Author: Farook

3706. அல்லாஹ்வின் தூதர் (ஸல்) அவர்களுடன் அபுத்தர்தா (ரலி) 11 ஸஜ்தாக்கள் செய்தார் என்று அறிவிக்கப்பட்டுள்ளது. இந்த கருத்தில் வரும் அறிவிப்பாளர் தொடர் ஏற்கத்தக்கதல்ல என அபூதாவூத் அவர்கள் கூறினார்கள்.

அபுத்தர்தா (ரலி) ஹஜ் அத்தியாயத்தின் இரண்டு ஸஜ்தா வசனங்களை ஓதிய போது ஸஜ்தா செய்தார்கள் என்றும் அறிவிக்கப்பட்டுள்ளது என அபூதாவூத் அவர்கள் கூறினார்கள்.

3705. நான் அல்லாஹ்வின் தூதர் (ஸல்) அவர்களுடன் 11 (வசனங்களில் ஓதலுக்கான) ஸஜ்தாக்கள் செய்துள்ளேன். அவற்றில் நஜ்ம் (எனும்) அத்தியாயத்தில் உள்ள (அல்குர்ஆன்: 53:62) வசனமும் அடங்கும்.

அறிவிப்பவர்: அபுத்தர்தா (ரலி)

பைஹகீ இமாம் கூறுகிறார்:

இந்தச் செய்தி மேலும் இரண்டு அறிவிப்பாளர்தொடர்களில் வந்துள்ளது.

(பார்க்க: திர்மிதீ-568 , 569)

3704. நான் நபி (ஸல்) அவர்களுடன் 11 (வசனங்களில் ஓதலுக்கான) ஸஜ்தாக்கள் செய்துள்ளேன். ஆனால் முஃபஸ்ஸலான (நடுத்தர) அத்தியாயங்களி­ருந்து எதுவும் அவற்றில் இடம் பெறவில்லை.

அல்அஃராஃப் (7), ரஃது (13), நஹ்ல் (16), பனீ இஸ்ராயீல் (17), மர்யம் (19), ஹஜ் (22), ஃபுர்கான் (25), ஸுலைமான் அலை அவர்களின் வரலாறு இடம்பெறும் நம்ல் (27), ஸஜ்தா (32), ஸாத் (38), ஹாமீம் (41) ஆகியவையே ஸஜ்தாவுக்குரிய அந்த அத்தியாயங்களாகும்

அறிவிப்பவர்: அபுத்தர்தா (ரலி)

3728. ஹஜ் அத்தியாயத்தில் இரண்டு ஸஜ்தாக்கள் உள்ளதால் அது சிறப்பிக்கப்பட்டுள்ளதா?” என்று நபி (ஸல்) அவர்களிடம் கேட்டேன். அதற்கவர்கள், ”ஆம்! யார் அவ்விரு வசனங்களின் போதும் ஸஜ்தாச் செய்ய மாட்டாரோ அவர் அவ்விரு வசனங்களையும் ஓத வேண்டாம்” என்று கூறினார்கள்…

அறிவிப்பவர் : உக்பா பின் ஆமிர் (ர­லி)