Category: திர்மிதீ

1517.

1516.

1515.

1513.

பாடம்:

இறையில்லமான கஅபாவைச் சுற்றி வரும்போது பேசுவது குறித்து வந்துள்ளவை.

960. நபி (ஸல்) அவர்கள் கூறினார்கள்:

(இறையில்லமான) கஅபாவைச் சுற்றி (தவாஃப்) வருவது தொழுகையைப் போன்றதாகும். என்றாலும் நீங்கள் தவாஃப் செய்யும்போது பேசிக்கொள்ளலாம். அப்படி ஒருவர் பேசுவதாக இருந்தால் அவர் நல்லதைத் தவிர வேறு எதையும் பேசவேண்டாம்.

அறிவிப்பவர்: இப்னு அப்பாஸ் (ரலி)

திர்மிதீ இமாம் கூறுகிறார்:

இந்தச் செய்தி இப்னு தாவூஸ் அவர்களிடமிருந்தும், மற்றவர்களிடமிருந்தும் தாவூஸ் —> இப்னு அப்பாஸ் (ரலி) என்ற அறிவிப்பாளர்தொடரில் நபித்தோழரின் சொல்லாக அறிவிக்கப்பட்டுள்ளது.

இது நபியின் சொல்லாக, அதாஉ பின் ஸாயிப் (ரஹ்) அவர்களின் வழியாகவே வந்துள்ளதாக நாம் அறிகிறோம்.

இந்தச் செய்தியின் அடிப்படையில், கஅபாவைச் சுற்றி வருபவர் ஏதேனும் அவசியமான பேச்சுகள், அல்லாஹ்வை திக்ரு செய்தல், கல்வி சார்ந்த விசயங்கள் தவிர மற்றவற்றை பேசாமலிருப்பது நல்லது என்று கல்வியாளர்களில் அதிகமானோர் கருதுகின்றனர்.

பாடம்:

துன்பத்தில் இருப்பவருக்கு ஆறுதல் கூறுவதால் கிடைக்கும் நன்மை குறித்து வந்துள்ளவை.

1073. நபி (ஸல்) அவர்கள் கூறினார்கள்:

துன்பத்தில் இருப்பவருக்கு ஒருவர் ஆறுதல் கூறினால் அவருக்கு கிடைக்கும் நற்பலன் போன்றது, (ஆறுதல் கூறிய) இவருக்கும் கிடைக்கும்.

அறிவிப்பவர்: இப்னு மஸ்ஊத் (ரலி)

திர்மிதீ இமாம் கூறுகிறார்:

இது “ஃகரீப்” எனும் தரத்தில் அமைந்த செய்தியாகும். அலீ பின் ஆஸிம் என்பவரே இதை நபியின் சொல்லாக அறிவித்துள்ளார் என்று அறிகிறோம். முஹம்மத் பின் ஸூகா அவர்களிடமிருந்து அறிவிக்கும் மற்றவர்கள் இதை நபித்தோழரின் சொல்லாக அறிவித்துள்ளனர். நபியின் சொல்லாக அறிவிக்கவில்லை.

இந்தச் செய்தியை(ப் போன்று பல செய்திகளை இவ்வாறு) அறிவித்ததின் காரணமாகவே இவர் அறிஞர்களின் விமர்சனத்தால் அதிகம் பிரச்சனைக்குள்ளாக்கப்பட்டார் என்று கூறப்படுகிறது.

பாடம்:

ஆறுதல் கூறுவதின் சிறப்பு குறித்து வந்துள்ள மற்றொரு செய்தி.

1076. அல்லாஹ்வின் தூதர் (ஸல்) அவர்கள் கூறினார்கள்:

குழந்தையை இழந்து தவிக்கும் தாயாருக்கு ஆறுதல் கூறுபவர் சொர்க்கத்தில் (மதிப்புக்குரிய) ஆடை அணிவிக்கப்படுவார்.

அறிவிப்பவர்: அபூபர்ஸா (ரலி)

திர்மிதீ இமாம் கூறுகிறார்:

இது “ஃகரீப்” எனும் தரத்தில் அமைந்த செய்தியாகும். மேலும் இதன் அறிவிப்பாளர்தொடர் பலமானதல்ல.

193.

190.

198.