Tirmidhi-2850

இமாம் திர்மிதி

முழுப்பெயர்: முகம்மது இப்னு ஈஸா இப்னு ஸுரது இப்னு மூஸா இப்னுல் லிகாகுஸ்ஸில்மிய்யி (திர்மிதி என்ற ஹதீஸ் நூலை தொகுத்தவர்)

புனைப்பெயர்: அபூஈஸா அத்திர்மிதி அல்லரீருல் ஹாஃபிழ்

இயற்பெயர்: முகம்மது

தந்தைபெயர்: ஈஸா

பிறந்த ஊர்: ஈரானின் வட எல்லையில் உள்ள ஜுஹுன் எனும் ஆற்றோரத்தில் அமைந்திருந்த திர்மிதி எனும் ஊரில் இவர் பிறந்தார். எனவே தான் இவர் திர்மிதி என்று அழைக்கப்படுகிறார்.

பிறப்பு: ஹிஜ்ரி 210ல் பிறந்தார்.

கல்விக்காகப் பயணம் செய்த ஊர்கள்: ஈரானிலுள்ள குராஸான், இராக்கிலுள்ள கூஃபா, பக்தாத் போன்ற ஊர்களுக்கும் இன்னும் ஹிஜாஸ், பஸரா,  புகாரா, நைஸாபூர், மக்கா, மதினா, வாஸித், ரயீ போன்ற உலகின் பல பாகங்களுக்கும் பயணம் சென்றுள்ளார்.

ஜாமிவுத்திர்மீதி,

அல்இலலுல்கபீர் (அறிவிப்பாளர்களின் குறைகள் தொடர்பானது),

ஷமாயில்,

அஸ்மாவுஸ் ஸஹாபா  (அறிவிப்பாளர்களின் பெயர்கள் தொடர்பானது),

அல்அஸ்மாவு வல்குனா (அறிவிப்பாளர்களின் பெயர்கள் தொடர்பானது),

கிதாபுஸ் ஸுஹுத் போன்ற பல புத்தகங்களை தொகுத்துள்ளார்.

முஹம்மது இப்னு இஸ்மாயில் அல்புகாரி, இப்ராஹீம் இப்னு அப்துல்லாஹ் இப்னு முன்திரில் பாஹிலியி அஸ்ஸன்ஆனி, இஸ்ஹாக் இப்னு ராஹவைஹ், குதைபா இப்னு ஸயீத், மஹ்மூத் இப்னு கைலான், ஸிபாஃ இப்னு நல்ர் போன்ற பல அறிஞர்கள் இவருக்கு ஆசிரியர்களாக உள்ளனர்.

அபூபக்கர் முஹம்மது இப்னு இஸ்மாயீல் அஸ்ஸமர்கந்தி, அபூஹாமீது அஹ்மது இப்னு அப்துல்லாஹ் இப்னு தாவூத் அல் மரூஸி, அஹ்மத் இப்னு யூசுப் அன்நசபீ, அஸத் இப்னு ஹம்தவைஹி அன்நசபீ, ஹுசைன் இப்னு யூசுப் அல்பர்பரீ போன்ற பல அறிஞர்கள் இவருக்கு மாணவர்களாக உள்ளனர்.

இறப்பு: ஹிஜ்ரி 279ல் ரஜப் மாதம் பிறை 13 திங்கள் இரவில் தமது சொந்த ஊரில் இமாம் திர்மிதி மரணமடைந்தார். அப்போது அவருக்கு 69 வயதாகும். (தகவல்: பயான் சைட்)

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

ஹி-95 – 178 சுமார் 83 வயது.

இயற்பெயர்: ஷரீக் (அல்காழீ)

தந்தை பெயர்: அப்துல்லாஹ் பின் ஹாரிஸ்

குறிப்புப் பெயர்: அபூஅப்தில்லாஹ், வாஸித் நகர நீதிபதி

ஊர் பெயர்: புகாரா குராஸான், வாஸித், மக்கா, பஸரா, கூஃபா

பிறப்பு: ஹிஜ்ரீ-95 அல்லது 96

இறப்பு: ஹிஜ்ரீ-177 அல்லது 178

கால கட்டம்: 8.

شريك بن عبد الله بن الْحَارِث بن أَوْس بن الْحَارِث النَّخعِيّ كنيته أَبُو عبد الله كَانَ مولده بخراسان قَالَ مَنْصُور بن أبي مُزَاحم سَمِعت شَرِيكا يَقُول ولدت ببخارى مقتل قُتَيْبَة بن مُسلم سنة خمس وَتِسْعين ويروي شريك عَن أبي إِسْحَاق وَسَلَمَة بن كهيل روى عَنهُ بن الْمُبَارك وَأهل الْعرَاق وَولى الْقَضَاء بواسط سنة خمسين وَمِائَة ثمَّ ولى الْكُوفَة بعد ذَلِك وَمَات بِالْكُوفَةِ سنة سبع أَو ثَمَان وَسبعين وَمِائَة وَكَانَ فِي آخر أمره يخطئ فِيمَا يروي تغير عَلَيْهِ حفظه ‌فسماع ‌الْمُتَقَدِّمين ‌عَنهُ ‌الَّذين ‌سمعُوا ‌مِنْهُ ‌بواسط ‌لَيْسَ ‌فِيهِ ‌تَخْلِيط ‌مثل يزِيد بن هَارُون وَإِسْحَاق الْأَزْرَق وَسَمَاع الْمُتَأَخِّرين عَنهُ بِالْكُوفَةِ فِيهِ أَوْهَام كَثِيرَة

ஷரீக் பின் அப்துல்லாஹ் பின் ஹாரிஸ் பின் அவ்ஸ் பின் ஹாரிஸ் அன்னகஈ. இவரின் புனைப் பெயர் அபூஅப்துல்லாஹ். பிறப்பிடம் குராசான்.

மன்ஸூர் பின் அபூமுஸாஹிம் கூறுகிறார்: ஷரீக் அவர்கள், “நான் புகாராவில் குதைபா பின் முஸ்லிம் அவர்கள் கொல்லப்பட்ட ஹிஜ்ரி 95 ஆம் ஆண்டு பிறந்தேன்” என்று குறிப்பிட்டார்.

ஷரீக் அவர்கள் அபூஇஸ்ஹாக், ஸலமா பின் குஹைல் ஆகியோரிடமிருந்து ஹதீஸ்களை அறிவித்துள்ளார். இப்னுல் முபாரக் (ரஹ்) மற்றும் ஈராக்கின் அறிஞர்கள் இவரிடமிருந்து அறிவித்துள்ளனர்.

இவர் ஹிஜ்ரி 150 ஆம் ஆண்டு வாஸித் நகரத்தின் நீதிபதியாகப் பொறுப்பேற்றார். பின்னர் கூஃபாவின் நீதிபதியாகவும் நியமிக்கப்பட்டார். கூஃபாவில் ஹிஜ்ரி 177 அல்லது 178 ஆம் ஆண்டு காலமானார்.

இவர் கடைசிக் காலத்தில் அறிவித்த ஹதீஸ்களில் தவறுகள் நேர்ந்தன. (இதற்கு காரணம் அப்போது) இவரின் நினைவாற்றல் பாதிக்கப்பட்டிருந்தது. யஸீத் பின் ஹாரூன், இஸ்ஹாக் அல்அஸ்ரக் போன்றவர்கள் வாஸித்தில் இவரிடமிருந்து செவியுற்ற ஹதீஸ்களில் எந்தப் பிழையும் இல்லை. ஆனால், கூஃபாவில் இவரிடமிருந்து செவியேற்ற பிந்தைய கால அறிவிப்பாளர்கள் வழியாக வரும் ஹதீஸ்களில் பல தவறுகள் காணப்படுகின்றன.

(நூல்: அஸ்ஸிகாத்-6/444)

أخبرنا محمد بن الحسين القطان، قال: أخبرنا دعلج بن أحمد، قال: أخبرنا أحمد بن علي الأبار قال: ‌سألت ‌عبد ‌الحميد ‌بن ‌بيان ‌عن ‌إسحاق ‌الأزرق، ‌وكيف ‌سمع ‌من ‌شريك؟ قال: سمع منه بواسط. قلت له: في أي شيء جاء إلى واسط؟ قال: جاء في كري الأنهار، فأخذ إسحاق كتابه قلت: أيما أكثر سماعا، عن شريك إسحاق أو يزيد بن هارون؟ قال: إسحاق نحو من خمسة آلاف ويزيد نحو من ثلاثة آلاف.

நான் அப்துல் ஹமீது பின் பயான் அவர்களிடம் இஸ்ஹாக் அல்அஸ்ரக் பற்றியும், ஷரீக் பின் அப்துல்லாஹ் அல்காழீ அவர்களிடமிருந்து அவர் எவ்வாறு ஹதீஸ் கேட்டார் என்றும் கேட்டேன். அதற்கு அவர், "வாஸித் நகரில் வைத்து அவர் ஷரீக் அவர்களிடமிருந்து ஹதீஸ் கேட்டார்" என்று குறிப்பிட்டார்.

நான் அவரிடம், "எதற்காக அவர் வாஸித் நகருக்கு வந்தார்?" என்று கேட்டேன். அதற்கு அவர், "அவர் கால்வாய்களைப் புதுப்பிப்பதற்காக வந்தார். அப்போது இஸ்ஹாக் அவருடைய நூலை எடுத்துக்கொண்டார்" என்று குறிப்பிட்டார்.

நான், "ஷரீக் அவர்களிடமிருந்து அதிகமாக ஹதீஸ் கேட்டது இஸ்ஹாக்கா அல்லது யஸீத் பின் ஹாருனா?" என்று கேட்டேன். அதற்கு அவர், "இஸ்ஹாக் சுமார் ஐயாயிரம் ஹதீஸ்களும், யஸீத் சுமார் மூவாயிரம் ஹதீஸ்களும் கேட்டுள்ளனர்" என்று குறிப்பிட்டார்.

(நூல்: தாரீகுபஃக்தாத்-7/327)

‌وقال ‌العجلي: ‌كوفي ‌ثقة، ‌وكان ‌حسن ‌الحديث، ‌وكان ‌أروى ‌الناس ‌عنه ‌إسحاق ‌الأزرق.

இவரைப் பற்றி இஜ்லீ அவர்கள், "இவர் கூஃபாவைச் சேர்ந்த நம்பகமான அறிவிப்பாளர். இவரின் செய்திகள் நல்லவை. மற்றவர்களை விட இஸ்ஹாக் அல்அஸ்ரக் அவர்கள் இவரிடமிருந்து அதிக ஹதீஸ்களை அறிவித்துள்ளார்" என்று கூறியுள்ளார்.

(நூல்: ... தஹ்தீபுத் தஹ்தீப்-2/165)

புகாரி அவர்கள் இவர் இடம்பெற்ற ஒரு செய்தியை ஒரு இடத்தில் தஃலீக்காக பதிவு செய்துள்ளார். பார்க்க: புகாரி-1250.

முஸ்லிம் அவர்கள் சில இடங்களில் இவரின் செய்தியை துணைச் சான்றாக பதிவு செய்துள்ளார். மேலும் ஸுனன் நூல்களின் ஆசிரியர்களும் இவரின் சில செய்திகளை பதிவு செய்துள்ளனர்.

இவரைப் பற்றி ஹதீஸ்கலை அறிஞர்கள் கூறியுள்ள கருத்தின் படி இவரின் செய்திகளை மூன்று வகையாகப் பிரிக்கலாம்.

இவைகளில் வேறு விமர்சனம் இல்லாவிட்டால் ஏற்கலாம்.

இதில் சரியான ஹதீஸ்களும் உள்ளன. பலவீனமான ஹதீஸ்களும் உள்ளன. இவை குறித்து ஒரு பொதுவான சட்டத்தைக் கூறமுடியாது. இவற்றுக்குச் சான்றுகள் கிடைக்கும் பட்சத்தில் ஏற்றுக் கொள்ளப்படும்; இல்லையெனில் ஏற்றுக் கொள்ளப்படாது.

இந்தச் சந்தர்ப்பத்தில்தான் இவரின் அறிவிப்புகளில் அதிகம் தவறு ஏற்பட்டதாக சில ஹதீஸ்கலை அறிஞர்கள் கூறியுள்ளனர். இந்த வகை செய்திகளை எழுதிக் கொள்ளலாம். ஆனால் இவைகளை தனி ஆதாரமாக ஏற்றுக் கொள்ளக்கூடாது. இவரின் செய்தியைப் போன்று மற்ற பலமானவர்கள் அறிவித்தால் இவரின் செய்தியை ஹஸன் தரம் என்று முடிவு செய்யலாம்.

1 - شريك بن عبدالله بن أبي نمر، أبو عبدالله المدني، من رجال البخاري ومسلم، ثقة له بعض الأوهام، ومن ذلك أوهامه في حديث الإسراء والمعراج في صحيح البخاري

1 - ما حدث به من كتابه فهو مقبول ومن أصح حديثه.

2 - ما حدث به من حفظه قبل أن يتولى القضاء، فمنه ماهوصحيح وماهو ضعيف، فلايحكم عليه بحكم عام إن استقام ووجد ما يشهد له قبل وإلا فلا.

3 - ما حدث به من حفظه بعد أن يتولى القضاء فهو مردود فيكتب حديثه ولايحتج به.

இறப்பு: ஹி-123.

இயற்பெயர்: ஸிமாக்

தந்தை பெயர்: ஹர்ப்

ஊர் பெயர்: கூஃபா

இறப்பு: ஹிஜ்ரி-123.

கால கட்டம்: 4.

ஸிமாக் பின் ஹர்ப் அவர்களைப் பற்றி சிலர் பலமானவர் என்றும், சிலர் பலவீனமானவர் என்றும், சிலர் நினைவாற்றல் சரியில்லாதவர் என்றும், சிலர் இவர் இறுதிக் காலத்தில் மூளைக் குழம்பிவிட்டார் என்றும், வயதானக் காலத்தில் ஹதீஸ் அறிவிக்கும் போது மற்றவர்கள் சொல்லிக் கொடுப்பதை, இடையில் கூறுவதை அப்படியே கூறுவார் என்றும், சிலர் இவர் இக்ரிமா வழியாக அறிவிக்கும் செய்திகள் குளறுபடியானவை என்றும் கூறியுள்ளனர்.

1 . ஸிமாக் பின் ஹர்ப் பலமானவர் என்று கூறியுள்ளார்.

2 . இவர் இப்ராஹீம் பின் முஹாஜிர் என்பவரை விட பரவாயில்லை.

3 . மற்றவர்கள் நபியின் சொல்லாக அறிவிக்காத சில செய்திகளை இவர் (இக்ரிமா ---> இப்னு அப்பாஸ் (ரலி) வழியாக) நபியின் சொல்லாக அறிவித்துள்ளார்.

4 . ஷுஅபா அவர்கள் இவரை பலவீனமானவர் என்று கூறினார். காரணம் இக்ரிமா கூறியதாக தஃப்ஸீர்-குர்ஆன் விளக்கவுரையை அறிவிப்பார். அதை இப்னு அப்பாஸ் (ரலி) அவர்களிடமிருந்து இக்ரிமா கேட்டாரா? என்று நான் கேட்டால் ஆம் என்று கூறியிருப்பார். (அதாவது தல்கீனை-சொல்லிக் கொடுப்பதை அப்படியே ஏற்பவராக இருந்தார்). எனவே தான் ஷுஅபா அவர்கள் தஃப்ஸீர் செய்திகளை அறிவிக்கும்போது இக்ரிமா வரை மட்டுமே அறிவிப்பாளரைக் கூறுவார் என்று இப்னு மயீன் கூறியுள்ளார்.

இப்னு அபூஹாதிம், தனது தந்தை அபூஹாதிம் அவர்களிடம் இவரைப் பற்றி கேட்கும்போது இவர், ஸதூக்-நம்பகமானவர் என்றும், ஸிகத்-பலமானவர் என்றும் கூறினார். அஹ்மத் இமாம் அவர்கள் இவரை அப்துல்மலிக் பின் உமைர் என்பவரை விட பரவாயில்லை என்று கூறியுள்ளாரே! என்று இப்னு அபூஹாதிம் கேட்கும்போது ஆம், அஹ்மத் இமாமின் கருத்து சரியானதே என்று கூறினார்.

இப்னு அதீ அவர்கள், இவர் கூஃபாவைச் சேர்ந்த மூத்த தாபிஈன்களில் ஒருவர். இவரின் செய்திகள் ஹஸன் தரத்தில் அமைந்தவை. இவர் ஸதூக்-நம்பகமானவர்; சுமாரானவர் என்று கூறியுள்ளார்.

1 . ஷுஅபா அவர்கள் குறை கூறினார் என்று அஃப்பான் கூறியதாக உகைலீ அறிவித்துள்ளார். (என்ன வார்த்தையில் குறை கூறினார் என்று தான் மனனமிடவில்லை என்பதை அஃப்பான் அவர்களே குறிப்பிட்டுள்ளார்).

2 . ஸுஃப்யான் ஸவ்ரீ அவர்கள் இவரை பலவீனமானவர் என்று கூறியதாக இப்னுல் முபாரக் அவர்களும், சில செய்திகளில் பலவீனமானவர் என்று கூறியதாக இஜ்லீ அவர்களும் கூறியுள்ளனர்.

3 . இப்னுல் முபாரக் இவரை பலவீனமானவர் என்று கூறியதாக ஸகரிய்யா பின் அதீ கூறியுள்ளார்.

4 . இப்னு கிராஷ் அவர்கள் இவரின் செய்தியில் சிறிது பலவீனம் உள்ளது என்று கூறியுள்ளார்.

(இந்த விமர்சனங்கள் இவரின் சில செய்திகள் விசயத்தில் தான் சரியானதாகும்)

1 . இவர் பலமானவர்; இவரின் நினைவாற்றல் கெட்டுவிட்டது என்று தஹபீ இமாம் கூறியுள்ளார். இவரின் நினைவாற்றல் கெட்டுவிட்டது என்று கூறியதற்கு காரணம் இவர் இறுதிகாலத்தில் மூளைக் குழம்பிவிட்டார் என்று கூறியவரின் கருத்தை ஏற்றதால் தான் இவ்வாறு தஹபீ கூறியுள்ளார்.

நான், ஸிமாக் பின் ஹர்பிடம் சென்றபோது அவர் நின்றவராக சிறுநீர் கழித்துக் கொண்டிருந்தார். எனவே வயதான காரணத்தால் அவரின் அறிவு கெட்டுவிட்டது (மூளைக் குழம்பிவிட்டார்) என்று நான் அவரிடம் எதையும் கேட்காமல் திரும்பிச் சென்று விட்டேன்.

(நூல்: மீஸானுல் இஃதிதால்-2/233)

2 . மூளைக் குழம்பிவிட்டார் என்பதற்கு நின்றுக் கொண்டு சிறுநீர் கழித்ததை காரணமாக கூறியிருப்பது சரியானதல்ல என்று சில அறிஞர்கள் கூறியுள்ளனர்.

3 . ஹதீஸை அறிவிக்கும் போது மற்றவர்கள் (மாணவர்கள்) சொல்லிக் கொடுப்பதை அப்படியே கூறுபவர் என்ற விமர்சனம் அனைத்து செய்திகள் விசயத்திலும் அல்ல. இவர், இக்ரிமா வழியாக அறிவிக்கும் செய்திகள் விசயத்தில் தான் ஆரம்பத்தில் அப்படி ஒரு நிலை அவருக்கு ஏற்பட்டுள்ளது. இதற்கான காரணம் இவர் சில செய்திகளை இக்ரிமா கூறியதாக மனனமிட்டுருப்பார்; சில செய்திகளை இக்ரிமா ---> இப்னு அப்பாஸ் (ரலி) என்ற அறிவிப்பாளர்தொடரில் மனனமிட்டிருப்பார். இதை அவர் அறிவிக்கும்போது குழப்பம் ஏற்பட்டுள்ளது.

இது ஷுஅபா, இப்னு மயீன் ஆகியோரின் விமர்சனத்திலிருந்து நமக்கு தெரிகிறது என்று ஸாலிஹ் ரிஃபாயீ என்ற அறிஞர் கூறியுள்ளார்.

இவர் இக்ரிமா வழியாக அறிவிக்கும் செய்திகளை இவரிடமிருந்து ஆரம்பத்தில் செவியேற்ற ஷுஅபா, ஸுஃப்யான் ஸவ்ரீ போன்றோர் அறிவிக்கும் செய்திகள் சரியானவை என்று யஃகூப் பின் ஷைபா அவர்கள் கூறியுள்ளார்.

4 . அஹ்மத் இமாம், இவரின் செய்திகள் குளறுபடியானவை என்று கூறியுள்ளார்.

(நூல்: அல்இலல் வ மஃரிஃபதுர் ரிஜால்-791)

(இந்த விமர்சனத்தை ஷுஅபா அவர்களின் கூற்றிலிருந்தே அஹ்மத் இமாம் எடுத்துள்ளார் என்பதால் இது சில செய்திகள் விசயத்தில் தான் சரியானதாகும்)

(நூல்கள்: அல்ஜர்ஹு வத்தஃதீல்-4/279, அல்காமிலு ஃபிள்ளுஅஃபா-4/541, தஹ்தீபுல் கமால்-12/115, அல்இக்மால்-6/109, தஹ்தீபுத் தஹ்தீப்-2/114, தக்ரீபுத் தஹ்தீப்-1/415, அல்கவாகிபுன் நய்யிராத்-1/237, அல்இலல் வ மஃரிஃபதுர் ரிஜால்-791)

1 . ஸிமாக் அவர்கள், இக்ரிமா ---> இப்னு அப்பாஸ் (ரலி) என்ற அறிவிப்பாளர்தொடரில் தனித்து அறிவிக்கும் செய்திகள்.

இவைகள் பெரும்பாலும் முன்கராக-மறுக்கப்பட வேண்டிய செய்திகளாக இருக்கும். இவை பலவீனமானவை.

2 . ஸிமாகிடமிருந்து ஷுஅபா, ஸுஃப்யான் ஸவ்ரீ, அபுல்அஹ்வஸ் ஆகியோர் ஸிமாக் ---> இக்ரிமா ---> இப்னு அப்பாஸ் (ரலி) என்ற அறிவிப்பாளர்தொடரில் அறிவிக்கும் செய்திகள்.

இதில் வரும் செய்திகளை ஆய்வு செய்யவேண்டும். ஆய்வில் சிலவை சரியாகவும் இருக்கலாம். சிலவை பலவீனமாகவும் இருக்கலாம்.

3 . ஸிமாக் அவர்கள், இக்ரிமாவிடமிருந்து இப்னு அப்பாஸ் (ரலி) அல்லாத நபித்தோழர்கள் கூறியதாக அறிவிக்கும் செய்திகள்.

இதில் வரும் செய்திகள் பெரும்பாலும் சரியானவை. இவைகளை தாரகுத்னீ, பைஹகீ போன்ற பலர் சரியானது என்று கூறியுள்ளனர்.

இந்தத் தகவலை அப்துல்அஸீஸ் தரீஃபீ அவர்கள் கூறியுள்ளார்.

(நூல்: ஷரஹ் புலூஃகுல் மராம்-50)

1 . ஸிமாக் அவர்கள் இக்ரிமா வழியாக அறிவிக்கும் செய்திகள் குளறுபடியானவை என்று இப்னுல் மதீனீ அவர்கள் கூறியதற்கு காரணம் உள்ளது. இவரிடமிருந்து ஷுஅபா, ஸுஃப்யான் ஆகியோர் சில செய்திகளை இக்ரிமாவுடன் நிறுத்தியுள்ளார்கள். அதாவது நபித்தோழரைக் குறிப்பிடாமல் முர்ஸலாக அறிவித்துள்ளார்கள். அபுல்அஹ்வஸ், இஸ்ராயீல் ஆகியோர் ஸிமாக் ---> இக்ரிமா ---> இப்னு அப்பாஸ் (ரலி) என்று அறிவித்துள்ளார்கள். எனவே சிலர் முர்ஸலாகவும் சிலர் முத்தஸிலாகவும் அறிவிப்பதால் தான் இப்னுல் மதீனீ அவர்கள் இவ்வாறு கூறியுள்ளார். இந்த நிலை இல்லாத செய்திகள் சரியானவையாகும்.

2 . இந்த தகவலைப் போன்றே மற்றொரு தகவலை இஜ்லீ இமாம் கூறியுள்ளதை அவர் மகன் வழியாக கதீப் பஃக்தாதீ பதிவு செய்துள்ளார்.

تاريخ مدينة السلام للخطيب البغدادي (10/ 298)

أخبرنا حمزة بن محمد بن طاهر، قال: حَدثنا الوليد بن بكر، قال: حَدثنا عَليّ بن أَحمد بن زكريا الهاشمي، قال: حَدثنا أَبو مسلم صالح بن أَحمد بن عَبد الله العجلي، قال: حَدثني أبي قال: وسماك بن حرب بكري جائز الحديث إلا أنه كان في حديث عكرمة ربما وصل الشيء، عن ابن عباس وربما، قال: قال رسولُ الله صَلى الله عَليهِ وسلمَ وإنما كان عكرمة يحدث، عن ابن عباس، وَكان سفيان الثوري يضعفه بعض الضعف، وَكان جائز الحديث لم يترك حديثه أحد، وَكان عالما بالشعر وأيام الناس، وَكان فصيحا.

ஸிமாக் பின் ஹர்ப் சுமாரானவர். என்றாலும் இவர், இக்ரிமா அவர்கள் இப்னு அப்பாஸ் (ரலி) கூறியதாக அறிவித்த சில செய்திகளை இக்ரிமா ---> இப்னு அப்பாஸ் (ரலி) ---> நபி (ஸல்) என்ற அறிவிப்பாளர்தொடரில் அறிவித்துள்ளார். எனவே தான் சில செய்திகளில் இவரை ஸுஃப்யான் ஸவ்ரீ பலவீனமானவர் என்று கூறியுள்ளார்.

இவர் ஹதீஸ்களை அறிவிக்கத் தகுதியானவராகவே இருந்தார்; இவரது ஹதீஸ்களை எவரும் கைவிடவில்லை. மேலும், இவர் கவிதைகளையும், அரபு மக்களின் வரலாற்று நிகழ்வுகளையும் (அய்யாமுல் அரப்) நன்கு அறிந்தவராகவும், சரளமாகப் பேசும் ஆற்றல் (பஸாஹத்) மிக்கவராகவும் திகழ்ந்தார்.

(நூல்: தாரீகு மதீனதுஸ் ஸலாம்-10/298)

1 . ஷுஅபா, ஸுஃப்யான் ஸவ்ரீ போன்றவர்கள் ஸிமாக் மூளை குழம்புவதற்கு முன்னர் அவரிடம் ஹதீஸைக் கேட்டவர்கள் ஆவர். மூளை குழம்பிய பின்னர் அவரிடம் இவர்கள் எதையும் கேட்டதில்லை. எனவே இவர்கள் ஸிமாக் வழியாக அறிவித்தால் அவை ஆதாரப்பூர்வமானது.

2 . இவர் இக்ரிமா வழியாக அறிவிக்கும் செய்திகளை குளறுபடியாக அறிவித்துள்ளார் என்ற இப்னுல் மதீனீ அவர்களின் விமர்சனத்தின்படி அவை ஆய்வுக்குரியவை.

(நூல்கள்: தஹ்தீபுல் கமால்-2579 (12/115), தக்ரீபுத் தஹ்தீப்-1/415)

[تقريب تقريب التهذيب 1/ 631:]

* [2624] سماك بكسر أوله وتخفيف الميم بن حرب بن أوس بن خالد الذهلي البكري الكوفي أبو المغيرة صدوق وروايته عن عكرمة خاصة مضطربة وقد تغير بأخرة فكان ربما تلقن من الرابعة مات سنة ثلاث وعشرين خت م 4

قلت: قال الحاكم في المستدرك (1/ 262 رقم 565) "احتج مسلم بأحاديث سماك بن حرب".

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.