Abu-Dawood-3166

அபூதாவூத் இமாம்.

இமாம் அபூதாவூத்

முழுப்பெயர்: சுலைமான் இப்னு அஷ்அஸ் இப்னு இஸ்ஹாக் இப்னு பஷீர் இப்னு ஷதாதல் அஸ்தீல் ஸஜிஸ்தானீ (இதில் சில மாற்றங்களுடனும் பெயர் கூறப்படுகிறது) (சுனன் அபூதாவூத் என்ற ஹதீஸ் நூலைத் தொகுத்தவர்)

புனைப்பெயர்: அபூதாவூத் அல்ஹாஃபிழ்

இயற்பெயர்: சுலைமான்

தந்தை பெயர்: அஷ்அஸ்

பிறந்த ஊர்: சஜிஸ்தான் என்ற ஊரில் பிறந்தார்.

பிறப்பு: ஹிஜ்ரி 202ல் ஷஃபான் மாதம்

கல்விக்காகப் பயணம் செய்த ஊர்கள்: ஈரானில் உள்ள குராஸான், இராக்கின் கூஃபா போன்ற ஊர்களுக்கும் இன்னும் ஷாம், எகிப்து, ஸஜீரா, ஹிஜாஸ், திமிஷ்க், பல்ஹ் இன்னும் இது போன்ற உலகின் பல பாகங்களுக்குப் பயணம் சென்றுள்ளார்.

சுனன் அபூதாவூத்,

அல்மராஸீல்,

அஸ்ஸுஹ்த் போன்ற பல நூல்களை எழுதியிருக்கிறார்.

கஃனபீ, அஹ்மத், யஹ்யா இப்னுல்மதீனீ, சயீத் இப்னு சுலைமானுல் வாஸிதிய்யி, சுலைமான் இப்னு ஹர்ப், சுலைமான் இப்னு அப்துர்ரஹ்மானுத் திமிஷ்கீய்யி, யூசுப் இப்னு மூஸா அல்கதான், நஸாயீ போன்ற பல அறிஞர்கள் இவருக்கு ஆசிரியர்களாக உள்ளனர்.

திர்மிதி, அஹ்மத் இப்னு முஹம்மது இப்னு தாவூத் இப்னு சுலைம், ஹர்ப் இப்னு இஸ்மாயில் அல்கர்மானீ, ஜகரிய்யா இப்னு யஹ்யா அஸ்ஸாஜி, அப்துர்ரஹ்மான் இப்னு கல்லாது அர்ராமஹுர்முஸி போன்ற பல அறிஞர்கள் இவருக்கு மாணவர்களாக உள்ளனர்.

இறப்பு: ஹிஜ்ரி 275ல் ஷவ்வால் மாதம் 17ல்இறந்தார். அப்போது அவருக்கு 73 வயதாகும். (தகவல்: பயான் சைட்)

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இறப்பு: ஹி-179.

தரம்: மிகப் பலமானவர்; பிரபலமான முக்கிய மார்க்க அறிஞர்; ஹதீஸை அறிவிப்பதில் பேணுதல் உள்ளவர்.

இயற்பெயர்: ஹம்மாத்

தந்தை பெயர்: ஸைத்

வமிசம்: அல்அஸ்தீ, ...

புனைப்பெயர், பட்டப்பெயர்: அபூஇஸ்மாயீ, அல்அஸ்ரக், அள்ளரீர், ...

ஊர் பெயர்: பஸரா

பிறப்பு: ஹிஜ்ரி-98.

இறப்பு: ஹிஜ்ரி-177 அல்லது 179

கால கட்டம்: 8.

ஹம்மாத் பின் ஸலமா, ஹம்மாத் பின் ஸைத் இருவரும் ஹதீஸ்துறையின் முக்கிய அறிஞர்கள் ஆவார்கள்.

1 . அஃப்பான் பின் முஸ்லிம் அவர்கள் ஹம்மாத் பின் ஸைத் அவர்களிடமிருந்து அறிவிக்கும்போது, ஹம்மாத் பின் ஸைத் என்று முழுமையாக கூறுவார். ஹம்மாத் பின் ஸலமா அவர்களிடமிருந்து அறிவிக்கும் போது ஹம்மாத் என்று மட்டுமே கூறுவார். இதை மிஸ்ஸீ அவர்கள் தனது "தஹ்தீபுல் கமால்" எனும் நூலில் குறிப்பிட்டுள்ளார்.

2 . அஹ்மத் பின் அப்தா, அபுர்ரபீஃ, குதைபா பின் ஸயீத், முஸத்தத் ஆகியோர் ஹம்மாத் பின் ஸைத் அவர்களிடமிருந்து மட்டுமே ஹதீஸை அறிவித்துள்ளனர். எனவே இவர்களில் ஒருவர் ஹம்மாத் என்று தனது ஆசிரியரைக் கூறினால் அவர் ஹம்மாத் பின் ஸைத் ஆவார்.

3 . பஹ்ஸ் பின் அஸத், மூஸா பின் இஸ்மாயீல் ஆகியோர் ஹம்மாத் பின் ஸலமா அவர்களிடமிருந்து மட்டுமே ஹதீஸை அறிவித்துள்ளனர். எனவே இவர்களில் ஒருவர் ஹம்மாத் என்று தனது ஆசிரியரைக் கூறினால் அவர் ஹம்மாத் பின் ஸலமா ஆவார்.

4 . புகாரி அவர்கள் தனது ஸஹீஹ் புகாரியில் "ஹம்மாத்" என்று மட்டும் குறிப்பிட்டால், அது ஹம்மாத் பின் ஸைத் அவர்களையே குறிக்கும். ஆனால் ஒரே ஒரு இடத்தில் மட்டும் இமாம் புகாரி அவர்கள் ஹம்மாத் பின் ஸலமா என்று தெளிவுபடுத்தியுள்ளார்.

5 . நஸாயீ அவர்களின் ஸுனன் நஸாயி எனும் நூலில் அறிவிப்பாளர்களில் ஒருவர் "ஹம்மாத்" என்று அறிவித்தால், அது பொதுவாக ஹம்மாத் பின் ஸைத் அவர்களையே குறிக்கும்.

6 . ஸுஃப்யான் ஸவ்ரீ அவர்கள் ஹம்மாத் பின் ஸைத் அவர்களிடமிருந்து 2 ஹதீஸ்களை மட்டுமே அறிவித்துள்ளார். அதல்லாத செய்திகளில் ஹம்மாத் என்று கூறினால் அது ஹம்மாத் பின் ஸலமா ஆவார்.

7 . மேற்கண்ட முறைகள் மூலம் வேறுபடுத்த இயலாவிட்டால் அறிவிப்பாளர்தொடரில் வேறு குறைகள் இல்லையென்றால், அந்த ஹதீஸை முஸ்லிம் இமாமின் நிபந்தனைப்படி உள்ளதாகக் கருதலாம். ஏனெனில், இமாம் முஸ்லிம் அவர்கள்  ஹம்மாத் பின் ஸைத், ஹம்மாத் பின் ஸலமா ஆகியோரை ஆதாரமாக ஏற்றுள்ளார். இந்த தகவலை தஹபீ அவர்கள் தனது "ஸியரு அஃலாமின் நுபலா" எனும் நூலில் குறிப்பிட்டுள்ளார்.

قلت: وقال يعقوب بن شيبة: ‌حماد ‌بن ‌زيد ‌أثبت ‌من ‌ابن ‌سلمة، ‌وكل ‌ثقة، غير أن ابن زيد معروف بأنه يقصر في الأسانيد، ويوقف المرفوع، كثير الشك بتوقيه، وكان جليلا لم يكن له كتاب يرجع إليه، فكان أحيانا يذكر فيرفع الحديث وأحيانا يهاب الحديث ولا يرفعه، وكان يعد من المتثبتين في أيوب خاصة

وقال يعقوب بن شيبة في "مسنده": ‌حَمَّاد ‌بن ‌زيد ‌أثبت ‌من ‌ابن ‌سلمة، ‌وكل ‌ثقة، غير أن ابن زيد معروف بأنه يقصر في الأسانيد، ويوقف المرفوع كثير الشك بتوقيه، وكان جليلا، ولم يكن له كتاب يرجع إليه، فكان أحيانًا يذكر فيرفع الحديث، وأحيانًا يهاب الحديث ولا يرفعه.

وقال يعقوب بن شَيْبة : «‌حمَّادُ ‌بنُ ‌زَيْد ‌أثبَتُ ‌من ‌ابن ‌سلمة، ‌وكُلٌّ ‌ثقةٌ، غيرَ أنَّ ابنَ زيد معروفٌ بأنه يقصِّر في الأسانيد، ويُوقِفُ المرفوعَ، وكثيرُ الشكِّ بتوقِّيه، وكان جليلاً لم يكنْ له كتابٌ يَرْجعُ إليه، فكان أحيانًا يذكُرُ فيرفَعُ الحديثَ، وأحيانًا يهابُ الحديثَ ولا يَرْفعه»

ஹம்மாத் பின் ஸைத் அவர்கள், ஹம்மாத் பின் ஸலமா அவர்களை விட மிகப் பலமானவர். இருவரும் பலமானவர்களே.

1 . சில நேரம் அறிவிப்பாளர்தொடரை சுருக்கி அறிவிப்பார். நபி (ஸல்) அவர்களின் சொல்லாக கருதப்படும் ஒரு செய்தியை நபித்தோழரின் சொல்லாக அறிவிப்பார்.

1 . அவர் ஹதீஸை அறிவிப்பதில் அதிகக் கவனத்துடன் நடந்துள்ள வேண்டும் என்பதால் அதிகம் சந்தேகம் கொள்ளும் இயல்புடையவராக இருந்தார்.

2 . அவர் ஹதீஸ்களை மனனத்தில் தான் பாதுகாத்து வைத்திருந்தார். மீண்டும் ஹதீஸை எடுத்துப் பார்க்க அவரிடம் எந்த நூலும் இருக்கவில்லை. அதாவது அவர் ஹதீஸ்களை எழுதி வைக்கவில்லை. (யஹ்யா பின் ஸயீத் அவர்களின் ஒரு சிறு நூல் மட்டும் அவர்களிடம் இருந்தது)

எனவே, சில சமயங்களில் அவர் (நினைவிலிருந்து) குறிப்பிடும்போது, ஹதீஸ்களை நபி (ஸல்) அவர்களின் சொல்லாக அறிவிப்பார்.

வேறு சில சமயங்களில், அந்தச் செய்தியைக் குறிப்பிடுவதில் தயக்கம் கொண்டு, நபி (ஸல்) அவர்களின் சொல்லாக அறிவிக்க மாட்டார். மாறாக நபித்தோழரின் சொல்லாக அறிவிப்பார்.

(நூல்கள்: தஹ்தீபுல் கமால்-1/481, அல்இக்மால்-2/436, அல்இலல்-இப்னு அபூஹாதிம்-ஆய்வாளரின் முன்னுரை-1/77)

பிற்காலத்தில் ஹம்மாத் பின் ஸைத் அவர்களுக்கு பார்வை குறைப்பாடு ஏற்பட்டது. எனவே இவர் ஒரு செய்தியை நபியின் சொல்லாகவும், நபித்தோழரின் சொல்லாகவும் கருத்து வேறுபாட்டுடன் அறிவித்தால் இவரிடமிருந்து ஆரம்பத்தில் ஹதீஸைக் கேட்டவர்கள் எப்படி அறிவித்தார்கள் என்று பார்க்க வேண்டும்.

முஹம்மது பின் இஸ்ஹாக் பின் யஸார்

முஹம்மத் பின் இஸ்ஹாக் பின் யஸார் அவர்கள் பற்றி சிலர் பாராட்டியுள்ளனர். சிலர் குறை கூறியுள்ளனர்.

1 . ஷுஅபா, ஸுஃப்யான் ஸவ்ரீ ஆகியோர் இவர் அமீருல் முஃமினீன ஃபில்ஹதீஸ்-ஹதீஸ்கலையில் முஃமின்களின் தலைவர் என்று கூறியுள்ளனர்.

2 . அபூமுஆவியா அள்ளரீர் அவர்கள், இவர் மக்களில் நல்ல நினைவாற்றல் உள்ளவராக இருந்தார் என்று கூறியுள்ளார்.

3 . ஸுஃப்யான் பின் உயைனா அவர்கள், இவரின் சபையில்  70 வருடத்திற்குமேல் அமர்ந்து ஹதீஸ்களை கேட்டுள்ளேன். மதீனாவாசிகள் யாரும் இவரை பொய்யர் என சந்தேகிக்கவில்லை. இவரைப் பற்றி விமர்சிக்கவில்லை என்று கூறியுள்ளார்.

4 . இப்னு நுமைர் அவர்கள், இவர் அறியப்பட்டவர்களிடமிருந்து அறிவிக்கும் செய்திகள் ஹஸன் தர செய்திகளாகும். அறியப்படாதவர்களிடமிருந்து அறிவிக்கும் செய்திகள் பலவீனமானவைகளாகும். இவர் அறியப்படாதவர்களிடமிருந்து தவறான செய்திகளை அறிவித்திருப்பதே இவர் பற்றிய விமர்சனம் ஆகும் என்று கூறியுள்ளார்.

5 . இப்னுல் மதீனீ அவர்கள், இவரின் சில ஹதீஸ்களை சரியானவை என்றும், சிலவை ஹஸன் தர செய்திகள் என்றும் கூறியுள்ளார்...

6 . இஜ்லீ அவர்கள், இவர் பலமானவர் என்று கூறியுள்ளார்.

7 . அபூஸுர்ஆ அர்ராஸீ, கதீப் பக்தாதீ, தஹபீ, இப்னு ஹஜர் ஆகியோர் இவர் ஸதூக்-நம்பகமானவர் என்ற தரத்தில் அதாவது நடுத்தரமானவர், சுமாரானவர் என்றக் கருத்தில் கூறியுள்ளனர்.

1 . கத்ரிய்யா கொள்கையுடைவர்.

2 . ஷீஆ கொள்கையுடைவர்.

பித்அத் கொள்கையுடையவர்கள், நினைவாற்றலிலும், நம்பகத்தன்மையிலும் சரியானவர்களாக இருந்து தனது பித்அத்தை மக்களிடம் பரப்பாதவர்களாகவும், தனது பித்அத்தை நியாயபடுத்தும் செய்திகளை அறிவிக்காதவர்களாகவும் இருந்தால் அவர்களின் அறிவிப்புகளை ஏற்கலாம் என்பதின்படி இவரிடம் குறையில்லை.

3 . இமாம் அஹ்மத், தாரகுத்னீ ஆகியோர் இவர் தத்லீஸ்  செய்பவர் என்று கூறியுள்ளனர்.

மேலும் தாரகுத்னீ அவர்கள், ஹதீஸ்கலை இமாம்கள் இவர் விசயத்தில் கருத்துவேறுபாடு கொண்டுள்ளனர். இவரை (ஹதீஸில்) ஆதாரமாக எடுத்துக்கொள்ளக்கூடாது. மற்றவர்கள் இவர் போன்று அறிவித்துள்ளனரா? என்று பார்க்க வேண்டும் என்று கூறியுள்ளார்.

இதன்படி இவர் தத்லீஸ் செய்திருந்தால் அதை ஏற்கக் கூடாது. தனது ஆசிரியரிடமிருந்து நேரடியாக கேட்டதாக அறிவித்தால் ஏற்கலாம்.

4 . சில செய்திகளை தனித்து அறிவித்துள்ளார்.

5 . சில செய்திகளை பலமானவர்களுக்கு மாற்றமாக அறிவித்துள்ளார்.

இவர் சில செய்திகளை தனித்து அறிவித்திருப்பதற்கும், பலமானவர்களுக்கு மாற்றமாக அறிவித்திருப்பதற்கும் காரணம் எல்லோரிடமிருந்தும் இவர் ஹதீஸை கேட்டுக் கொள்வார் என்பதாகும். எனவே தான் இப்னு நுமைர் அவர்கள் இவர் அறியப்பட்டவர்களிடமிருந்து அறிவிக்கும் செய்திகள் ஹஸன் தர செய்திகளாகும். அறியப்படாதவர்களிடமிருந்து அறிவிக்கும் செய்திகள் பலவீனமானவைகளாகும். இவர் அறியப்படாதவர்களிடமிருந்து தவறான செய்திகளை அறிவித்திருப்பதே இவர் பற்றிய விமர்சனம் ஆகும் என்று கூறியுள்ளார். இந்தக் கருத்தின்படியே இவரின் செய்திகளை சிலர் விமர்சித்துள்ளனர்.

எனவே இந்தக் குறையுள்ள செய்திகளில் மட்டும் இவரின் செய்திகளை ஏற்கக்கூடாது.

6 . இஸ்ராயீலீ.. அறிவிப்புகளை அறிவித்துள்ளார்.

இஸ்ராயீலீ அறிவிப்புகளை அறிவிப்பது தவறல்ல என்று சரியான ஹதீஸ்கள் உள்ளன என்பதால் இது விமர்சனம் அல்ல என்று தஹபீ அவர்கள் கூறியுள்ளார். (குர்ஆனுக்கும், சரியான ஹதீஸ்களுக்கும் மாற்றமாக உள்ள அறிவிப்புகளை ஏற்கக்கூடாது)

7 . ஒரு ஹதீஸை பல ஆசிரியர்களிடமிருந்து அறிவிக்கும் போது ஆசிரியர்களின் வார்த்தைகளை பிரித்து அறிவிக்காமல் ஒரே மாதிரி வாக்கிய அமைப்பில் அறிவிப்பார்.

இந்த விமர்சனம் குறிப்பிட்ட அந்த செய்திகளில் மட்டுமே செல்லுபடியாகும்.

8 . பொய்யர்.

ஹிஷாம் பின் உர்வா அவர்கள் தான் இவரை பொய்யர் என்று கூறினார். இவரின் கருத்தையே இவருக்கு பின் வந்த யஹ்யா பின் ஸயீத் கூறியுள்ளார்.

ஹிஷாம் பின் உர்வா அவர்கள், முஹம்மது பின் இஸ்ஹாகை பொய்யர் என்று கூறியதற்கு காரணம், எனது மனைவி ஃபாத்திமா பின்த் முன்திரிடமிருந்து ஹதீஸைக் கேட்டதாக முஹம்மது பின் இஸ்ஹாக் அறிவிக்கிறார். அல்லாஹ்வின் மீதாணையாக! இவர் என் மனைவியை பார்க்கவில்லை; எனவே இவர் பொய்யர் என்று கூறியுள்ளார்.

(ஆனால் இந்தக் கருத்தை தன் மனைவி கூறியதாக ஹிஷாம் கூறவில்லை. எனவே இதை வைத்து இவரை பொய்யர் எனக் கூறமுடியாது)

1 . எத்தனையோ அறிஞர்கள், பெண்களை பார்க்காமலே திரைக்குப் பின்னிருந்து அவர்கள் அறிவிக்கும் ஹதீஸ்களை கேட்டுள்ளனர். அந்த அடிப்படையில் இவர் ஹதீஸைக் கேட்டிருக்க வாய்ப்புள்ளது.

2 . ஹிஷாம், ஃபாத்திமா அவர்களை திருமணம் முடிப்பதற்கு முன்பு ஹதீஸ்களை கேட்டிருக்க வாய்ப்புள்ளது.

3 . ஃபாத்திமா அவர்கள், இவருக்கு பால்குடி உறவின் அடிப்படையில் தாயின் சகோதரியாகவோ, அல்லது மாமியாகவோ இருந்து அவரிடம் ஹதீஸை கேட்டிருக்க வாய்ப்புள்ளது.

4 . மேலும் ஸுஃப்யான் ஸவ்ரீ அவர்கள் முஹம்மது பின் இஸ்ஹாக், ஃபாத்திமா அவர்களிடம் ஹதீஸைக் கேட்டுள்ளார் என்று கூறியுள்ளார்.

எனவே தான் ஹிஷாம் இவரை பொய்யர் என்று கூறியது சரியானதல்ல என்று தஹபீ போன்ற அறிஞர்கள் கூறியுள்ளனர்.

மாலிக் இமாம் அவர்களும் இவரை பொய்யர் என்று கூறியுள்ளார். ஆனால் அதற்கு காரணத்தைக் கூறவில்லை என்பதால் இதை ஏற்கமுடியாது.

(நூல்கள்: தாரீகு பஃக்தாத்-2/7, தாரீகுல் இஸ்லாம்-4/193, ஸியரு அஃலாமின் நுபலா-7/33, தஹ்தீபுத் தஹ்தீப்-3/504, தக்ரீபுத் தஹ்தீப்-1/825)

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.