இறப்பு: ஹி-181.
தரம்: நடுத்தரமானவர், சில செய்திகளில் ஆய்வுக்குரியவர்.
கலஃப் பின் கலீஃபா பின் ஸாஇத் அல்அஷ்ஜஈ என்பவர் இடம்பெறும் 4 செய்திகளை முஸ்லிம் இமாம் பதிவு செய்துள்ளார்.
(பார்க்க: முஸ்லிம்-420 , 818 , 4143 , 5466)
இவர் இறுதிக்காலத்தில் பக்கவாத நோயால் பாதிக்கப்பட்டார் என்றும், மூளைக் குழம்பிவிட்டார் என்றும் ஹதீஸ்கலை அறிஞர்கள் கூறியுள்ளனர்.
இவர் பிறந்த வருடம் பற்றியும், இவர் அம்ர் பின் ஹுரைஸ் (ரலி) என்ற நபித்தோழரைக் கண்டதாக வரும் தகவல் பற்றியும் கருத்துவேறுபாடு உள்ளது.
இவர் மூளைக் குழம்புவதற்கு முன் இவரிடமிருந்து கேட்டவர்கள் யார்?; மூளைக் குழம்பியபின் கேட்டவர்கள் யார்? என்பது பற்றி அறிவிப்பாளர்கள் பற்றிய நூல்களில் பரவலாகக் கூறப்படவில்லை.
என்றாலும் வேறு சில ஆதாரங்களை வைத்து இவர் விசயத்தில் எவ்வாறு முடிவு செய்ய வேண்டும் என்பதை தெரிந்துக் கொள்ளலாம்.
இவரின் பிறப்பு ஹிஜ்ரீ 79 அல்லது 91 அல்லது 92 என்றும், இறப்பு ஹிஜ்ரீ 179 லிருந்து 185 க்குள் என்றும் வரலாற்றில் கூறப்படுகிறது. மேலும் இவர் 100 வயது வரை வாழ்ந்தார் என்றும் கூறப்படுகிறது.
1 . இப்னு ஸஃத் அவர்கள், இவர் ஹிஜ்ரீ 181 இல் இவருக்கு 90 வயது இருக்கும் போது அல்லது இதுபோன்ற வயது இருக்கும் போது பஃக்தாதில் இறந்தார் என்று குறிப்பிட்டுள்ளார்.
2 . அஹ்மத் அவர்கள், இவர் ஹிஜ்ரீ 179 இன் கடைசியில் அல்லது ஹிஜ்ரீ 180 இல் இறந்தார் என்று குறிப்பிட்டுள்ளார்.
3 . புகாரீ அவர்கள், இவர் ஹிஜ்ரீ 181 இல் இவருக்கு 101 வயது இருக்கும் போது பஃக்தாதில் இறந்தார்; ஆரம்பத்தில் இவர் கூஃபாவில் இருந்தார். பிறகு வாஸித் நகருக்கு குடிபெயர்ந்தார். பிறகு பஃக்தாதுக்கு குடிபெயர்ந்தார் என்றும் குறிப்பிட்டுள்ளார்.
4 . இப்னு ஹிப்பான் அவர்களும், புகாரீ இமாம் கூறியதைப் போன்று இவர் குடிபெயர்ந்த தகவலை குறிப்பிட்டுவிட்டு இவர் ஹிஜ்ரீ 181 இல் இறந்தார் என்று குறிப்பிட்டுள்ளார்.
5 . அஸ்லம் பின் ஸஹ்ல், இவர் 185 இல் இறந்தார் என்று அறிவித்துள்ளார்.
6 . இப்னு ஹஜர் அவர்கள் இவர் ஹிஜ்ரீ 181 இல் இறந்தார் என்பதே சரியானது என்று குறிப்பிட்டுள்ளார்.
(நூல்கள்: தபகாதுல் குப்ரா-3421, 7/227, தாரீகு வாஸித்-139, ஸியரு அஃலாமின் நுபலா-8/341, தஹ்தீபுத் தஹ்தீப்-1/541)
இவர் நபித்தோழர்களை பார்த்துள்ளாரா? இல்லையா? என்பதில் இரு கருத்து உள்ளது.
1 . இவரே, நான் ஒருதடவை என் தந்தையிடம் இருந்தபோது எங்களை கடந்து ஒருமனிதர் சென்றார். அப்போது இவர் தான் நபித்தோழர் அம்ர் பின் ஹுரைஸ் (ரலி) என்று கூறப்பட்டது. அப்போது நான் 6 வயது சிறுவனாக இருந்தேன் என்று கூறியுள்ளார்.
[التاريخ الكبير للبخاري 4/ 27 ت الدباسي والنحال:]
[3527] خَلَفُ بنُ خَليفةَ الواسِطيُّ، أبو أَحمدَ.
رَأى عمرَو بنَ حُرَيثٍ، وهو ابنُ سِتِّ سِنينَ.
قالَه محمدُ بنُ مقاتلٍ، عن خَلَفٍ.
(இந்தத் தகவலை இவரிடமிருந்து முஹம்மத் பின் முகாதில், குதைபா பின் ஸயீத், முஹம்மது பின் பக்கார், அப்துர்ரஹ்மான் பின் வாகித் போன்ற பலர் அறிவித்துள்ளனர்.
இந்தத் தகவலை முஹம்மத் பின் முகாதில் அவர்களிடமிருந்து புகாரீ அறிவித்துள்ளார். இவ்வாறே வேறு சிலரிடமிருந்து அபூஹாதிம், இப்னுஹிப்பான், இப்னு அதீ, கதீப் பஃக்தாதீ போன்ற பலர் அறிவித்துள்ளனர்)
(நூல்கள்: தாரீகுல் கபீர்-3527, 4/28, அல்ஜர்ஹு வத்தஃதீல்-1681, 3/369, அஸ்ஸிகாத்-6/270, அல்காமிலு ஃபிள்ளுஅஃபா-612, 3/512, தாரீகு பஃக்தாத்-4367, 9/263)
2 . அம்ர் பின் ஹாரிஸ் (ரலி) அவர்கள், கூஃபாவில் ஹிஜ்ரீ 85 இல் மரணித்தார் என்று அபூநுஐம் கூறியதாக இமாம் அஹ்மத் அவர்களிடமிருந்து அப்துல்லாஹ் பின் அஹ்மத், புகாரீ ஆகியோர் அறிவித்துள்ளனர்.
(நூல்கள்: தாரீகுல் கபீர்-6/305, மவ்ஸூஅது அக்வாலில் இமாம் அஹ்மத்-1987)
இதனடிப்படையிலும், இவர் 100 அல்லது 101 வயது வரை வாழ்ந்தார் என்ற தகவலின்படியும், கலஃப் பின் கலீஃபா, நான் 6 வயதில் இருக்கும்போது அம்ர் பின் ஹாரிஸ் (ரலி) அவர்களை கண்டதாக கூறியுள்ள செய்தியின் அடிப்படையிலும் குறைந்தபட்சம் இவர் ஹிஜ்ரீ 79 இல் பிறந்தார் என்று முடிவு செய்யலாம்.
இவர் நபித்தோழரை பார்க்கவில்லை என்று கூறக்கூடியவர்கள் இவர் ஹிஜ்ரீ 91 அல்லது அதற்கு பிறகு பிறந்தார் என்று கூறுகின்றனர்.
1 . இப்னு உயைனா அவர்களிடம், இவர் அம்ர் பின் ஹுரைஸ் (ரலி) அவர்களை பார்த்ததாக கூறுகின்றார் என்று கூறப்பட்டபோது, அவர் பொய் கூறுகிறார். அவர் அம்ர் பின் ஹுரைஸ் (ரலி) அவர்களை பார்த்திருக்க மாட்டார்; அவரின் மகனான ஜஃபர் பின் அம்ர் பின் ஹுரைஸ் அவர்களைப் பார்த்திருப்பார் எனக் கூறியதாக அஹ்மத் இமாம் அறிவித்துள்ளார்.
2 . அஹ்மத் இமாம் அவர்களிடம், இதைப் பற்றி கேட்கப்பட்டபோது ஷுஅபா, இப்னு உயைனா, ஹஜ்ஜாஜ் ஆகியோர் அம்ர் பின் ஹுரைஸ் (ரலி) அவர்களை பார்க்கவில்லை; கலஃப் பின் கலீஃபா மட்டும் பார்த்தாரா? என்று பதில் கூறியுள்ளார்.
(நூல்கள்: அல்இலல் வ மஃரிஃபதுர் ரிஜால்-2/341, அல்காமிலு ஃபிள்ளுஅஃபா-3/512, தஹ்தீபுல் கமால்-8/284, தஹ்தீபுத் தஹ்தீப்-1/547, 3/153)
3 . நான் 8 வயதில் இருக்கும் போதும், என் சகோதரர் 6 வயதில் இருக்கும்போதும் உமர் பின் அப்துல்அஸீஸ் அவர்கள் எங்களுக்கு பொதுநிதியிலிருந்து ஒரு தொகையை வழங்குமாறு கட்டளையிட்டார்கள் என்று கலஃப் பின் கலீஃபா கூறியதாக ஸகரிய்யா பின் யஹ்யா அறிவித்துள்ளார்.
(நூல்: அல்இலல் வ மஃரிஃபதுர் ரிஜால்-6038, 3/477)
இதனடிப்படையில் இப்னு ஹஜர் அவர்கள், உமர் பின் அப்துல்அஸீஸ் ஆட்சிக்கு வந்தது ஹிஜ்ரீ 99 ஆகும். கலஃப் இறந்தது ஹிஜ்ரீ 181 ஆகும். (இப்னு ஸஃத் அவர்களின் கருத்தின்படி) இவர் 90 வயது வரை வாழ்ந்தார் என்று கூறப்படுகிறது. எனவே இவர் ஹிஜ்ரீ 91 அல்லது 92 இல் பிறந்திருப்பார் என்று குறிப்பிட்டுவிட்டு எனவே இவர் அம்ர் பின் ஹுரைஸ் (ரலி) அவர்களை பார்த்திருக்க வாய்ப்பில்லை என்று கூறியுள்ளார்.
(தஹ்தீபுத் தஹ்தீப்-3/152)
1 . கலஃப் பின் கலீஃபாவிடமிருந்து அறிவிக்கும் முஹம்மத் பின் முகாதில், குதைபா பின் ஸயீத் ஆகியோர் ஸகரிய்யாவை விட பலமானவர்கள் என்பதால் அவர்களின் அறிவிப்புக்கே முன்னுரிமை அளிக்க வேண்டும்.
2 . ஷுஅபா, இப்னு உயைனா, ஹஜ்ஜாஜ் ஆகியோர் ஹிஜ்ரீ 85 க்கு பிறகே பிறந்துள்ளனர்.
3 . இப்னு உயைனா அவர்கள், இவர் நபித்தோழரை பார்த்திருக்கமாட்டார் என்பதற்கு தகுந்த காரணத்தைக் கூறவில்லை. ஹாகிம் அவர்கள், இப்னு உயைனா அவர்களின் கருத்தை மறுத்துள்ளார்.
4 . இப்னு ஹிப்பான் அவர்கள், இவர் நபித்தோழரை பார்த்துள்ளார். என்றாலும் அவரிடமிருந்து ஹதீஸ் எதையும் மனனமிடவில்லை என்பதால் இவரை தாபிஈன்கள் பட்டியலில் சேர்க்கவில்லை என்று கூறியுள்ளார்.
5 . இப்னுல் கய்யால் அவர்கள், புகாரீ இமாமின் தகவல் படியே இவர் அம்ர் பின் ஹுரைஸ் (ரலி) அவர்களைக் பார்த்ததாக குறிப்பிட்டுள்ளார். இப்னு உயைனா, அஹ்மத் ஆகியோர் மறுத்ததாகவும் குறிப்பிட்டுள்ளார்.
(நூல்கள்: அஸ்ஸிகாத்-6/270, அல்கவாகிபுன் நய்யிராத்-1/155)
1 . இப்னு ஸஃத்
இவர் பலமானவராக இருந்தார். இவர் மரணமடைவதற்கு முன்பு இவருக்கு பக்கவாதம் நோய் ஏற்பட்டது. அதனால் இவர் உடல் பலவீனமடைந்தார்; மூளைக் குழம்பிவிட்டார்.
2 . இப்னு மயீன்
இவரிடம் குறையில்லை-இவர் ஸதூக்-நம்பகமானவர் ஆவார். (இப்னு மயீன் அவர்கள் இவ்வாறு பலமானவர்களுக்கும் கூறுவார்)
4 . உஸ்மான் பின் அபூஷைபா
இவர் நம்பகமானவர்; பலமானவர் என்றாலும் வயதான காலத்தில் இவரின் நினைவாற்றல் மாறிவிட்டது.
5 . அஹ்மத்
அஹ்மத் இமாம் அவர்கள், இவரை நான் ஹிஜ்ரீ 177 இல் அவரைப் பார்க்க சென்றேன். அப்போது அவர் பக்கவாத நோயில் இருந்தார். அவரிடம் ஒருவர் ஒரு ஹதீஸை கூறி விளக்கம் கேட்டபோது அவர் மெதுவாக கூறினார். எனக்கு அது புரியவில்லை. எனவே நான் திரும்பிவந்துவிட்டேன் என்றும், எனவே இவரிடமிருந்து ஆரம்பத்தில் ஹதீஸைக் கேட்டு எழுதிக்கொண்டவர்கள் அறிவிப்பது சரியானது என்றும் கூறியுள்ளார்.
(சில அறிவிப்பில் ஹிஜ்ரீ 187 இல் பார்த்ததாக வந்துள்ளது. அது தவறாகும்)
ஏனெனில் அஹ்மத் அவர்கள், இவர் ஹிஜ்ரீ 177 இன் கடைசியில் அல்லது ஹிஜ்ரீ 180 இல் மரணமடைந்தார் என்று கூறியதாக அஸ்ரம் அறிவித்துள்ளார்.
6 . முஹம்மத் பின் அப்துல்லாஹ் பின் அம்மார்
இவரிடம் குறையில்லை; என்றாலும் இவர் ஹதீஸ்துறையில் அதிகம் ஈடுபடவில்லை.
7 . இஜ்லீ இமாம்
பலமானவர்.
8 . அபூஹாதிம்
இவரிடம் குறையில்லை.
9 . நஸாயீ
இவரிடம் குறையில்லை.
10 . மஸ்லமா பின் காஸிம்
இவரிடமிருந்து ஆரம்பத்தில் ஹதீஸைக் கேட்டு எழுதிக்கொண்டவர்கள் அறிவிப்பது சரியானது.
11 . இப்னு ஹிப்பான்
இவர் நபித்தோழர் அம்ர் பின் ஹுரைஸ் (ரலி) அவர்களை பார்த்துள்ளார். என்றாலும் அவரிடமிருந்து எதையும் மனனமிடவில்லை என்பதால் இவர் தாபிஈ அல்ல.
12 . இப்னு அதீ
இவரிடம் குறையில்லை-சில அறிவிப்புகளில் தவறு செய்துள்ளார். இவர் 7 வயதில் அம்ர் பின் ஹுரைஸ் (ரலி) அவர்களை பார்த்தார்.
13 . இப்னு ஷாஹீன்
பலமானவர்.
14 . தஹபீ
ஸதூக்-நம்பகமானவர்.
15 . இப்னு ஹஜர்.
ஸதூக்-நம்பகமானவர்; இறுதிக் காலத்தில் மூளைக் குழம்பிவிட்டார்.
(நூல்கள்: அல்ஜர்ஹு வத்தஃதீல்-3/369, அல்காமிலு ஃபிள்ளுஅஃபா-3/512, அஸ்ஸிகாத்-6/269, தஹ்தீபுல் கமால்-8/284, அல்காஷிஃப்-2/362, அல்இக்மால்-4/201, தஹ்தீபுத் தஹ்தீப்-1/547, தக்ரீபுத் தஹ்தீப்-1/299, அல்கவாகிபுன் நய்யிராத்-1/155)
மேற்கண்ட தகவல்களிலிருந்து இவரை சிலர் பலமானவர் என்றும் சிலர் நடுத்தரமானவர் என்றும் கூறியுள்ளனர் என்பதையும், இவர் இறுதிக்காலத்தில் பக்கவாத நோயால் பாதிக்கப்பட்டார் என்றும், மூளைக் குழம்பிவிட்டார் என்றும் தெரிந்துக் கொள்ளலாம்.
எனவே இவர் மூளைக் குழம்புவதற்கு முன் இவரிடம் கேட்டவர்கள் அறிவிக்கும் செய்திகள் சரியானவையாகும். இவர் மூளைக் குழம்பிய பின் இவரிடம் கேட்டவர்கள் அறிவிக்கும் செய்திகள் பலவீனமானவையாகும்.
ஆனால் இவர் மூளைக் குழம்புவதற்கு முன் இவரிடம் கேட்டவர்கள் யார்? இவர் மூளைக் குழம்பிய பின் இவரிடம் கேட்டவர்கள் யார்? என்று அறிவிப்பாளர்கள் பற்றிய நூல்களில் தெளிவாகக் கூறப்படவில்லை.
இவரிடமிருந்து ஹதீஸ்களை அறிவித்தவர்களை 4 வகையாக பிரிக்கலாம்.
1 . ஹுஷைம் பின் பஷீர்-இறப்பு ஹிஜ்ரீ 183
2 . வகீஃ பின் ஜர்ராஹ்-இறப்பு ஹிஜ்ரீ 196
3 . அஃப்பான் பின் முஸ்லிம்
4 . ஹுஸைன் பின் முஹம்மத்
5 . குதைபா பின் ஸயீத்
6 . இப்னு அபூஷைபா
7 . முஹ்ரிஸ் பின் அவ்ன்
8 . யஹ்யா பின் அய்யூப்
சில அறிவிப்பாளர்களின் பிறப்பு, இறப்பைக் கவனித்து பார்க்கும் போது இவர்கள் கலஃப் பின் கலீஃபாவிடம் ஆரம்பத்தில் கேட்டவர்கள் என்று புரிந்துக் கொள்ளலாம்.
9 . ஸயீத் பின் ஸுலைமான் பின் கினானா அள்ளப்பீ.
இவரின் பிறப்பு ஹிஜ்ரீ 115, அல்லது 120 ஆகும். இறப்பு 225. இவரும் 100 அல்லது 95 வயது வரை வாழ்ந்தவர் என்று கூறப்பட்டுள்ளது. இவர் வாஸித் நகரைச் சேர்ந்தவர். பிறகு பஃக்தாதுக்கு குடிபெயர்ந்தார்.
இவர் நீதிபதிகள் மூன்று வகைப்படுவர் எனும் செய்தியை கலஃப் பின் கலீஃபாவிடமிருந்து அறிவித்துள்ளார். (பார்க்க: குப்ரா நஸாயீ-5891)
10 . ஸயீத் பின் மன்ஸூர்...
11 to 21
மீதமுள்ள 11 பேரைப் பற்றிய தகவல் ஆய்வில்...
சமீப விமர்சனங்கள்