4342. நபி (ஸல்) அவர்கள் என்னை யமன் நாட்டுக்கு அனுப்பி வைத்தார்கள். அப்போது அங்கு தயாரிக்கப்படும் பானங்கள் குறித்து (அவற்றின் சட்டம் என்ன என்று) நான் அவர்களிடம் விசாரித்தேன். அதற்கு அவர்கள், “அவை யாவை?” என்று கேட்டார்கள். நான், “அல்பித்உ, அல்மிஸ்ர்” என்றேன். அப்போது நபி (ஸல்) அவர்கள், “போதை தரக்கூடிய ஒவ்வொன்றும் ஹராம் (விலக்கப்பட்டது) ஆகும்” என்று பதிலளித்தார்கள்.
அறிவிப்பவர்: அபூமூஸா அல்அஷ்அரீ (ரலி)
இதன் அறிவிப்பாளர்களில் ஒருவரான ஸயீத் இப்னு அபூபுர்தா (ரஹ்) கூறினார்:
நான் இதை எனக்கு அறிவித்த (என் தந்தை) அபூபுர்தா (ரஹ்) அவர்களிடம், “பித்உ” என்றால் என்ன?’ என்று கேட்டேன். அதற்கு அவர்கள், “பித்உ” என்பது தேனில் தயாரிக்கப்படும் பானம். “மிஸ்ர்” என்பது வாற்கோதுமையில் தயாரிக்கப்படும் பானம்’ என்று பதிலளித்தார்கள்.
இந்தச் செய்தியை ஷைபானீ அவர்களிடமிருந்து ஜரீர், அப்துல்வாஹித் ஆகியோரும் அறிவித்துள்ளனர்.
அத்தியாயம்: 64
أَنَّ النَّبِيَّ صَلَّى اللهُ عَلَيْهِ وَسَلَّمَ بَعَثَهُ إِلَى اليَمَنِ، فَسَأَلَهُ عَنْ أَشْرِبَةٍ تُصْنَعُ بِهَا، فَقَالَ: «وَمَا هِيَ؟» قَالَ: البِتْعُ وَالمِزْرُ، فَقُلْتُ لِأَبِي بُرْدَةَ: مَا البِتْعُ؟ قَالَ: نَبِيذُ العَسَلِ، وَالمِزْرُ نَبِيذُ الشَّعِيرِ، فَقَالَ: «كُلُّ مُسْكِرٍ حَرَامٌ»
رَوَاهُ جَرِيرٌ، وَعَبْدُ الوَاحِدِ، عَنِ الشَّيْبَانِيِّ، عَنْ أَبِي بُرْدَةَ
சமீப விமர்சனங்கள்