Musnad-Ahmad-5864

இமாம் அஹ்மத்

முழுப்பெயர் : அஹ்மத் இப்னு முஹம்மத் இப்னு ஹன்பல் இப்னு ஹிலால் இப்னு அஸது அஷ்ஷைபானீ (முஸ்னத் அஹ்மத் என்ற ஹதீஸ் நூலைத் தொகுத்தவர்)

புனைப்பெயர் : அபூஅப்தில்லாஹ்

இயற்பெயர் : அஹ்மத்

தந்தைப்பெயர் : முஹம்மது

பிறந்த ஊர் : பக்தாதில் பிறந்தார்

பிறந்த நாள் :  ஹிஜ்ரி 164ம் ஆண்டு

கல்விக்காகப் பயணம் செய்த ஊர்கள்:  கூஃபா, பஸரா, மக்கா, மதீனா, யமன், ஷாம், ஜஸீரா போன்ற உலகில் உள்ள பல பாகங்களுக்குப் பயணம் சென்றுள்ளார்.

முஸ்னத் அஹ்மத்

அஸ்ஸுஹுத்

ஃபலாயிலுஸ் ஸஹாபா (ஸஹாபாக்களின் சிறப்பு)

அல்அஷ்ரிபத்

அல்இலல்

அன்னாஸிஹ் வல்மன்ஸுஹ்

அல்மனாசிக்

கிதாபுல் ஃபிதன்

கிதாபுல் ஃபலாயிலி அஹ்லில் பைத்

முஸ்னத் அஹ்லில் பைத்

அல்அஸ்மாவு வல்குனா ( அறிவிப்பாளர்களின் பெயர்கள் தொடர்பானது)

கிதாபுத்தாரிக்

அல்முகத்தமு வல்முதஅக்கர் (முந்தியவர்கள் பிந்தியவர்கள்)

இப்ராஹீம் இப்னு காலித் அஸ்ஸன்ஆனி, இஸ்மாயீல் இப்னு உலய்யா, அபூபக்கர் இப்னு அய்யாஷ், இஸ்ஹாக் இப்னு யூசுஃப் அல்அஸ்ரக், ரபிஃ இப்னு உலய்யா, ரவ்ஹ் இப்னு உப்பாதா, சுஃப்யான் இப்னு உஐனா, தல்க் இப்னு நகயீ போன்ற பல அறிஞர்கள் இவருக்கு ஆசிரியர்களாக உள்ளனர்.

முஹம்மது இப்னு இஸ்மாயீல் அல்புகாரி, முஸ்லிம் இப்னு  ஹஜ்ஜாஜ், அபூதாவூத், அபூபக்கர் அஹ்மத் இப்னு முஹ்ம்மத் இப்னு ஹானீல்பக்தாதீ, அபூஹாதம் முஹம்மத் இப்னு இத்ரீஸ், யஹ்யா இப்னு மயீன், அலீ இப்னு மதீனீ போன்ற அறிஞர்கள் இவருக்கு மாணவர்களாக உள்ளனர்.

இறப்பு: ஹிஜ்ரி 241ஆம் வருடம் ரபீவுல்அவ்வல் மாதத்தில் நோய்வாய்ப்பட்டார். பக்தாதில் இதே வருடம் வெள்ளிக்கிழமை அன்று மரணித்தார். அப்போது அவருக்கு 77 வயதாகும். (தகவல்: பயான் சைட்)

இறப்பு: ஹிஜ்ரி 240

தரம்: மிகப் பலமானவர்

விபரங்கள்

இயற்பெயர்: யஹ்யா அல்லது அலீ

தந்தை பெயர்: ஸயீத்

வம்சம்: தகஃபீ

புனைப்பெயர்: அபூரஜாஃ

ஊர் பெயர்: பக்லான்

பயணித்த ஊர்கள்: புல்க், பக்லான், பக்தாத்

பிறப்பு: ஹிஜ்ரி 150

இறப்பு: ஹிஜ்ரி 240

கால கட்டம்: தபஉத் தாபிஈ

வாழ்க்கைக் குறிப்பு

குதைபா பின் ஸயீத் ரஹ் அவர்கள் அபூரஜாஃ என்ற குன்யாவுடன் அறியப்பட்டவர். இவர் ஹிஜ்ரி 150ல் பிறந்து ஹிஜ்ரி 240ல் மரணமடைந்தார். இமாம் மாலிக், லைஸ் பின் ஸஅத், ஹம்மாத் பின் ஸைத், ஸுஃப்யான் பின் உயைனா போன்ற பல அறிஞர்களிடமிருந்து ஹதீஸ்களை அறிவித்துள்ளார்.

புகாரி, முஸ்லிம், அபூதாவூத், திர்மிதீ, நஸாயீ, அஹ்மத் பின் ஹன்பல் போன்ற இமாம்கள் இவரிடமிருந்து ஹதீஸ்களை அறிவித்துள்ளனர். அஹ்மத் பின் ஹன்பல், யஹ்யா பின் மயீன், அபூ ஹாதிம், நஸாயீ போன்ற அறிஞர்கள் இவரை மிகப் பலமானவர் என்று கூறியுள்ளனர். இவர் ஹதீஸ்களைப் பாதுகாப்பதில் மிக உறுதியானவராகவும், சுன்னாவின் மீது நிலைத்தவராகவும் இருந்தார்.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): மாலிக் இமாம், லைஸ் பின் ஸஅத், அப்துல்லாஹ் பின் லஹீஆ, ஹம்மாத் பின் ஸைத், ஸுஃப்யான் பின் உயைனா, ஷரீக் பின் அப்துல்லாஹ் அன்நக்ஈ, கலஃப் பின் கலீஃபா, பக்ர் பின் முத்ர், ஜரீர் பின் அப்துல்ஹமீத் அர்ராஸீ, அபூஅவானா அல்வத்தாஹ் பின் அப்துல்லாஹ், அப்துல்லாஹ் பின் இத்ரீஸ், யஸீத் பின் ஸுரைஃ

இவரிடமிருந்து அறிவித்தோர் (மாணவர்கள்): புகாரி இமாம், முஸ்லிம் இமாம், அபூதாவூத், இமாம் திர்மிதீ, இமாம் நஸாயீ, அஹ்மத் பின் ஹன்பல், அபூபக்ர் பின் அபூஷைபா, முஹம்மத் பின் யஹ்யா அத்தஹ்லீ, அலீ பின் அல்மதீனீ, யஹ்யா பின் மயீன், அபூ ஹாதிம் அர்ராஸீ, அபூ ஸுர்ஆ அர்ராஸீ

வேறு பெயர்கள்: குதைபா பின் ஸயீத், அபூரஜாஃ

ஆதாரம்: muslimscholars.info (30367) · Should verify

ஹி 70; 95; 96; 97 - 170; 173; 174; 175, வயது 77.

தரம்: சில குறிப்பிட்ட அறிவிப்பாளர்கள் இவரிடமிருந்து அறிவித்தால் அந்தச் செய்தி வேறு குறைகள் இல்லாவிட்டால் சரியானது. மற்ற சிலர் அறிவித்தால் பலவீனமானது.

இயற்பெயர்: அப்துல்லாஹ்

தந்தை பெயர்: லஹீஆ

குறிப்புப் பெயர்: அபூஅப்தில்லாஹ்

தொழில் மற்றும் ஊர் பெயர்: எகிப்தின் நீதிபதி, மார்க்க சட்ட அறிஞர்.

பிறப்பு: ஹிஜ்ரீ-70; 95; 96; 97 கருத்துவேறுபாடு...

இறப்பு: ஹிஜ்ரீ-170; 173; 174; 175 கருத்துவேறுபாடு...

இப்னு யூனுஸ் அவர்களின் ஹி 97-174 என்ற தகவல்படி இவரின் வயது 77.

இப்னு ஹஜர் அவர்கள், இவர் சுமார் 80 வயது வரை வாழ்ந்தார் என்று குறிப்பிட்டுள்ளார்.

கால கட்டம்: 7.

இப்னு லஹீஆ எகிப்தைச் சேர்ந்தவர். இவர் எகிப்தின் நீதிபதியாக இருந்துள்ளார். மேலும் ஹதீஸ்களை அறிவிப்பவராகவும் இருந்துள்ளார்.

1 . இவரைப்பற்றி சிலர் எல்லா நிலையிலும் இவர் பலமானவர் என்றும்,

2 . சிலர் எல்லா நிலையிலும் இவர் பலவீனமானவர் என்றும்,

3 . சிலர், சில குறிப்பிட்ட அறிவிப்பாளர்கள் இவரிடமிருந்து அறிவிக்கும் செய்திகள் சரியானவை என்றும் கூறியுள்ளனர்.

1 . இவரைப் பற்றி இப்னு வஹ்ப் அவர்கள், இவர் உண்மையாளர்; நல்லமனிதர் என்று கூறியுள்ளார். யஹ்யா பின் ஹஸ்ஸான் அவர்கள் ஹுஷைம் அவர்களுக்கு பிறகு இவரைவிட மனனசக்தி உடையவரை நான் பார்க்கவில்லை என்று கூறியுள்ளார். அவரிடம், மக்கள் இப்னு லஹீஆவின் நூல்கள் எரிந்துவிட்டன என்று கூறுகிறார்களே என்று கூறப்பட்டபோது அவரின் நூல் காணாமல் போகவில்லை (அதாவது முழுமையாக எரியவில்லை என்று கூறினார்)

ஸுஃப்யான் ஸவ்ரீ அவர்கள், நான் அவரை சந்திப்பதற்காக பலமுறை ஹஜ் செய்துள்ளேன். அவரிடம் அஸல் (ஹதீஸ் நூல்) இருந்தது. எங்களிடம் அதன் பிரிவு உள்ளது என்று கூறியுள்ளார்...

இமாம் அஹ்மத் அவர்கள், ஹதீஸ்களை அதிகமாக அறிவிப்பதிலும், உறுதியான நினைவாற்றலிலும் இப்னு லஹீஆவைப் போன்று யார் எகிப்தில் இருக்கிறார்? என்று கூறியுள்ளார்.

மேலும் இப்னு லஹீஆவின் ஊரைச் சேர்ந்த அஹ்மத் பின் ஸாலிஹ் அவர்கள் இப்னு லஹீஆவை பாராட்டியதாக யஃகூப் பின் ஸுஃப்யான் அவர்கள் கூறியுள்ளார். (இதுபோன்று இன்னும் சிலரும் இவரைப் பாராட்டி கூறியுள்ளனர்)...

(நூல்கள்: தஹ்தீபுல் கமால்-15/487, தஹ்தீபுத் தஹ்தீப்-2/411, அல்காஷிஃப்-3/182...)

இப்னு லஹீஆ அதிகமாக ஹதீஸை தேடக்கூடியவராக இருந்துள்ளார். அவர் பயணம் செய்வதற்காக ஒரு வரைபடத்தையே கழுத்தில் மாட்டி இருந்துள்ளார். தான் சந்திக்கும் மனிதர்களிடம் உங்களிடம் ஹதீஸ் உள்ளதா, நீங்கள் யாரிடம் ஹதீஸை கேட்டு எழுதிவைத்துள்ளீர்கள் என்று விசாரித்து ஹதீஸை எழுதிக்கொள்வார்.

எனவேதான் அறிஞர்களில் சிலர் இவர் எழுதிவைத்திருந்தவை சரியானது. ஆனால் இவரின் நூல் எரிந்தபோன பின்பு இவர் தனது மனப்பாடத்திலிருந்து அறிவித்ததால் அதிகம் தவறுகள் ஏற்பட்டுவிட்டன என்று கூறியுள்ளனர்.

1 . அப்துர்ரஹ்மான் பின் மஹ்தீ

2 . பிஷ்ர் பின் ஸரிய்

3 . யஹ்யா பின் ஸயீத்.

“இப்னு லஹீஆ  வழியாக  குறைவாகவோ,  அதிகமாகவோ  (எதையும்)  எடுத்துக்  கொள்ள மாட்டேன்’’  என்று  அப்துர்ரஹ்மான்  பின்  மஹ்தி  கூறியுள்ளார். “நீ  இப்னு லஹீஆவைப்  பார்த்தால்  அவரிடமிருந்து  ஒரு  எழுத்தைக்  கூட  எடுத்துக்  கொள்ளாதே என்று  பிஷ்ர்  என்னிடம்  கூறினார்’’  என்று  யஹ்யா  பின் ஸயீத் கூறியுள்ளார்.

நூல்: அல்மஜ்ரூஹீன், பாகம்: 2, பக்கம் : 14

4 . இப்னு மயீன்

இப்னு மயீன் அவர்கள், இப்னு லஹீஆ ஹதீஸ் துறையில் பலவீனமானவர் என்று கூறினார்கள்.

(நூல்: தாரீக் இப்னு மயீன், பாகம் 1, பக். 153)

இப்னு லஹீஆ என்பவரின் ஹதீஸ் ஆதாரமாக  எடுத்துக்  கொள்ளக்கூடாது  என்று  யஹ்யா (பின் மயீன்)  கூறியதை  நான்  செவியேற்றுள்ளேன்.

(நூல்: தாரீக் இப்னு மயீன், பாகம்: 1, பக். 481)

5 . இவ்வாறே இவர்களுக்கு பின்னால் வந்த பல அறிஞர்கள் இவரை விமர்சித்துள்ளனர்.

3 . என்றாலும் சில குறிப்பிட்ட அறிவிப்பாளர்கள், இப்னு லஹீஆவிடமிருந்து அறிவித்தால் அதை ஏற்றுக்கொள்ளலாம் என்று சில அறிஞர்கள் கூறியுள்ளனர்.

1 . அப்துர்ரஹ்மான் பின் மஹ்தீ அவர்கள், நான் இப்னு லஹீஆவின் ஹதீஸ்களில் இப்னு முபாரக் போன்றோர் அறிவிக்கும் செய்திகளைத் தவிர மற்றவைகளை ஒரு பொருட்டாக கருதுவதில்லை என்று கூறினார் என நுஐம் பின் ஹம்மாத் கூறியுள்ளார்.

(நூல்: தஹ்தீபுத் தஹ்தீப் பாகம் : 2, பக்கம் : 411)

2 . இப்னு லஹீஆ ஹதீஸ் கலையில் பலவீனமானவராவார். இவருடைய புத்தகங்கள் எரிவதற்கு முன்பு இவரிடமிருந்து (ஹதீஸை) எழுதியவர்களின் அறிவிப்புகள் மிகச் சரியானவை. உதாரணமாக இப்னுல் முபாரக், அல்முக்ரிஉ, அப்துல்லாஹ் பின் மஸ்லமா ஆகியோரைப் போன்று...

(நூல்: ஸியரு அஃலாமின் நுபலாஃ, பாகம் : 8, பக்கம் : 11)

3 . இப்னு லஹீஆவின் புத்தகங்கள் எரிவதற்கு முன்பு அவரிடமிருந்து கேட்டவர்களின் அறிவிப்புகள் சரியானவை. உதாரணமாக அப்துல்லாஹ் பின் வஹப், அப்துல்லாஹ் பின் முபாரக் மற்றும் அப்துல்லாஹ் பின் யஸீத் அல்முக்ரிஉ ஆகியோரின் அறிவிப்புகள் சரியானவை.

(நூல்: மீஸானுல் இஃதிதால், பாகம் : 4, பக்கம் : 166)

4 . இப்னு வஹ்ப், இப்னுல் முபாராக், முக்ரீ ஆகியோர் இப்னு லஹீஆவின் மாணவர்கள். இம்மூவரும் இப்னு லஹீஆவிடம் ஆரம்ப நேரத்தில் செவியுற்றவர்கள் என்றும் இவர்கள் இப்னு லஹீஆவின் வழியாக அறிவிக்கும் செய்திகள் சரியானவை என்றும் இமாம்கள் கூறியுள்ளார்கள்.

(நூல்: தஹ்தீபுத் தஹ்தீப், பாகம்: 5, பக்கம்: 330...

5 . அவ்வாறே குதைபா பின் ஸயீத் அவர்கள் இவரிடமிருந்து அறிவிப்பது சரியானது. காரணம், நான் இப்னு லஹீஆ வின் ஹதீஸ்களை இப்னு வஹ்பின் நூல்களிலிருந்தும், இப்னு லஹீஆவின் சகோதரரின் மகனின் நூல்களிலிருந்தும் தான் எடுத்தெழுதி பின்பு அவரிடம் கேட்டு உறுதி செய்துக் கொள்வேன். அஃரஜின் ஹதீஸ்களைத் தவிர, என்று குதைபா பின் ஸயீத் கூறியுள்ளார்.

(நூல்: ஸுஆலாதுல் ஆஜுரீ -1512, தஹ்தீபுல் கமால்-15/494)

6 . சிலர் ஆய்வு செய்து வேறு சில அறிவிப்பாளர்கள் இப்னு லஹீஆவிடமிருந்து அறிவிப்பதும் சரியானது என்று கூறியுள்ளனர். இப்னு லஹீஆவின் நூல் எரிந்தது ஹிஜ்ரீ 170 இல் தான். எனவே அறிவிப்பாளர்கள் விவரம் பற்றிய நூற்களில் அதற்கு முன் அவரிடமிருந்து கேட்டவர்கள் என்று மேலும் சிலர் உள்ளனர்.

1 . அப்துல்லாஹ் பின் வஹ்ப்-

2 . அப்துல்லாஹ் பின் முபாரக்-

3 . அப்துல்லாஹ் பின் யஸீத் அல்முக்ரிஉ-

4 . அப்துல்லாஹ் பின் மஸ்லமா-

5 . குதைபா பின் ஸயீத்-

6 . லஹீஆ பின் ஈஸா-

7 . அபுல்அஸ்வத்-

8 . ஸயீத் பின் அபூமர்யம்-

9. இப்னு ரும்ஹ்-

10 . பிஷ்ர் பின் பக்ர்-

11 . இஸ்ஹாக் பின் ஈஸா-

12 . அபூஸயீத் மவ்லா பனூஹாஷிம்

13 . யஹ்யா பின் இஸ்ஹாக்

14 . வலீத் பின் மஸீத்

15 . அப்துர்ரஹ்மான் பின் மஹ்தீ

16 . லைஸ் பின் ஸஃத்

...ஆய்வில்..

அபூஹாதிம், அபூஸுர்ஆ போன்றோர், இவர் பலவீனமானவரே. என்றாலும் இவரைப் பற்றி முடிவு செய்வதில் குழப்பம் உள்ளது. எனவே இவர் அறிவிக்கும் செய்திகளை (மற்றவர்கள் இவ்வாறு அறிவித்துள்ளார்களா? என்று ஆய்வு செய்ய) எழுதிக்கொள்ளலாம் என்று கூறியுள்ளனர்.

அபூஸுர்ஆ அவர்களிடம், இப்னுலஹீஆவிடம் ஆரம்பத்தில் ஹதீஸ்களை கேட்டவர்களின் செய்தியை பற்றி கேட்டபோது ஆரம்பத்தில் கேட்டவர்களின் செய்தியாக இருந்தாலும், கடைசியில் கேட்டவர்களின் செய்திகளாக இருந்தாலும் எல்லாம் சமமானதே. என்றாலும் இப்னுல் முபாரக், இப்னு வஹ்ப் போன்றோர் அவரின் உஸூலைப் பின்பற்றினர் என்று கூறினார். (இதன் பொருள் நூலிலிருந்து எழுதிக்கொண்டனர் என்பதாக இருக்கலாம்)

(நூல்கள்: அல்ஜர்ஹு வத்தஃதீல்-5/145, இக்மாலு தஹ்தீபில் கமால்-8/143...)

இப்னு ஹிப்பான் அவர்கள், இவர் நல்ல மனிதர் தான். என்றாலும் இவரின் அறிவிப்புகளை நான் ஆய்வு செய்து பார்த்தபோது இவர் தத்லீஸ் செய்திருப்பதை-அதாவது பலவீனமானவர்களை மறைத்து அறிவித்திருப்பதைக் கண்டேன். மக்கள் இவரின் நூலிலிருந்து ஹதீஸை எழுதிக் கொள்வதற்கு கொண்டு செல்வர். பின்பு அவர் அறிவிக்காத செய்திகளையும் அதில் சேர்த்துவிடுவர். இப்னு லஹீஆ அதைப் பொருட்படுத்தாமல் தன் ஹதீஸையும், மற்றவர்களின் ஹதீஸையும் மக்களுக்கு படித்துக்காட்டுவார். எனவே இவரின் நூல் எரிவதற்கு முன் இவரிடமிருந்து அறிவிப்பவர்களின் செய்தியாக இருந்தாலும், இவரின் நூல் எரிந்தபின் இவரிடமிருந்து செவியேற்றவர்கள் அறிவிக்கும் செய்தியாக இருந்தாலும் அனைத்தையும் விட்டுவிடுவது அவசியம் என்று கூறியுள்ளார்.

(நூல்கள்: தஹ்தீபுத் தஹ்தீப்-2/411, தஃரீஃபு அஹ்லித்தக்தீஸ்-1/177)

(319 / 323) - عبدالله بن لهيعة بن عقبة وربما نسب إلى جده، يعتبر بما يروي عنه العبادلة: ابن المبارك والمقرئ وابن وهب

தாரகுத்னீ அவர்கள் (இப்னு லஹீஆவின் நூல் எரிவதற்கு முன் அவரிடமிருந்து செவியேற்றவர்களான) இப்னுல் முபாரக், அல்முக்ரிஉ, இப்னு வஹ்ப் போன்றோர் இப்னு லஹீஆவிடமிருந்து அறிவிக்கும் செய்திகள் கவனிக்கத்தக்கவை (ஏற்கத்தக்கவை) என்ற கருத்தில் கூறியுள்ளார்.

(நூல்: அள்ளுஅஃபாஉ வல்மத்ரூகீன்-323)

தாரகுத்னீ அவர்களின் கருத்தை இவ்வாறே சில அறிஞர்கள் புரிந்துள்ளனர்.

نرى ان الدارقطني يسلك منهجا معتدلا وسطا فيقول: (ان اعتبر له بحديث بعد حديثا صالحا إذا كان عن الائمة.

) فقول الدارقطني فيه هو قول الناقد المتأمل في رواياته العارف بها فانه لم يتركه مطلقا ولم يوثقه مطلقا..بل اعطى فيه حكما وسطا الا هو ان اعتبر له بحديث يعد صالحا فهو الحديث الذي رواه عنه الائمة.

وكذا الحال بالنسبة للترجمة رقم (323) من الضعفاء وهو عبد الله بن لهيعة فانه قال فيه: (يعتبر بما يروي عنه العبادلة، ابن المبارك، والمقرئ، وابن وهب) .

வேறு சிலர் இஃதிபார் என்பதின் கருத்து: ஹதீஸ்கலை விதியில் கூறப்படும் "இது போன்று வேறு செய்தி வந்துள்ளதா என்றுஆய்வு செய்தல்" என்று பொருள் கொள்கின்றனர். இதனடிப்படையில் தாரகுத்னீ அவர்களின் பார்வையில் இவர் பலவீனமானவர் என்று கூறியுள்ளனர்.

وقال ابن حبان أيضاً: ( … فوجب التنكب عن رواية المتقدمين عنه قبل احتراق كتبه، لما فيها من الأخبار المدلَّسة عن الضعفاء والمتروكين، ووجب ترك الاحتجاج برواية المتأخرين عنه بعد احتراق كتبه، لما فيه مما ليس من حديثه).

وقال الدارقطني في «الضعفاء»: (‌يعتبر ‌بما ‌يروي ‌عنه ‌العبادلة: ابن المبارك، والمقرئ، وابن وهب).

فليس رواية العبادلة عنده صحيحة، بل ضعيفة يُعتبر بها.

இறப்பு: ஹிஜ்ரி 144, எகிப்து

தரம்: மிகப் பலமானவர்

விபரங்கள்

இயற்பெயர்: உகைல் பின் காலித் பின் உகைல்

தந்தை பெயர்: காலித் பின் உகைல்

வம்சம்: அல்உமவீ

புனைப்பெயர்: அபூ காலித்

ஊர் பெயர்: அய்லா

பயணித்த ஊர்கள்: மதீனா, ஷாம், எகிப்து

இறப்பு: ஹிஜ்ரி 144, எகிப்து

கால கட்டம்: தாபிஈ

வாழ்க்கைக் குறிப்பு

உகைல் பின் காலித் பின் உகைல் ரஹ் அவர்கள் அபூ காலித் என்ற குன்யாவால் அறியப்பட்டவர். இவர் உஸ்மான் பின் அஃப்பான் ரலி அவர்களின் அடிமை ஆவார். இவர் மதீனா, ஷாம் மற்றும் எகிப்து ஆகிய இடங்களில் வாழ்ந்தார்.

இவர் ஹிஜ்ரி 144 இல் எகிப்தில் மரணமடைந்தார். அஹ்மத், நஸாயீ, யஹ்யா பின் மயீன், அபூ ஹாதிம், அபூ ஸுர்ஆ மற்றும் இப்னு ஸஃத் போன்ற அறிஞர்கள் இவரை மிகப் பலமானவர் என்று கூறியுள்ளனர். இவர் அஸ்ஸுஹ்ரீயின் மாணவர்களில் மிக முக்கியமானவர்.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): காலித் பின் உகைல், ஸியாத் பின் உகைல், நாஃபிஉ, இக்ரிமா, அல்ஹஸன் அல் பஸரீ, ஸயீத் பின் அபூ ஸயீத் அல்குத்ரீ, ஸயீத் பின் ஸுலைமான் பின் ஸைத், ஸலமா பின் குஹைல், அஸ்ஸுஹ்ரீ, ஸைத் பின் அஸ்லம், ஸாலிம் பின் அப்துல்லாஹ் பின் உமர், அபான் பின் ஸாலிஹ்

இவரிடமிருந்து அறிவித்தோர் (மாணவர்கள்): இப்ராஹீம் பின் உகைல், ஸலாமா பின் ரூஹ், அல்முஃபள்ளல் பின் ஃபதாலாஹ், அல்லைஸ் பின் ஸஃத், அப்துல்லாஹ் பின் லஹீஆ, ஜாபிர் பின் இஸ்மாயீல் அல்ஹத்ரமீ, அப்துர்ரஹ்மான் பின் ஸல்மான், ஸயீத் பின் அபூ அய்யூப், நாஃபிஉ பின் யஸீத், யஹ்யா பின் அய்யூப், ஹஜ்ஜாஜ் பின் ஃபராஃபிஸா, யூனுஸ் பின் யஸீத் அல்அய்லீ

வேறு பெயர்கள்: உகைல் பின் காலித், உகைல்

ஆதாரம்: muslimscholars.info (11207) · Should verify

இறப்பு: ஹிஜ்ரி 124, மதீனா

தரம்: மிகப் பலமானவர்

விபரங்கள்

இயற்பெயர்: முஹம்மத் பின் முஸ்லிம் பின் உபைதுல்லாஹ் பின் அப்துல்லாஹ் பின் ஷிஹாப் பின் அப்துல்லாஹ் பின் அல்ஹாரிஸ் பின் ஸுஹ்ரா

தந்தை பெயர்: முஸ்லிம் பின் உபைதுல்லாஹ் பின் அப்துல்லாஹ்

வம்சம்: குரைஷீ, பனூ ஸுஹ்ரா

புனைப்பெயர்: அபூ பக்ர்

ஊர் பெயர்: மதீனா

பயணித்த ஊர்கள்: மதீனா, ஷாம்

பிறப்பு: ஹிஜ்ரி 51, மதீனா

இறப்பு: ஹிஜ்ரி 124, மதீனா

கால கட்டம்: தாபிஈ

வாழ்க்கைக் குறிப்பு

ஸுஹ்ரீ இமாம் ஹிஜ்ரி 51 ஆம் ஆண்டு மதீனாவில் பிறந்தார். இவர் ஹிஜ்ரி 124 ஆம் ஆண்டு மதீனாவில் காலமானார். இவர் தாபிஈ தலைமுறையைச் சேர்ந்தவர்.

மதீனா மற்றும் ஷாம் ஆகிய இடங்களில் வாழ்ந்தார். இவர் ஹதீஸ் கலையில் மிகப் பலமானவர் ஆவார். இவர் ஏராளமான ஹதீஸ்களைத் தொகுத்தவர்.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): இப்னு உமர், அனஸ் பின் மாலிக், ஜாபிர் பின் அப்துல்லாஹ், ஸயீத் பின் அல்முஸய்யிப், ஸுலைமான் பின் யஸார், உர்வா பின் அஸ்ஸுபைர், அல்கமா பின் வக்காஸ், அலீ பின் அல்ஹுஸைன் பின் அலீ, அல்காஸிம் பின் முஹம்மத், அபூ ஸலமா பின் அப்துர்ரஹ்மான், உபைதுல்லாஹ் பின் அப்துல்லாஹ் பின் உத்பா, அதா பின் அபீ ரபாஹ்

இவரிடமிருந்து அறிவித்தோர் (மாணவர்கள்): அதா பின் அபீ ரபாஹ், உமர் பின் அப்துல்அஸீஸ், அம்ர் பின் தீனார், யஹ்யா பின் சயீத் அல்அன்ஸாரீ, அய்யூப் அஸ்ஸக்திஃயானீ, அப்துர்ரஹ்மான் பின் அம்ர் அல்அவ்ஸாயீ, இப்னு ஜுரைஜ், அம்ர் பின் ஷுஐப் பின் முஹம்மத், மாலிக் இமாம், மஃமர் பின் ராஷித், ஸுஃப்யான் பின் உயைனா, அல்லைஸ் பின் ஸஃத்

வேறு பெயர்கள்: இப்னு ஷிஹாப், அஸ்ஸுஹ்ரீ, முஹம்மத் பின் முஸ்லிம்

ஆதாரம்: muslimscholars.info (11013) · Should verify

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இறப்பு: ஹிஜ்ரி 74, மக்கா

தரம்: நபித்தோழர் (ஸஹாபி)

விபரங்கள்

இயற்பெயர்: அப்துல்லாஹ் பின் உமர் பின் அல்கத்தாப்

தந்தை பெயர்: உமர் பின் அல்கத்தாப் (ரலி)

வம்சம்: குறைஷி, பனூ அதீ

புனைப்பெயர்: அபூ அப்துர்ரஹ்மான்

ஊர் பெயர்: மக்கா

பயணித்த ஊர்கள்: மக்கா, மதீனா

பிறப்பு: ஹிஜ்ரிக்கு முன் 10, மக்கா

இறப்பு: ஹிஜ்ரி 74, மக்கா

கால கட்டம்: நபித்தோழர்

வாழ்க்கைக் குறிப்பு

இப்னு உமர் (ரலி) இரண்டாவது கலீஃபா உமர் பின் அல்கத்தாப் (ரலி) அவர்களின் மகனும், நபித்தோழரும் ஆவார். சிறு வயதிலேயே தம் தந்தையுடன் இஸ்லாத்தை ஏற்று, அவருடன் ஹிஜ்ரத் செய்தார். சிறுவராக இருந்ததால் உஹுத் போரில் அனுமதிக்கப்படவில்லை; கந்தக் போரிலும் அதற்குப் பின் நடந்த போர்களிலும் நபி (ஸல்) அவர்களுடன் கலந்துகொண்டார்.

ஹதீஸிலும் மார்க்கச் சட்டத்திலும் முன்னணி அறிஞராக இருந்தார்; இறையச்சம், நேர்மை, நபிவழிச் செய்திகளில் ஆழ்ந்த அறிவு ஆகியவற்றுக்குப் பெயர் பெற்றவர். உம்முல் முஃமினீன் ஹஃப்ஸா (ரலி) அவர்களின் சகோதரர் ஆவார். ஹிஜ்ரி 74 ஆம் ஆண்டு மக்காவில் மரணித்தார் என்று பலர் கூறியுள்ளனர்; ஹிஜ்ரி 73 என்றும் கூறப்பட்டுள்ளது.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): நபி (ஸல்), உமர் பின் அல்கத்தாப் (ரலி), ஸைத் பின் அல்கத்தாப் (ரலி), ஹஃப்ஸா பின்த் உமர் (ரலி), அபூபக்ர் அஸ்ஸித்தீக் (ரலி), உஸ்மான் பின் அஃப்பான் (ரலி), அலீ பின் அபூதாலிப் (ரலி), பிலால் பின் ரபாஹ் (ரலி), ஸைத் பின் ஸாபித் (ரலி), ஸுஹைப் பின் ஸினான் (ரலி), அப்துல்லாஹ் பின் மஸ்ஊத் (ரலி), ஆஇஷா பின்த் அபூபக்ர் (ரலி)

இவரிடமிருந்து அறிவித்தோர் (மாணவர்கள்): ஸாலிம் பின் அப்துல்லாஹ் (ரஹ்), நாஃபிஉ (ரஹ்), ஸயீத் பின் அல்முஸய்யப் (ரஹ்), காஸிம் பின் முஹம்மத் (ரஹ்), வாகித் பின் அப்துல்லாஹ் (ரஹ்), அப்துல்லாஹ் பின் அப்துல்லாஹ் (ரஹ்), உபைதுல்லாஹ் பின் அப்துல்லாஹ் (ரஹ்), ஹம்ஸா பின் அப்துல்லாஹ் (ரஹ்), ஸைத் பின் அப்துல்லாஹ் (ரஹ்), பிலால் பின் அப்துல்லாஹ் (ரஹ்)

வேறு பெயர்கள்: அப்துல்லாஹ் பின் உமர், இப்னு உமர் (ரலி), அபூ அப்துர்ரஹ்மான்

ஆதாரம்: muslimscholars.info (18) · Should verify