முஹம்மத் பின் அலீ பின் ஹுஸைன் பின் அலீ பின் அபூதாலிப் (ரஹ்) அவர்கள் கூறியதாவது:
நிச்சயமாக நமது மஹ்திக்கு இரு அடையாளங்கள் உள்ளன. அவை, அல்லாஹ் வானங்களையும் பூமியையும் படைத்ததிலிருந்து இதுவரை ஏற்பட்டதில்லை.
1 . ரமளான் மாதத்தின் முதல் இரவில் சந்திர கிரகணம் ஏற்படுவதாகும்.
2 . அதன் பாதியில் (அதாவது 14 அல்லது 15 ஆம் நாளில்) சூரிய கிரகணம் ஏற்படுவதாகும்.
இவ்விரண்டும் அல்லாஹ் வானங்களையும் பூமியையும் படைத்ததிலிருந்து இதுவரை நிகழ்ந்ததில்லை.
அறிவிப்பவர்: ஜாபிர் பின் யஸீத் பின் ஹாரிஸ்
(daraqutni-1795: 1795)حَدَّثَنَا أَبُو سَعِيدٍ الْإِصْطَخْرِيُّ , ثنا مُحَمَّدُ بْنُ عَبْدِ اللَّهِ بْنِ نَوْفَلٍ , ثنا عُبَيْدُ بْنُ يَعِيشَ , ثنا يُونُسُ بْنُ بُكَيْرٍ , عَنْ عَمْرِو بْنِ شِمْرٍ , عَنْ جَابِرٍ , عَنْ مُحَمَّدِ بْنِ عَلِيٍّ , قَالَ:
«إِنَّ لَمَهْدِيِّنَا آيَتَيْنِ لَمْ تَكُونَا مُنْذُ خَلَقَ اللَّهُ السَّمَاوَاتِ وَالْأَرْضَ , يَنْخَسِفُ الْقَمَرُ لَأَوَّلِ لَيْلَةٍ مِنْ رَمَضَانَ , وَتَنْكَسِفُ الشَّمْسُ فِي النِّصْفِ مِنْهُ , وَلَمْ تَكُونَا مُنْذُ خَلَقَ اللَّهُ السَّمَاوَاتِ وَالْأَرْضَ»
Daraqutni-Tamil-.
Daraqutni-TamilMisc-.
Daraqutni-Shamila-1795.
Daraqutni-Alamiah-.
Daraqutni-JawamiulKalim-1573.
- இது மக்தூஃவான அறிவிப்பாளர்தொடர்.
இந்தச் செய்தியின் அறிவிப்பாளர்கள்:
1 . தாரகுத்னீ பிறப்பு ஹிஜ்ரி 306
இறப்பு ஹிஜ்ரி 385
வயது: 79
இமாம்
2 . ஹஸன் பின் அஹ்மத்-அபூஸயீத் அல்இஸ்தக்ரீ
3 . முஹம்மத் பின் அப்துல்லாஹ் பின் நவ்ஃபல்
4 . உபைத் பின் யஈஷ்
5 . யூனுஸ் பின் புகைர்
6 . அம்ர் பின் ஷிம்ர்
7 . ஜாபிர் பின் யஸீத் பின் ஹாரிஸ்
8 . முஹம்மத் பின் அலீ (ஹுஸைன்-ரலி-அவர்களின் பேரன்)
- இதன் அறிவிப்பாளர்தொடரில் வரும் ராவீ-32335-அம்ர் பின் ஷிம்ர், ராவீ-9987-ஜாபிர் பின் யஸீத் பின் ஹாரிஸ் ஆகியோரை ஹதீஸ்கலை அறிஞர்களில் சிலர், இவர்கள் பொய்யர்கள் என்றும், இவர்களின் செய்திகளை எழுதக்கூடாது என்றும்; வேறு சிலர், இவர்கள் முன்கருல் ஹதீஸ் என்றும்; வேறு சிலர், இவர்கள் மிகவும் பலவீனமானவர்கள் என்றும்; விடப்பட்டவர்கள் என்றும் விமர்சித்துள்ளனர்.
(நூல்கள்: அல்ஜர்ஹு வத்தஃதீல்-6/239, 2/497, அல்காமிலு ஃபிள்ளுஅஃபா-6/226, 2/324, லிஸானுல் மீஸான்-5809, தஹ்தீபுத் தஹ்தீப்-1/283, தக்ரீபுத் தஹ்தீப்-1/192)
எனவே இது மிக பலவீனமான அறிவிப்பாளர் தொடராகும்.
சமீப விமர்சனங்கள்