Almujam-Alkabir-57

---

---

  வாயில் பின் ஹுஜ்ர் (ரலி) அவர்கள் கூறியதாவது:

நான் நபி (ஸல்) அவர்களுடன் தொழுதுக்கொண்டிருந்தேன். அப்போது ஒருவர் “அல்லாஹு அக்பர் கபீரா, வ ஸுப்ஹானல்லாஹி வபிஹம்திஹீ கஸீரா” (அல்லாஹ் மிகப் பெரியவன் என்று பெருமைப்படுத்துகிறேன். அல்லாஹ் பரிசுத்தமானவன், புகழுக்குரியவன் என்று அதிகமாக அவனைத் துதிக்கிறேன்) என்று கூறியதை நபி (ஸல்) அவர்கள் செவியேற்றார்கள். அவர்கள் தொழுகையை முடித்த பின், திரும்பி “இன்ன இன்ன வார்த்தைகளை மொழிந்தவர் யார்?” என்று கேட்டார்கள். அப்போது அவர், (நான்தான் அல்லாஹ்வின் தூதரே!) அதனால் நன்மையைத் தான் நாடினேன் என்று கூறினார். அதற்கு, அல்லாஹ்வின் தூதர் (ஸல்) அவர்கள், “இதற்காக வானத்தின் வாசல்கள் திறக்கப்பட்டன. அர்ஷைத் தவிர வேறு எதுவும் அதைத் தடுக்கவில்லை” என்று கூறினார்கள்.

(தப்ரானி–அல்முஃஜமுல் கபீர்: 57)

---

---