Almujam-Alawsat-6383

இறப்பு: ஹிஜ்ரி 360

தரம்: அல்ஹாஃபிழ்

விபரங்கள்

இயற்பெயர்: சுலைமான்

புனைப்பெயர்: அபூல்காஸிம், அல்ஹாஃபிழ்

பிறப்பு: ஹிஜ்ரி 260

இறப்பு: ஹிஜ்ரி 360

கால கட்டம்: பிற்கால அறிஞர்

வாழ்க்கைக் குறிப்பு

அல்ஹாஃபிழ் அபூல்காஸிம் சுலைமான் அத்தப்ரானீ ரஹ் அவர்கள் ஹிஜ்ரி 260 இல் பிறந்து ஹிஜ்ரி 360 இல் வஃபாத் ஆனார்கள். இவர் ஹதீஸ், தஃப்ஸீர், ஃபிஃக் போன்ற கலைகளில் சிறந்து விளங்கினார். இவர் ஒரு சிறந்த ஹதீஸ் கலை அறிஞர் ஆவார்.

ஆசிரியர்கள், மாணவர்கள்

வேறு பெயர்கள்: அல்ஹாஃபிழ் அபூல்காஸிம் சுலைமான் அத்தப்ரானீ, சுலைமான் அத்தப்ரானீ

ஆதாரம்: muslimscholars.info (40016) · Should verify

இறப்பு: ஹி 145.

தரம்: ஸதூக்-நடுத்தரமானவர். சில அறிவிப்புகளை தவறாக அறிவித்துள்ளார்.

இயற்பெயர்: முஹம்மத்

தந்தை பெயர்: அம்ர் பின் அல்கமா

குறிப்புப் பெயர்: அபூஅப்தில்லாஹ்

குலம்: அல்லைஸீ, அல்மதனீ, அல்ஹிஜாஸீ

இறப்பு: ஹிஜ்ரீ-145

கால கட்டம்: 6.

முஹம்மத் பின் அம்ர் பின் அல்கமா அவர்களின் அறிவிப்பை புகாரீ இமாம் 2 செய்தியிலும், முஸ்லிம் இமாம் 10 செய்திகளிலும் துணை ஆதாரமாக பதிவு செய்துள்ளனர்.

(பார்க்க: புகாரி-782, 3356, முஸ்லிம்-1452)

மேலும் பல ஹதீஸ்நூல்களின் ஆசிரியர்கள் இவர் இடம்பெறும் செய்திகளை பதிவு செய்துள்ளனர்.

அப்துல்லாஹ் பின் முபாரக், முஹம்மது பின் அப்துல்லாஹ், அபூஹாதிம், திர்மிதீ, நஸாயீ, இப்னு குஸைமா, இப்னு அதீ போன்ற பல அறிஞர்கள் இவரைப்பற்றி சுமாரானவர் என்று கூறியுள்ளனர். இவரின் அறிவிப்புகளை ஆதாரமாக எடுத்துள்ளனர்.

மாலிக் இமாம், யஹ்யா பின் ஸயீத் அல்கத்தான், இப்ராஹீம் பின் யஃகூப் அல்ஜவ்ஸஜானீ போன்றோர் (இவரின் சில அறிவிப்புகளில் ஏற்பட்ட தவறினால்) இவர் அந்தளவிற்கு பலமானவர் அல்ல என்று கூறியுள்ளனர்.

(யஹ்யா பின் ஸயீத் அவர்கள் ஆரம்பத்தில் இவரை விமர்சித்தாலும் பிறகு இவரிடமிருந்து ஹதீஸை அறிவித்தார் என்று திர்மிதீ இமாம் கூறியுள்ளார்.

(நூல்: அல்ஜாமிஉ ஃபில்ஜர்ஹி வத்தஃதீல்-4090)

இப்னு மயீன் அவர்கள் இவர் பலமானவர் என்று கூறியதாக அஹ்மத் பின் அபூமர்யம் கூறியுள்ளார்.

இப்னு மயீன் அவர்கள் இவர் அபூஸலமா வழியாக தவறாக அறிவிப்பவர் என்று விமர்சித்துள்ளார். அதாவது இவர் ஒரு நேரம் அபூஸலமா கூறினார் என்றும், மற்றொரு நேரம் அபூஸலமாவிடமிருந்து அபூஹுரைரா (ரலி) வழியாகவும் ஹதீஸை அறிவித்தார். இதனால் மக்கள் இவரிடம் ஹதீஸைக் கேட்பதில்லை என்று இப்னு மயீன் அவர்கள் கூறியதாக அபூபக்ர் பின் அபூகைஸமா அவர்கள் கூறியுள்ளார்.

(நூல்கள்: அல்ஜர்ஹு வத்தஃதீல்-8/30, தஹ்தீபுல் கமால்-26/212, தாரீகுல் இஸ்லாம்-3/973, ஸியரு அஃலாமின் நுபலா-6/136, அல்காஷிஃப்-4/177, தஹ்தீபுத் தஹ்தீப்-3/662)

இப்னு மயீன் அவர்கள் விமர்சித்தது இவர், அபூஸலமா வழியாக அறிவிக்கும் தஃப்ஸீர் குறித்த செய்தியின் விசயத்தில் தான் என்று தெரிகிறது...

(இந்த விமர்சனத்தின்படி அபூஸலமா —> அபூஹுரைரா (ரலி) என்ற அறிவிப்பாளர்தொடரில் இவர் அறிவித்தால் இவர் போன்று மற்றவர்கள் அறிவித்துள்ளார்களா? என்று பார்க்க வேண்டும். அவ்வாறு மற்றவர்கள் அறிவித்தால் இவரின் செய்தி ஏற்கப்படும். அவ்வாறு மற்றவர்கள் அறிவிக்காவிட்டால் இவரின் செய்தி மறுக்கப்படும் என்றும் சில ஆய்வாளர்கள் கூறியுள்ளனர்.

இவரின் அறிவிப்புகளை ஆய்வு செய்த நடுநிலையான ஹதீஸ்கலை அறிஞர்களின் பார்வையில் சுமாரானவர் என்று கருதப்படுகிறார். எனவே தான் நவவீ, தஹபீ, இப்னு ஹஜர் போன்ற பல அறிஞர்கள் இவரின் செய்திகள் ஹஸன் தரத்தில் அமைந்தவை என்று கூறுவதாக அல்பானீ அவர்கள் கூறியுள்ளார்.

(நூல்: அஸ்ஸஹீஹா-எண்-203)

இவர் அறிவிக்கும் செய்திகள் ஹஸன் தரம் என்பதால் இதே செய்தி, வேறு சரியான அறிவிப்பாளர்தொடரிலோ அல்லது ஹஸன் தரத்தில் உள்ள அறிவிப்பாளர்தொடரிலோ வந்தால் இவரின் அறிவிப்பு ஸஹீஹுன் லிகைரிஹீ-துணை சான்றால் சரியானது என்ற தரத்தை அடையும் என்பது ஹதீஸ்கலை விதிப்படி உள்ள சட்டமாகும். எனவே தான் ஒரு செய்தியை முஹம்மது பின் அம்ர் போன்று மற்ற சரியான அறிவிப்பாளர்கள் அறிவித்திருந்தால் இவரின் செய்தியை ஹஸன் ஸஹீஹ் என்று அல்பானீ அவர்கள் கூறுவார்.

இப்னு ஹஜர் அவர்கள் முன்சென்ற அறிஞர்களின் குறை, நிறை விமர்சனத்தின் அடிப்படையில் இவரைப்பற்றி ஸதூக்-நடுத்தரமானவர், என்றாலும் சில அறிவிப்புகளில் தவறுசெய்தவர் என்று கூறியுள்ளார்.

இப்னு ஹஜர் அவர்கள், இவர் நினைவாற்றலில் சிறிது குறையுள்ளவர் என்பதால் இவரின் செய்திகள் ஹஸன் தரம் என்றும், இவர் மற்றவர்களுக்கு மாற்றமாக அறிவித்தால் அது ஷாத் ஆகும் என்று கூறியுள்ளார்..

(நூல்கள்: தக்ரீபுத் தஹ்தீப்-1/884, துஹ்ஃபதுல் லபீப்-201, 2/58, அல்மஸாபீஹ்-57)

இன்ஷா அல்லாஹ் இவரைப் பற்றிய கூடுதல் தகவல் பிறகு சேர்க்கப்படும்.

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

ஹி 70; 95; 96; 97 - 170; 173; 174; 175, வயது 77.

தரம்: சில குறிப்பிட்ட அறிவிப்பாளர்கள் இவரிடமிருந்து அறிவித்தால் அந்தச் செய்தி வேறு குறைகள் இல்லாவிட்டால் சரியானது. மற்ற சிலர் அறிவித்தால் பலவீனமானது.

இயற்பெயர்: அப்துல்லாஹ்

தந்தை பெயர்: லஹீஆ

குறிப்புப் பெயர்: அபூஅப்தில்லாஹ்

தொழில் மற்றும் ஊர் பெயர்: எகிப்தின் நீதிபதி, மார்க்க சட்ட அறிஞர்.

பிறப்பு: ஹிஜ்ரீ-70; 95; 96; 97 கருத்துவேறுபாடு...

இறப்பு: ஹிஜ்ரீ-170; 173; 174; 175 கருத்துவேறுபாடு...

இப்னு யூனுஸ் அவர்களின் ஹி 97-174 என்ற தகவல்படி இவரின் வயது 77.

இப்னு ஹஜர் அவர்கள், இவர் சுமார் 80 வயது வரை வாழ்ந்தார் என்று குறிப்பிட்டுள்ளார்.

கால கட்டம்: 7.

இப்னு லஹீஆ எகிப்தைச் சேர்ந்தவர். இவர் எகிப்தின் நீதிபதியாக இருந்துள்ளார். மேலும் ஹதீஸ்களை அறிவிப்பவராகவும் இருந்துள்ளார்.

1 . இவரைப்பற்றி சிலர் எல்லா நிலையிலும் இவர் பலமானவர் என்றும்,

2 . சிலர் எல்லா நிலையிலும் இவர் பலவீனமானவர் என்றும்,

3 . சிலர், சில குறிப்பிட்ட அறிவிப்பாளர்கள் இவரிடமிருந்து அறிவிக்கும் செய்திகள் சரியானவை என்றும் கூறியுள்ளனர்.

1 . இவரைப் பற்றி இப்னு வஹ்ப் அவர்கள், இவர் உண்மையாளர்; நல்லமனிதர் என்று கூறியுள்ளார். யஹ்யா பின் ஹஸ்ஸான் அவர்கள் ஹுஷைம் அவர்களுக்கு பிறகு இவரைவிட மனனசக்தி உடையவரை நான் பார்க்கவில்லை என்று கூறியுள்ளார். அவரிடம், மக்கள் இப்னு லஹீஆவின் நூல்கள் எரிந்துவிட்டன என்று கூறுகிறார்களே என்று கூறப்பட்டபோது அவரின் நூல் காணாமல் போகவில்லை (அதாவது முழுமையாக எரியவில்லை என்று கூறினார்)

ஸுஃப்யான் ஸவ்ரீ அவர்கள், நான் அவரை சந்திப்பதற்காக பலமுறை ஹஜ் செய்துள்ளேன். அவரிடம் அஸல் (ஹதீஸ் நூல்) இருந்தது. எங்களிடம் அதன் பிரிவு உள்ளது என்று கூறியுள்ளார்...

இமாம் அஹ்மத் அவர்கள், ஹதீஸ்களை அதிகமாக அறிவிப்பதிலும், உறுதியான நினைவாற்றலிலும் இப்னு லஹீஆவைப் போன்று யார் எகிப்தில் இருக்கிறார்? என்று கூறியுள்ளார்.

மேலும் இப்னு லஹீஆவின் ஊரைச் சேர்ந்த அஹ்மத் பின் ஸாலிஹ் அவர்கள் இப்னு லஹீஆவை பாராட்டியதாக யஃகூப் பின் ஸுஃப்யான் அவர்கள் கூறியுள்ளார். (இதுபோன்று இன்னும் சிலரும் இவரைப் பாராட்டி கூறியுள்ளனர்)...

(நூல்கள்: தஹ்தீபுல் கமால்-15/487, தஹ்தீபுத் தஹ்தீப்-2/411, அல்காஷிஃப்-3/182...)

இப்னு லஹீஆ அதிகமாக ஹதீஸை தேடக்கூடியவராக இருந்துள்ளார். அவர் பயணம் செய்வதற்காக ஒரு வரைபடத்தையே கழுத்தில் மாட்டி இருந்துள்ளார். தான் சந்திக்கும் மனிதர்களிடம் உங்களிடம் ஹதீஸ் உள்ளதா, நீங்கள் யாரிடம் ஹதீஸை கேட்டு எழுதிவைத்துள்ளீர்கள் என்று விசாரித்து ஹதீஸை எழுதிக்கொள்வார்.

எனவேதான் அறிஞர்களில் சிலர் இவர் எழுதிவைத்திருந்தவை சரியானது. ஆனால் இவரின் நூல் எரிந்தபோன பின்பு இவர் தனது மனப்பாடத்திலிருந்து அறிவித்ததால் அதிகம் தவறுகள் ஏற்பட்டுவிட்டன என்று கூறியுள்ளனர்.

1 . அப்துர்ரஹ்மான் பின் மஹ்தீ

2 . பிஷ்ர் பின் ஸரிய்

3 . யஹ்யா பின் ஸயீத்.

“இப்னு லஹீஆ  வழியாக  குறைவாகவோ,  அதிகமாகவோ  (எதையும்)  எடுத்துக்  கொள்ள மாட்டேன்’’  என்று  அப்துர்ரஹ்மான்  பின்  மஹ்தி  கூறியுள்ளார். “நீ  இப்னு லஹீஆவைப்  பார்த்தால்  அவரிடமிருந்து  ஒரு  எழுத்தைக்  கூட  எடுத்துக்  கொள்ளாதே என்று  பிஷ்ர்  என்னிடம்  கூறினார்’’  என்று  யஹ்யா  பின் ஸயீத் கூறியுள்ளார்.

நூல்: அல்மஜ்ரூஹீன், பாகம்: 2, பக்கம் : 14

4 . இப்னு மயீன்

இப்னு மயீன் அவர்கள், இப்னு லஹீஆ ஹதீஸ் துறையில் பலவீனமானவர் என்று கூறினார்கள்.

(நூல்: தாரீக் இப்னு மயீன், பாகம் 1, பக். 153)

இப்னு லஹீஆ என்பவரின் ஹதீஸ் ஆதாரமாக  எடுத்துக்  கொள்ளக்கூடாது  என்று  யஹ்யா (பின் மயீன்)  கூறியதை  நான்  செவியேற்றுள்ளேன்.

(நூல்: தாரீக் இப்னு மயீன், பாகம்: 1, பக். 481)

5 . இவ்வாறே இவர்களுக்கு பின்னால் வந்த பல அறிஞர்கள் இவரை விமர்சித்துள்ளனர்.

3 . என்றாலும் சில குறிப்பிட்ட அறிவிப்பாளர்கள், இப்னு லஹீஆவிடமிருந்து அறிவித்தால் அதை ஏற்றுக்கொள்ளலாம் என்று சில அறிஞர்கள் கூறியுள்ளனர்.

1 . அப்துர்ரஹ்மான் பின் மஹ்தீ அவர்கள், நான் இப்னு லஹீஆவின் ஹதீஸ்களில் இப்னு முபாரக் போன்றோர் அறிவிக்கும் செய்திகளைத் தவிர மற்றவைகளை ஒரு பொருட்டாக கருதுவதில்லை என்று கூறினார் என நுஐம் பின் ஹம்மாத் கூறியுள்ளார்.

(நூல்: தஹ்தீபுத் தஹ்தீப் பாகம் : 2, பக்கம் : 411)

2 . இப்னு லஹீஆ ஹதீஸ் கலையில் பலவீனமானவராவார். இவருடைய புத்தகங்கள் எரிவதற்கு முன்பு இவரிடமிருந்து (ஹதீஸை) எழுதியவர்களின் அறிவிப்புகள் மிகச் சரியானவை. உதாரணமாக இப்னுல் முபாரக், அல்முக்ரிஉ, அப்துல்லாஹ் பின் மஸ்லமா ஆகியோரைப் போன்று...

(நூல்: ஸியரு அஃலாமின் நுபலாஃ, பாகம் : 8, பக்கம் : 11)

3 . இப்னு லஹீஆவின் புத்தகங்கள் எரிவதற்கு முன்பு அவரிடமிருந்து கேட்டவர்களின் அறிவிப்புகள் சரியானவை. உதாரணமாக அப்துல்லாஹ் பின் வஹப், அப்துல்லாஹ் பின் முபாரக் மற்றும் அப்துல்லாஹ் பின் யஸீத் அல்முக்ரிஉ ஆகியோரின் அறிவிப்புகள் சரியானவை.

(நூல்: மீஸானுல் இஃதிதால், பாகம் : 4, பக்கம் : 166)

4 . இப்னு வஹ்ப், இப்னுல் முபாராக், முக்ரீ ஆகியோர் இப்னு லஹீஆவின் மாணவர்கள். இம்மூவரும் இப்னு லஹீஆவிடம் ஆரம்ப நேரத்தில் செவியுற்றவர்கள் என்றும் இவர்கள் இப்னு லஹீஆவின் வழியாக அறிவிக்கும் செய்திகள் சரியானவை என்றும் இமாம்கள் கூறியுள்ளார்கள்.

(நூல்: தஹ்தீபுத் தஹ்தீப், பாகம்: 5, பக்கம்: 330...

5 . அவ்வாறே குதைபா பின் ஸயீத் அவர்கள் இவரிடமிருந்து அறிவிப்பது சரியானது. காரணம், நான் இப்னு லஹீஆ வின் ஹதீஸ்களை இப்னு வஹ்பின் நூல்களிலிருந்தும், இப்னு லஹீஆவின் சகோதரரின் மகனின் நூல்களிலிருந்தும் தான் எடுத்தெழுதி பின்பு அவரிடம் கேட்டு உறுதி செய்துக் கொள்வேன். அஃரஜின் ஹதீஸ்களைத் தவிர, என்று குதைபா பின் ஸயீத் கூறியுள்ளார்.

(நூல்: ஸுஆலாதுல் ஆஜுரீ -1512, தஹ்தீபுல் கமால்-15/494)

6 . சிலர் ஆய்வு செய்து வேறு சில அறிவிப்பாளர்கள் இப்னு லஹீஆவிடமிருந்து அறிவிப்பதும் சரியானது என்று கூறியுள்ளனர். இப்னு லஹீஆவின் நூல் எரிந்தது ஹிஜ்ரீ 170 இல் தான். எனவே அறிவிப்பாளர்கள் விவரம் பற்றிய நூற்களில் அதற்கு முன் அவரிடமிருந்து கேட்டவர்கள் என்று மேலும் சிலர் உள்ளனர்.

1 . அப்துல்லாஹ் பின் வஹ்ப்-

2 . அப்துல்லாஹ் பின் முபாரக்-

3 . அப்துல்லாஹ் பின் யஸீத் அல்முக்ரிஉ-

4 . அப்துல்லாஹ் பின் மஸ்லமா-

5 . குதைபா பின் ஸயீத்-

6 . லஹீஆ பின் ஈஸா-

7 . அபுல்அஸ்வத்-

8 . ஸயீத் பின் அபூமர்யம்-

9. இப்னு ரும்ஹ்-

10 . பிஷ்ர் பின் பக்ர்-

11 . இஸ்ஹாக் பின் ஈஸா-

12 . அபூஸயீத் மவ்லா பனூஹாஷிம்

13 . யஹ்யா பின் இஸ்ஹாக்

14 . வலீத் பின் மஸீத்

15 . அப்துர்ரஹ்மான் பின் மஹ்தீ

16 . லைஸ் பின் ஸஃத்

...ஆய்வில்..

அபூஹாதிம், அபூஸுர்ஆ போன்றோர், இவர் பலவீனமானவரே. என்றாலும் இவரைப் பற்றி முடிவு செய்வதில் குழப்பம் உள்ளது. எனவே இவர் அறிவிக்கும் செய்திகளை (மற்றவர்கள் இவ்வாறு அறிவித்துள்ளார்களா? என்று ஆய்வு செய்ய) எழுதிக்கொள்ளலாம் என்று கூறியுள்ளனர்.

அபூஸுர்ஆ அவர்களிடம், இப்னுலஹீஆவிடம் ஆரம்பத்தில் ஹதீஸ்களை கேட்டவர்களின் செய்தியை பற்றி கேட்டபோது ஆரம்பத்தில் கேட்டவர்களின் செய்தியாக இருந்தாலும், கடைசியில் கேட்டவர்களின் செய்திகளாக இருந்தாலும் எல்லாம் சமமானதே. என்றாலும் இப்னுல் முபாரக், இப்னு வஹ்ப் போன்றோர் அவரின் உஸூலைப் பின்பற்றினர் என்று கூறினார். (இதன் பொருள் நூலிலிருந்து எழுதிக்கொண்டனர் என்பதாக இருக்கலாம்)

(நூல்கள்: அல்ஜர்ஹு வத்தஃதீல்-5/145, இக்மாலு தஹ்தீபில் கமால்-8/143...)

இப்னு ஹிப்பான் அவர்கள், இவர் நல்ல மனிதர் தான். என்றாலும் இவரின் அறிவிப்புகளை நான் ஆய்வு செய்து பார்த்தபோது இவர் தத்லீஸ் செய்திருப்பதை-அதாவது பலவீனமானவர்களை மறைத்து அறிவித்திருப்பதைக் கண்டேன். மக்கள் இவரின் நூலிலிருந்து ஹதீஸை எழுதிக் கொள்வதற்கு கொண்டு செல்வர். பின்பு அவர் அறிவிக்காத செய்திகளையும் அதில் சேர்த்துவிடுவர். இப்னு லஹீஆ அதைப் பொருட்படுத்தாமல் தன் ஹதீஸையும், மற்றவர்களின் ஹதீஸையும் மக்களுக்கு படித்துக்காட்டுவார். எனவே இவரின் நூல் எரிவதற்கு முன் இவரிடமிருந்து அறிவிப்பவர்களின் செய்தியாக இருந்தாலும், இவரின் நூல் எரிந்தபின் இவரிடமிருந்து செவியேற்றவர்கள் அறிவிக்கும் செய்தியாக இருந்தாலும் அனைத்தையும் விட்டுவிடுவது அவசியம் என்று கூறியுள்ளார்.

(நூல்கள்: தஹ்தீபுத் தஹ்தீப்-2/411, தஃரீஃபு அஹ்லித்தக்தீஸ்-1/177)

(319 / 323) - عبدالله بن لهيعة بن عقبة وربما نسب إلى جده، يعتبر بما يروي عنه العبادلة: ابن المبارك والمقرئ وابن وهب

தாரகுத்னீ அவர்கள் (இப்னு லஹீஆவின் நூல் எரிவதற்கு முன் அவரிடமிருந்து செவியேற்றவர்களான) இப்னுல் முபாரக், அல்முக்ரிஉ, இப்னு வஹ்ப் போன்றோர் இப்னு லஹீஆவிடமிருந்து அறிவிக்கும் செய்திகள் கவனிக்கத்தக்கவை (ஏற்கத்தக்கவை) என்ற கருத்தில் கூறியுள்ளார்.

(நூல்: அள்ளுஅஃபாஉ வல்மத்ரூகீன்-323)

தாரகுத்னீ அவர்களின் கருத்தை இவ்வாறே சில அறிஞர்கள் புரிந்துள்ளனர்.

نرى ان الدارقطني يسلك منهجا معتدلا وسطا فيقول: (ان اعتبر له بحديث بعد حديثا صالحا إذا كان عن الائمة.

) فقول الدارقطني فيه هو قول الناقد المتأمل في رواياته العارف بها فانه لم يتركه مطلقا ولم يوثقه مطلقا..بل اعطى فيه حكما وسطا الا هو ان اعتبر له بحديث يعد صالحا فهو الحديث الذي رواه عنه الائمة.

وكذا الحال بالنسبة للترجمة رقم (323) من الضعفاء وهو عبد الله بن لهيعة فانه قال فيه: (يعتبر بما يروي عنه العبادلة، ابن المبارك، والمقرئ، وابن وهب) .

வேறு சிலர் இஃதிபார் என்பதின் கருத்து: ஹதீஸ்கலை விதியில் கூறப்படும் "இது போன்று வேறு செய்தி வந்துள்ளதா என்றுஆய்வு செய்தல்" என்று பொருள் கொள்கின்றனர். இதனடிப்படையில் தாரகுத்னீ அவர்களின் பார்வையில் இவர் பலவீனமானவர் என்று கூறியுள்ளனர்.

وقال ابن حبان أيضاً: ( … فوجب التنكب عن رواية المتقدمين عنه قبل احتراق كتبه، لما فيها من الأخبار المدلَّسة عن الضعفاء والمتروكين، ووجب ترك الاحتجاج برواية المتأخرين عنه بعد احتراق كتبه، لما فيه مما ليس من حديثه).

وقال الدارقطني في «الضعفاء»: (‌يعتبر ‌بما ‌يروي ‌عنه ‌العبادلة: ابن المبارك، والمقرئ، وابن وهب).

فليس رواية العبادلة عنده صحيحة، بل ضعيفة يُعتبر بها.

ஹி-126 சுமார் ...வயது.

இயற்பெயர்: அப்துல்லாஹ் (அல்லது) அப்துர்ரஹ்மான்

தந்தை பெயர்: ஸம்ஹ்

பட்டப் பெயர், குறிப்புப் பெயர்: தர்ராஜ், அபுஸ்ஸம்ஹ்,

ஊர் பெயர்: எகிப்து, டமாஸ்கஸ்-திமிஷ்க்.

பிறப்பு: ஹிஜ்ரீ- ...

இறப்பு: ஹிஜ்ரீ-126 அல்லது 182

கால கட்டம்: 5.

தர்ராஜ் பின் ஸம்ஆன்-அபுஸ்ஸம்ஹ்-அப்துர்ரஹ்மான் என்பவர் பற்றி

1 . சிலர் (பொதுவாக) இவர் பலமானவர் என்று கூறியுள்ளனர்.

2 . வேறுசிலர் இவர் பலமானவர் என்றக் கருத்தை மறுத்து, இவர் ஸதூக்-நடுத்தரமானவர் என்று கூறியுள்ளனர்.

3 . வேறுசிலர் இவர் சிறிது பலவீனமானவர் என்றும்,

4 . வேறு சிலர் பலவீனமானவர் என்றும்,

5 . வேறுசிலர் முன்கருல் ஹதீஸ் என்றும்; விடப்பட்டவர் என்றும் கூறியுள்ளனர்.

6 . வேறுசிலர் இவர் அபுல்ஹைஸம் ---> அபூஸயீத் (ரலி) என்ற அறிவிப்பாளர்தொடரில் அறிவிக்கும் செய்திகளில் தான் பலவீனம் உள்ளது என்று கூறியுள்ளனர்.

7 . வேறுசிலர் இவர் அறிவிக்கும் 5 ஹதீஸ்களில் தான் விமர்சனம் உள்ளது என்று கூறியுள்ளனர்.

8 . வேறுசிலர் இவர் அறிவிக்கும் செய்திகளைப் போன்று மற்றவர்கள் அறிவித்தால் ஏற்கலாம். இவர் புதியக் கருத்தை தரும் செய்திகளை தனித்து அறிவித்தால் ஏற்கக் கூடாது என்று கூறியுள்ளனர்.

5039 - سَمِعت يحيى يَقُول وَسُئِلَ عَن حَدِيث دراج عَن أبي الْهَيْثَم عَن أَي سعيد فَقَالَ مَا كَانَ هَكَذَا الْإِسْنَاد فَلَيْسَ بِهِ بَأْس فَقلت لَهُ إِن دَرَّاجًا يحدث عَن أبي الْهَيْثَم عَن أبي سعيد عَن النَّبِي صلى الله عليه وسلم قَالَ أصدق الرُّؤْيَا بالأسحار ويروى أَيْضا اذْكروا الله حَتَّى يَقُولُوا مَجْنُون فَقَالَ هما ثقتان دراج وَأَبُو الْهَيْثَم قَالَ يحيى وَقد روى هَذِه الْأَحَادِيث عمر بن الْحَارِث قلت ليحيى دراج من هُوَ قَالَ مصري وَهُوَ أَبُو السَّمْح قلت ليحيى أَبُو الْهَيْثَم من هُوَ قَالَ مصري واسْمه سُلَيْمَان بن عَمْرو

1 . இப்னுமயீன்,

இப்னு ஹிப்பான், ஹாகிம், இப்னு கல்ஃபூன், இப்னு ஷாஹீன், அபுல்காஸிம் போன்றோர் இவர் பலமானவர் என்று கூறியுள்ளனர்.

2 . உஸ்மான் பின் ஸயீத், இப்னு யூனுஸ் போன்றோர் இவர் ஸதூக்-நடுத்தரமானவர் என்று கூறியுள்ளனர்.

(நூல்கள்: அல்ஜர்ஹு வத்தஃதீல்-2008, தஹ்தீபுத் தஹ்தீப்-1/574, அல்இக்மால்-1473, தாரீகுல் இஸ்லாம்-3/405)

3 . அபூஹாதிம் அவர்கள், இவரின் ஹதீஸ்களில் சிறிது பலவீனம் உள்ளது என்று கூறியுள்ளார்.

4 . இப்னு மயீன் அவர்கள் இவரை பலமானவர் என்று கூறியுள்ளதாக ஃபள்லக் அர்ராஸீ அவர்களிடம் கூறப்பட்டபோது, இவர் பலமானவர் அல்ல என்றும்; எந்த சிறப்பும் அல்ல என்றும் கூறினார்.

ஸாஜீ, உகைலீ, அபுல்அரப் போன்றோர் இவரை பலவீனமானவர்களின் பட்டியலில் சேர்த்துள்ளனர்.

5 . அஹ்மத் இமாம் அவர்கள் இவரைப் பற்றி கூறிய தகவலை அவரின் மாணவர்கள் பலவாறு அறிவித்துள்ளனர்.

1 . அஹ்மத் இமாமின் மகனார்-அப்துல்லாஹ் பின் அஹ்மத் அவர்கள், இவரின் செய்திகள் முன்கர் என்று அஹ்மத் இமாம் கூறியதாக அறிவித்துள்ளார்.

حدثنا عبد الرحمن، أنا عبد الله بن أحمد بن حنبل فيما كتب إلي، قال: سمعت أبي يقول: دراج حديثه منكر

2 . அஹ்மத் பின் அபூயஹ்யா அவர்கள், இவர் அபுல்ஹைஸம் ---> அபூஸயீத் (ரலி) என்ற அறிவிப்பாளர்தொடரில் அறிவிக்கும் செய்திகளில் பலவீனம் உள்ளது என்று அஹ்மத் இமாம் கூறியதாக அறிவித்துள்ளார்.

3 . அபூதாவூத் இமாம் அவர்களும் இவ்வாறே அறிவித்துள்ளார். இந்தக் கருத்தையே இப்னு ஹஜர், அல்பானீ, ஷுஐப் அல்அர்னாவூத் போன்றவர்களும் குறிப்பிட்டுள்ளனர்.

அஹ்மத் இமாம் இவரைப் பற்றி முன்கருல் ஹதீஸ் என்று கூறியதாகவும் அபூதாவூத் இமாம் அறிவித்துள்ளார்.

[259] سَمِعت أَحْمد سُئِلَ عَن ‌دراج أبي السَّمْح قَالَ هَذَا ‌روى ‌مَنَاكِير كَثِيرَة وَفِي حَدِيث فِي إِسْنَاده ‌دراج الشَّأْن فِي ‌دراج

6 . நஸாயீ, தாரகுத்னீ போன்றோர் இவரின் ஹதீஸ்கள் முன்கர் என்று கூறியுள்ளனர்.

سمعتُ ابْن حماد يقول ‌دراج ‌أبو ‌السمح ‌منكر ‌الحديث ‌قاله ‌أحمد ‌بن ‌شُعَيب ‌النسائي.

سؤالات الحاكم للدارقطني - الفاروق (ص: 119)

265 - دَرَّاج، أبو السَّمْح، ضَعِيْفٌ، ألقيتُ عليه حَدِيْث شُعْبَة، عن عَمْرو بن يَحْيَى، قَالَ: الْحَدِيْث الْحَسَن هكذا يكون.

142- وسمعته يقول دراج أبو السمح هو ابن سمعان مصري متروك.

(நூல்கள்: அல்ஜர்ஹு வத்தஃதீல்-2008, தஹ்தீபுத் தஹ்தீப்-1/574, அல்இக்மால்-1473, தாரீகுல் இஸ்லாம்-3/405, ஸுஆலாதுல் ஹாகிம்-265, ஸுஆலாதுல் பர்கானீ-142)

ஒரு அறிவிப்பாளரை அல்லது அவரது செய்தியை முன்கர் என்று கூறுவதில் ஹதீஸ்கலை அறிஞர்கள் வழக்குச்சொல் பலவாறு உள்ளது. அஹ்மத், (நஸாயீ) போன்ற அறிஞர்கள் பலமானவர், நடுத்தரமானவர் போன்ற தரத்தில் உள்ளவர்கள் தனித்து அறிவிக்கும் செய்திகளையும் முன்கர் என்று கூறுவார்கள் என இப்னு ஹஜர் அவர்கள் கூறியுள்ளார்.

قلت: المنكر أطلقه أحمد بن حنبل ‌وجماعة ‌على ‌الحديث ‌الفرد ‌الذي ‌لا ‌متابع ‌له...

(நூல்: ஹத்யுஸ் ஸாரீ-1/437)

7 . இப்னு அதீ அவர்கள், இவரின் சில செய்திகளைக் குறிப்பிட்டுவிட்டு அவற்றில் 5 செய்திகளை முன்கர் என்று கூறியுள்ளார். அதாவது அந்த செய்தியின் கருத்தை அவரது உள்ளம் ஏற்கமுடியவில்லை என்ற அடிப்படையில் முன்கர் என்று கூறியுள்ளார். மேலும் இவைத் தவிர இவர் அறிவிக்கும் மற்ற செய்திகளில் பிரச்சனை இல்லை. இவ்வாறு முடிவு செய்வதே இப்னு மயீன் அவர்களின் கருத்துக்கு நெருக்கமானது என்றும் கூறியுள்ளார்.

قال الشيخ: وعامة هذه الأحاديث التي أمليتها

مما لا يتابع دراج عليه

وفيها ما قد روى عن غيره ومن غير هذا الطريق

ولدراج، عنِ ابْن حر وأبي الهيثم، وابن حجيرة غير ما ذكرت من الحديث ويروي عن دراج عَمْرو بْن الحارث، وابن لَهِيعَة وحيوة بْن شريح وغيرهم

ومما ينكر من أحاديثه بعض ما ذكرت، وَهو قوله أصدق الرؤيا بالأسحار والشتاء ربيع المؤمن والسباع حرام وأكثروا من ذكر اللَّه حتى يقال مجنون وقد روى عنه بهذا الإسناد أَيضًا لا حليم إلَاّ ذو عثرة عن عَمْرو عَنْ دَرَّاجٍ، عَن أَبِي الْهَيْثَمِ، عَن أبي سَعِيد يرويه، عنِ ابْن وهب الغرباء

وقد تقدم ذكر من حدثناه، ومَنْ رواه، عنِ ابْن وهب في باب الحاء في ذكر حرملة بْن يَحْيى وسائر أخبار دراج غير ما ذكرت من هذه الأحاديث يتابعه الناس عليها

وأرجو أن أخرجت دراج وبرأته من هذه الأحاديث التي أنكرت عليه إن سائر أحاديثه لا بأس بها ويقرب صورته ما قال فيه يَحْيى بْن مَعِين

(நூல்: அல்காமிலு ஃபிள்ளுஅஃபா-4/15)

(வேறு சில அறிஞர்கள் இவரின் அனைத்து செய்திகளும் முன்கர்-மறுக்கப்படவேண்டியவை என்றும் கூறியுள்ளனர். இதற்கான காரணம் இவர் அறிவித்த செய்திகளின் கருத்தை மற்ற பலமானவர்களின் செய்திகளுடன் ஒப்பிட்டு பார்க்கும்போது இவர் மாறுபட்டும், தனித்தும் அறிவித்துள்ளார். இதனால் தான் இவரை ஆரம்பத்தில் சிலர் குறிப்பிட்ட அறிவிப்பாளர்தொடரில் பலவீனமானவர் என்று கூறிவிட்டு பிறகு இவரை பொதுவாக முன்கருல் ஹதீஸ் என்றும், விடப்பட்டவர் என்றும் கருத்துக் கூறியுள்ளனர். இதற்கு தாரகுத்னீ போன்ற அறிஞர்களை உதாரணமாகக் குறிப்பிடலாம்.)

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இறப்பு: ஹிஜ்ரி 74, மதீனா

தரம்: நபித்தோழர் (ஸஹாபி)

விபரங்கள்

இயற்பெயர்: ஸஃத் பின் மாலிக் பின் ஸினான்

தந்தை பெயர்: மாலிக் பின் ஸினான்

வம்சம்: அன்ஸாரீ, அல்கஸ்ரஜீ

புனைப்பெயர்: அபூ ஸயீத்

ஊர் பெயர்: மதீனா

பயணித்த ஊர்கள்: மதீனா

பிறப்பு: மதீனா

இறப்பு: ஹிஜ்ரி 74, மதீனா

கால கட்டம்: நபித்தோழர்

வாழ்க்கைக் குறிப்பு

அபூ ஸயீத் அல்குத்ரீ ரலி அவர்களின் இயற்பெயர் ஸஃத் பின் மாலிக் பின் ஸினான் ஆகும். இவர் அன்ஸாரீ, அல்கஸ்ரஜீ கோத்திரத்தைச் சேர்ந்தவர். மதீனாவில் பிறந்த இவர், ஹிஜ்ரி 74 இல் மதீனாவிலேயே மரணமடைந்தார்.

உஹத் போரில் பங்கேற்க சிறுவராக இருந்ததால் அனுமதிக்கப்படவில்லை. பின்னர் அகழ் போர் மற்றும் பைஅத்துர் ரிழ்வான் ஆகியவற்றில் பங்கேற்றார். மதீனாவின் முஃப்தியாகவும் பணியாற்றினார்.

இவர் 1170 ஹதீஸ்களை அறிவித்துள்ளார்.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): முஹம்மத் (ஸல்), மாலிக் பின் ஸினான், கதாதா பின் அன்னுஃமான், அபூபக்ர் அஸ்ஸித்தீக், உமர் பின் கத்தாப் (ரலி), உஸ்மான் பின் அஃப்பான், அலீ பின் அபூ தாலிப், ஸைத் பின் ஸாபித், அபூ கதாதா பின் ரப்ஈ, அப்துல்லாஹ் பின் ஸலாம், உஸைத் பின் ஹுளைர் பின் ஸம்மாக், இப்னு அப்பாஸ்

இவரிடமிருந்து அறிவித்தோர் (மாணவர்கள்): அப்துர்ரஹ்மான் பின் அபூ ஸயீத் அல்குத்ரீ, ஸைனப் பின்த் கஅப் பின் அஜ்ரா அல்அன்ஸாரிய்யா, இப்னு அப்பாஸ், இப்னு உமர், ஜாபிர் பின் அப்துல்லாஹ், ஸைத் பின் ஸாபித், ஸயீத் பின் அல்முஸய்யிப், தாரிக் பின் ஷிஹாப், அபுத் துஃபைல், அதா பின் அபூ ரபாஹ், அதா பின் யஸார், முஜாஹித் பின் ஜப்ர்

வேறு பெயர்கள்: அபூ ஸயீத் அல்குத்ரீ, ஸஃத் பின் மாலிக் பின் ஸினான்

ஆதாரம்: muslimscholars.info (38) · Should verify