Almujam-Alkabir-493

---

---

அபூலபீபா (ரலி) அவர்கள் கூறியதாவது:

கைபர் போரின்போது நபி (ஸல்) அவர்களுக்குச் சமைக்கப்பட்ட ஆடு ஒன்று பரிசாக அளிக்கப்பட்டது. அதிலிருந்து நபி (ஸல்) அவர்களும், பிஷ்ர் பின் பராஉ பின் மஃரூர் (ரலி) அவர்களும் சாப்பிட்டனர். அதனால் இருவரும் கடும் நோய்ப்பட்டனர். பின்னர், பிஷ்ர் (ரலி) அவர்கள் மரணமடைந்தார்.

பிஷ்ர் (ரலி) அவர்கள் மரணமடைந்ததும், நபி (ஸல்) அவர்கள் அந்த ஆட்டைப் பரிசளித்த யூதப் பெண்ணிடம் ஆளனுப்பி, “உனக்கு என்ன ஆயிற்று? எங்களுக்கு என்ன உணவளித்தாய்?” என்று கேட்டார்கள். அதற்கு அவள், “நான் உங்களுக்கு விஷம் கொடுத்தேன்” என்று கூறினாள்.

நபி (ஸல்) அவர்கள், “அவ்வாறு செய்ய உன்னைத் தூண்டியது எது?” என்று கேட்டார்கள்.

அதற்கு அவள், “நீங்கள் (உங்களை) இறைத்தூதர் என்று கூறிக்கொள்வதை நான் கேள்விப்பட்டேன். நீங்கள் உண்மையான நபி என்றால், அந்த விஷம் உங்களுக்குத் தீங்கு செய்யாது என்று அறிந்திருந்தேன். நீங்கள் அவ்வாறு இல்லையென்றால், மக்களாகிய இவர்களை உங்களை விட்டும் நான் நிம்மதியாக்க விரும்பினேன்” என்று பதிலளித்தாள்.

பின்னர், நபி (ஸல்) அவர்கள் அந்தப் பெண்ணைக் கொல்லும்படி உத்தரவிட, அவள் சிலுவையில் அறையப்பட்டாள்.

(தப்ரானி–அல்முஃஜமுல் கபீர்: 493)

---

---