Category: நஸாயி

957.

3809.

5532.

5533.

பாடம்:

தீய அண்டை வீட்டாரை விட்டுப் பாதுகாப்புத் தேடுதல்.

5502. அல்லாஹ்வின் தூதர் (ஸல்) அவர்கள் கூறினார்கள்:

நிலையான வசிப்பிடத்தில் உள்ள தீய அண்டை வீட்டாரை விட்டும் அல்லாஹ்விடம் பாதுகாப்புத் தேடுங்கள். ஏனெனில், (பயணம் செய்து வந்துள்ள) கிராமப்புறத்து அண்டை வீட்டாரோ உங்களை விட்டு (இடம் பெயர்ந்து) சென்றுவிடுவார்.

அறிவிப்பவர்: அபூஹுரைரா (ரலி)

1381. நபி (ஸல்) அவர்கள் கூறினார்கள்:

யார் (வெள்ளிக்கிழமை தலையைக்) கழுவி, குளித்து, பள்ளிவாசலுக்கு முன்னதாகவே வந்து, இமாமுக்கு அருகில் அமர்ந்து, வீண் பேச்சு பேசாமல் இருக்கிறாரோ அவர் எடுத்து வைக்கும் ஒவ்வொரு காலடிக்கும் ஓர் ஆண்டு முழுவதும் நோன்பு நோற்று, (இரவில்) நின்று வணங்கியதற்கான கூலி கிடைக்கும்.

அறிவிப்பவர்: அவ்ஸ் பின் அவ்ஸ் (ரலி)

1135. அனஸ் பின் மாலிக் (ரலி) அவர்கள், உமர் பின் அப்துல்அஸீஸ் (ரஹ்) அவர்களின் தொழுகையைக் குறித்து, “அல்லாஹ்வின் தூதர் (ஸல்) அவர்களின் தொழுகையை போன்று தொழவைத்த இந்த வாலிபரைப் போன்று வேறு எவரையும் நான் பார்த்ததில்லை” என்று கூறினார்கள்.

அப்போது நாங்கள் அவருடைய ருகூஉவில் பத்து தஸ்பீஹ்களையும், அவருடைய ஸஜ்தாவில் பத்து தஸ்பீஹ்களையும் எண்ணினோம்.

அறிவிப்பவர்: ஸயீத் பின் ஜுபைர் (ரஹ்)

401. நபி (ஸல்) அவர்கள் கூறினார்கள்:

அல்லாஹ்வையும், மறுமை நாளையும் நம்பிக்கை கொண்ட எவரும் கீழாடையின்றி (பொதுக்) குளிப்பிடங்களில் நுழைய வேண்டாம்.

அறிவிப்பவர்: ஜாபிர் (ரலி)

பாடம்:

(தொழுகையின் ஆரம்பத்தில்) காதுகளுக்கு நேராக கைகளை உயர்த்துதல்.

879. வாயில் பின் ஹுஜ்ர் (ரலி) அவர்கள் கூறியதாவது:

நான் அல்லாஹ்வின் தூதர் (ஸல்) அவர்களுக்குப் பின்னால் நின்று தொழுதேன். அவர்கள் தொழுகையை ஆரம்பித்தபோது, அல்லாஹு அக்பர் என தக்பீர் கூறி, தம் கைகளை தம் காதுகளுக்கு நேராக உயர்த்தினார்கள். பிறகு, அல்குர்ஆனின் முதல் அத்தியாயத்தை ஓதி முடித்ததும், “ஆமீன்” என்று தம் சத்தத்தை உயர்த்திச் சொன்னார்கள்.

3215. அபூஹுரைரா (ரலி) அறிவித்தார்:

நான் (ஒருமுறை) ‘இறைத்தூதர் அவர்களே! நான் ஓர் இளைஞன்; பெண்களை மணந்துகொள்ளத் தேவையான பொருள் ஏதும் என்னிடம் இல்லை. (இந்நிலையில்) நான் தவறான வழிக்குச் சென்றுவிடுவேனோ என என்னைப் பற்றி நானே அஞ்சுகிறேன். (நான் காயடித்துக்கொள்ளலாமா?)” என்று கேட்டேன்.

அதற்கு நபி(ஸல்) அவர்கள் (பதிலளிக்காமல்) மெளனமாக இருந்தார்கள். மீண்டும் நான் முன் போன்றே கேட்டேன். அப்போதும் மெளனமாகவே இருந்தார்கள். பிறகும், நான் முன் போன்றே கேட்டேன். அப்போதும் மெளனமாகவே இருந்தார்கள். பிறகு (நான்காது முறையாக) முன்போன்றே நான் கேட்டபோது, ‘அபூஹுரைரா! நீங்கள் (வாழ்க்கையில்) சந்திக்கவிருக்கிற அனைத்தையும் (ஏற்கெனவே எழுதியாயிற்று அவற்றை) எழுதிய எழுதுகோலும் கூட காய்ந்துவிட்டது. எனவே, நீங்கள் காயடித்துக் கொள்ளுங்கள்; அல்லது சும்மா இருங்கள். (எல்லாம் ஒன்று தான்)” என்று கூறினார்கள்.