Author: Abdul Hakkim

பாடம்:

நேரம் தவறிய தொழுகையை ஜமாஅத்தாக (கூட்டாக) நிறைவேற்றுதல்.

859. அபூதர் (ரலி) அவர்கள் கூறியதாவது:

“எனது தொடையில் அடித்து விட்டு, தொழுகையை உரிய நேரத்தை விட்டுத் தாமதப்படுத்தும் மக்களிடையே நீர் தங்கவேண்டிய நிலை ஏற்பட்டால் “உமது நிலை எப்படி இருக்கும்?” என்று அல்லாஹ்வின் தூதர் (ஸல்) அவர்கள் என்னிடம் கேட்டார்கள்.  நான் “(அப்போது) நான் என்ன செய்ய வேண்டும் என்று எனக்கு உத்தரவிடுகிறீர்கள்?” என்று கேட்டேன். அதற்கு அவர்கள், “தொழுகையை அதன் உரிய நேரத்தில் தொழுதுகொள்வீராக! பிறகு உமது தேவைக்காகச் செல்வீராக! நீர் பள்ளிவாசலில் இருக்கும் போது இகாமத் சொல்லப்பட்டால் (அப்போதும் மக்களுடன் சேர்ந்து) தொழுதுக் கொள்வீராக! என்று கூறினார்கள்.

பாடம்:

அநியாயக்கார தலைவர்களுடன் சேர்ந்து தொழுதல்.

778. அபுல்ஆலியா அல்பர்ராஃ (ரஹ்) அவர்கள் கூறியதாவது:

(ஒரு முறை பஸராவின் ஆளுநராக இருந்த) ஸியாத், தொழுகையை (உரிய நேரத்தில்) தொழாமல் தாமதப்படுத்தினார். அப்போது அப்துல்லாஹ் பின் ஸாமித் (ரஹ்) அவர்கள் என்னிடம் வந்தார். (அவரை வரவேற்று) அவருக்காக நாற்காலியை போட அதில் அவர்கள் அமர்ந்தார். அப்போது நான் அவர்களிடம், ஸியாத் செய்தது பற்றி கேட்டேன். அப்போது அவர்கள் (கோபத்துடன்) தமது உதட்டைக் கடித்துக்கொண்டு என் தொடையில் ஓர் அடி அடித்து விட்டு கூறியதாவது: அபுல்ஆலியாவே! நீங்கள் என்னிடம் கேட்டதைப் போன்று நான் (என் தந்தையின் உடன்பிறந்த சகோதரர்) அபூதர் (ரலி) அவர்களிடம் கேட்டேன். அவர்கள், நான் உமது தொடையில் அடித்ததைப் போன்றே என் தொடையில் அடித்து விட்டு, அப்துல்லாஹ் பின் ஸாமித் அவர்களே! நீங்கள் என்னிடம் கேட்டதைப் போன்றே நான் அல்லாஹ்வின் தூதர் (ஸல்) அவர்களிடம் கேட்டேன். அதற்கு, நான் உமது தொடையில் அடித்ததைப் போன்று என் தொடையில் நபி (ஸல்) அவர்கள் அடித்து விட்டு, “தொழுகையை அதன் உரிய நேரத்தில் (தனியாக) தொழுதுக் கொள்ளுங்கள். பிறகு (தாமதப்படுத்தும்) அவர்களுடன் நீங்கள் தொழுகையை அடைந்துக் கொண்டால் அப்போதும் அவர்களுடன் இணைந்து தொழுதுக் கொள்ளுங்கள். (ஆனால் அந்த நேரத்தில்) நான் தொழுது