Category: ஹாகிம்

1831. நிச்சயமாக அல்லாஹ் வெட்கப்படுபவன், பெருந்தன்மை மிக்கவன். (எனவே) ஒரு அடியான் அல்லாஹ்விடம் கையேந்திக் கேட்கும் போது வெறுங்கையாக திருப்பியனுப்ப அல்லாஹ் வெட்கப்படுகிறான் என்று நபிகள் நாயகம் (ஸல்) கூறியுள்ளனர்.

அறிவிப்பவர்: ஸல்மான் பார்ஸீ (ரலி)

ஹாகிம் (நூலாசிரியர்) கூறுகிறார்:

இதே செய்தி அனஸ் (ரலி) அவர்களின் வழியாக (வேறு பல அறிவிப்பாளர்கள் மூலம்) அறிவிக்கப்பட்டுள்ளது இதற்கு (ஷாஹித்) சாட்சியாகும். (பார்க்க அடுத்த ஹதீஸ் எண்-1832)

1830. ஒரு அடியான் அல்லாஹ்விடம் கையேந்திக் கேட்கும் போது வெறுங்கையாக திருப்பியனுப்ப இறைவன் வெட்கப்படுகிறான் என்று ஸல்மான் பார்ஸீ (ரலி) கூறினார்கள் என  அபூ உஸ்மான் நஹ்தீ அவர்களிடமிருந்து ஸுலைமான் தைமீ அறிவிக்கிறார்.

ஹாகிம் (நூலாசிரியர்) கூறுகிறார்:

இந்த ஹதீஸ் இமாம் புகாரி, முஸ்லிம் அவர்களின் நிபந்தனைப்படி உள்ள சரியான அறிவிப்பாளர்தொடர் ஆகும்.

இந்த செய்தியை அபூஉஸ்மான் நஹ்தீ அவர்களிடமிருந்து ஜஃபர் பின் மைமூன் அறிவிக்கும் போது நபி (ஸல்) அவர்கள் கூறியதாக அறிவிக்கிறார். (பார்க்க: அடுத்த ஹதீஸ் எண்- 1831)