Category: முஸ்னத்-பஸ்ஸார்

1994.

3686. அபூபக்ரா (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர்கள் தங்கள் ருகூஉவில், ‘ஸுப்ஹான ரப்பியல் அளீம்’ என்று மூன்று முறையும், ஸஜ்தாவில் ‘ஸுப்ஹான ரப்பியல் அஃலா’ என்று மூன்று முறையும் கூறுபவர்களாக இருந்தார்கள்.

பஸ்ஸார் இமாம் கூறுகிறார்:

இந்த ஹதீஸை அபூபக்ரா (ரலி) அவர்கள் வழியாக இந்த அறிவிப்பாளர்தொடரில் தவிர வேறு யாரும் அறிவித்திருப்பதாக நாம் அறியவில்லை.

இதில் இடம்பெறும் அப்துர்ரஹ்மான் பின் பக்கார் என்பவர் குடும்பப் பின்னணி அறியப்பட்டவர் ஆவார்; அவர் ஹதீஸ் துறையில் ஸாலிஹுல் ஹதீஸ்-ஏற்கத் தக்கவர் ஆவார்.

6090.

6091.

5853. அப்துல்லாஹ் பின் உமர் (ரலி) அவர்கள் கூறியதாவது:

நபி (ஸல்) அவர்கள் தம் தோழர்களிடம் (அல்குர்ஆன்: 55:1-78) எனும் அர்ரஹ்மான் அத்தியாயத்தை ஓதிக் காட்டினார்கள். அப்போது அவர்கள் அமைதியாக இருந்தனர். உடனே, நபி (ஸல்) அவர்கள், “ஜின்கள் உங்களை விடச் சிறப்பாகப் பதிலளித்தார்கள்.

நான் அவர்களிடம், “உங்கள் இருவரின் இறைவனின் அருட்கொடைகளில் எதை நீங்கள் பொய்யாக்குவீர்கள்?” என்ற வசனத்தை ஓதியபோதெல்லாம், “எங்களின் இரட்சகனே! உனது அருட்கொடைகளில் எதையும் நாங்கள் பொய்யாக்கவில்லை. உனக்கே புகழ் அனைத்தும்” என்று பதிலளித்தார்கள்” எனக் கூறினார்கள்.

பஸ்ஸார் இமாம் கூறுகிறார்:

இந்த ஹதீஸ் நபி (ஸல்) அவர்களிடமிருந்து இந்த அறிவிப்பாளர்தொடர் வழியாக மட்டுமே வந்துள்ளதாக நாம் அறிகிறோம்.

9273. அல்லாஹ்வின் தூதர் (ஸல்) அவர்கள் கூறினார்கள்:

தொழுகை மூன்று பாகங்களைக் கொண்டது. அதன் ஒரு பாகம் (தொழுவதற்கு முன் உளூ எனும்) தூய்மைச் செய்தல். மற்றொரு பாகம் ருகூஉ செய்தல், மற்றொரு பாகம் ஸஜ்தா செய்தல் ஆகியவை ஆகும்.

யார் தன் தொழுகையை அதன் முறைப்படி நிறைவேற்றுகிறாரோ, அவரது தொழுகையும், அத்துடன் அவரது மற்ற எல்லா அமல்களும் ஏற்றுக் கொள்ளப்படும். யார் தன் தொழுகையை நிறைவேற்றுவதில் குறை வைக்கிறாரோ, அவரின் தொழுகை நிராகரிக்கப்படும். அத்துடன் அவரது மற்ற அமல்களும் நிராகரிக்கப்படும்.

அறிவிப்பவர்: அபூஹுரைரா (ரலி)

பஸ்ஸார் இமாம் கூறுகிறார்:

இந்த ஹதீஸ் அஃமஷ் —> அபூஸாலிஹ் —> கஅபுல் அஹ்பார் என்ற அறிவிப்பாளர்தொடரில் கஅபுல் அஹ்பார் அவர்களின் சொல்லாக வந்துள்ளதே மஹ்ஃபூல் எனும் முன்னுரிமை பெற்ற செய்தியாகும்.

அபூஸாலிஹ் —> அபூஹுரைரா (ரலி) —> நபி (ஸல்) என்ற அறிவிப்பாளர்தொடரில் நபியின் சொல்லாக முஃகீரா பின் முஸ்லிம் என்பவர் மட்டுமே தனித்து அறிவித்துள்ளார். இவரைப் போன்று வேறு யாரும் அறிவிக்கவில்லை என்றே நாம் அறிகிறோம்.

8919.

8346.

8345.

4172. ஸவ்பான் (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர்கள் சுபுஹ் தொழுகைக்குப் பிறகு எங்களிடம் புறப்பட்டு வந்தார்கள். பிறகு கூறினார்கள்:

“நிச்சயமாக என் இறைவன் இன்றிரவு (கனவில்) மிக அழகிய தோற்றத்தில் என்னிடம் வந்தான். பிறகு, ‘முஹம்மதே! மேல் உலகத்து வானவர்கள் எதைப் பற்றி விவாதிக்கிறார்கள் என்று நீர் அறிவீரா?’ என்று கேட்டான். அதற்கு நான், ‘இல்லை’ என்று கூறினேன். பிறகு அவன் ஏதோ ஒன்றைக் குறிப்பிட்டான். உடனே வானத்திற்கும் பூமிக்கும் இடைப்பட்டவை எனக்குத் தெளிவாக்கப்பட்டன.

பிறகு நான், ‘ஆம் என் இறைவனே! அவர்கள் பாவப்பரிகாரங்களைப் பற்றிய செயல்களையும், சொர்க்கத்தில் பதவிகள் கிடைக்கும் செயல்களைப் பற்றியும் விவாதிக்கிறார்கள்’ என்று கூறினேன்.

பதவிகளின் செயல்கள் என்னவெனில்:

உணவு அளிப்பது, ஸலாமைப் பரப்புவது, மனிதர்கள் உறங்கிக் கொண்டிருக்கும் போது இரவில் நின்று தொழுவது.

பாவப்பரிகாரங்களின் செயல்கள் என்னவெனில்:

ஜமாஅத் தொழுகைகளுக்காக நடந்து செல்வது, சிரமமான சூழ்நிலைகளிலும் உளூவை முழுமையாகச் செய்வது, தொழுகைகளுக்குப் பிறகு பள்ளிவாசல்களில் (சிறிது நேரம் திக்ர் செய்வதற்காக) அமர்ந்திருப்பது.

பிறகு இறைவன், ‘முஹம்மதே! நீர் கூறுவீராக, கேட்கப்படும்! நீர் கேட்பீராக, கொடுக்கப்படும்!’