Category: திர்மிதீ

540.

பாடம்:

இரு பெருநாட்களிலும் பெண்கள் (தொழுகைக்குப்) புறப்பட்டுச் செல்வது

539. “அல்லாஹ்வின் தூதர் (ஸல்) அவர்கள் இரு பெருநாட்களிலும் கன்னிப் பெண்களையும், பருவமடைந்த பெண்களையும், திரைமறைவில் வாழும் பெண்களையும், மாதவிடாய் ஏற்பட்ட பெண்களையும் (பெருநாள் திடலுக்குப்) புறப்படச் செய்பவர்களாக இருந்தார்கள். மாதவிடாய் ஏற்பட்ட பெண்கள் தொழும் திடலை விட்டு விலகி நின்று, முஸ்லிம்களின் நல்ல காரியங்களிலும் அவர்களின் பிரார்த்தனைகளிலும் பங்கேற்பார்கள். அப்போது பெண்மணிகளில் ஒருவர், ‘அல்லாஹ்வின் தூதரே! எங்களில் ஒருவருக்கு அணிவதற்கு மேலங்கி இல்லை என்றால் (என்ன செய்வது)?’ என்று கேட்டார். அதற்கு நபி (ஸல்) அவர்கள், ‘அவருடைய சகோதரி தனது மேலங்கிகளிலிருந்து ஒன்றை அவருக்கு அணியக் கொடுக்கட்டும்’ என்று கூறினார்கள்.”

அறிவிப்பவர்: உம்மு அத்திய்யா (ரலி)

538.”(இப்னு உமர்)அவர்கள் பெருநாள் தினத்தன்று புறப்பட்டுச் சென்றபோது, அத்தொழுகைக்கு முன்போ பின்போ (உபரியான) எந்தத் தொழுகையும் தொழவில்லை. மேலும், ‘நபி (ஸல்) அவர்களும் இவ்வாறே செய்தார்கள்’ என்றும் குறிப்பிட்டார்கள்.”

அறிவிப்பவர்: இப்னு உமர் (ரலி)

537.
“நபி (ஸல்) அவர்கள் நோன்புப் பெருநாள் அன்று வெளியே சென்று இரண்டு ரக்அத்கள் தொழுதார்கள்; அதற்கு முன்போ அல்லது அதற்குப் பின்போ (வேறு எந்தத் தொழுகையும்) தொழவில்லை.”

அறிவிப்பாளர்: இப்னு அப்பாஸ் (ரலி)

535.

534.”அல்லாஹ்வின் தூதர் (ஸல்) அவர்கள் நோன்புப் பெருநாளிலும் ஹஜ்ஜுப் பெருநாளிலும் எதனை ஓதுபவர்களாக இருந்தார்கள்?” என்று உமர் பின் கத்தாப் (ரலி) அவர்கள் அபூ வாகித் அல்லைஸீ (ரலி) அவர்களிடம் கேட்டார்கள்.
அதற்கு அவர்கள், “நபி (ஸல்) அவர்கள் ‘காஃப் வல்குர்ஆனில் மஜீத்’ (சூரா காஃப்) மற்றும் ‘இக்தரபதிஸ் ஸாஅத்து வன்ஷக்கல் கமர்’ (சூரா அல்கமர்) ஆகிய அத்தியாயங்களை ஓதுபவர்களாக இருந்தார்கள்” என்று பதிலளித்தார்கள்.

அறிவிப்பாளர்: உபைதுல்லாஹ் பின் அப்தில்லாஹ் பின் உத்பா (ரலி)

533.”நபி (ஸல்) அவர்கள் இரு பெருநாள் தொழுகைகளிலும், ஜும்ஆ தொழுகையிலும் ‘சப்பிஹிஸ்ம ரப்பிகல் அஃலா’ (சூரா அல்-அஃலா), ‘ஹல் அதாக ஹதீஸுல் காஷியா’ (சூரா அல்-காஷியா) ஆகிய அத்தியாயங்களை ஓதுபவர்களாக இருந்தார்கள். சில வேளைகளில் பெருநாளும் ஜும்ஆவும் ஒரே நாளில் ஒன்றாக அமைந்தாலும், இவ்விரு தொழுகைகளிலும் இவ்விரு சூராக்களையே அவர்கள் ஓதுவார்கள்.”

அறிவிப்பாளர்: நுஃமான் பின் பஷீர் (ரலி)

531. “அல்லாஹ்வின் தூதர் (ஸல்) அவர்களும், அபூபக்ர் (ரலி) அவர்களும், உமர் (ரலி) அவர்களும் இரு பெருநாட்களிலும் பெருநாள் உரைக்கு முன்பே தொழுவார்கள்; அதன் பின்னரே உரையாற்றுவார்கள்.”

அறிவிப்பாளர்: இப்னு உமர் (ரலி)

530.அலி பின் அபீ தாலிப் (ரலி) அவர்கள் கூறினார்கள்:

“பெருநாள் தொழுகைக்கு நடந்து செல்வதும், புறப்படுவதற்கு முன்பாக ஏதேனும் உண்பதும் சுன்னத்தாகும்.”

அறிவிப்பாளர்: அலி பின் அபீ தாலிப் (ரலி)

529.