Almujam-Alkabir-5459

5459. ஒரு மனிதர் பனூ ஸஃத் பின் பக்ர் கிளையைச் சேர்ந்தவரும், நபித்தோழருமான ஸஃத் பின் உமாரா (ரலி) அவர்களிடம் வந்து, “அல்லாஹ் உமக்கு அருள் புரிவானாக! எனக்கு (எனது நன்மைக்காக) அறிவுரை கூறுங்கள்!” என்றார்.

அதற்கு அவர்கள் கூறியவை:

1 . நீர் தொழுகைக்குத் தயாரானால், உளுவை முழுமையாகச் செய்வீராக! ஏனெனில், உளு இல்லாதவருக்குத் தொழுகை இல்லை; தொழுகை இல்லாதவருக்கு ஈமான் இல்லை.

பின்னர் தொடர்ந்தார்கள்:

2 . நீர் தொழுதால், (இதுவே உமது) இறுதித் தொழுகை என்பதைப் போல் தொழுவீராக!.

3 . அதிகமான தேவைகளைக் கோருவதைக் கைவிட்டுவிடுவீராக! ஏனெனில், அதுவே கண்முன்னே இருக்கும் வறுமையாகும்.

4 . மனிதர்களின் கைகளில் உள்ளவற்றிலிருந்து முற்றிலும் ஆசையைத் துறந்து விடுவீராக! ஏனெனில், இதுவே உண்மையான செல்வமாகும்.

5 . நாளை மன்னிப்புக் கேட்க வேண்டிய எந்தவொரு சொல் மற்றும் செயலின் பக்கமும் கவனமாக இருந்து, அவற்றை விட்டுத் தவிர்ந்து கொள்வீராக!.