنِي أَنَّهَا مَسْمُومَةٌ» فَمَاتَ بِشْرُ بْنُ الْبَرَاءِ بْنِ مَعْرُورٍ الْأَنْصَارِيُّ فَأَرْسَلَ إِلَى الْيَهُودِيَّةِ «مَا حَمَلَكِ عَلَى الَّذِي صَنَعْتِ؟» قَالَتْ: إِنْ كُنْتَ نَبِيًّا لَمْ يَضُرَّكَ الَّذِي صَنَعْتُ، وَإِنْ كُنْتَ مَلِكًا أَرَحْتُ النَّاسَ مِنْكَ، فَأَمَرَ بِهَا رَسُولُ اللَّهِ صَلَّى اللهُ عَلَيْهِ وَسَلَّمَ فَقُتِلَتْ، ثُمَّ قَالَ: فِي وَجَعِهِ الَّذِي مَاتَ فِيهِ «مَازِلْتُ أَجِدُ مِنَ الْأَكْلَةِ الَّتِي أَكَلْتُ بِخَيْبَرَ فَهَذَا أَوَانُ قَطَعَتْ أَبْهَرِي»
Abu-Dawood-Tamil-.
Abu-Dawood-TamilMisc-.
Abu-Dawood-Shamila-4512.
Abu-Dawood-Alamiah-.
Abu-Dawood-JawamiulKalim-.
சமீப விமர்சனங்கள்