Tirmidhi-3537

இமாம் திர்மிதி

முழுப்பெயர்: முகம்மது இப்னு ஈஸா இப்னு ஸுரது இப்னு மூஸா இப்னுல் லிகாகுஸ்ஸில்மிய்யி (திர்மிதி என்ற ஹதீஸ் நூலை தொகுத்தவர்)

புனைப்பெயர்: அபூஈஸா அத்திர்மிதி அல்லரீருல் ஹாஃபிழ்

இயற்பெயர்: முகம்மது

தந்தைபெயர்: ஈஸா

பிறந்த ஊர்: ஈரானின் வட எல்லையில் உள்ள ஜுஹுன் எனும் ஆற்றோரத்தில் அமைந்திருந்த திர்மிதி எனும் ஊரில் இவர் பிறந்தார். எனவே தான் இவர் திர்மிதி என்று அழைக்கப்படுகிறார்.

பிறப்பு: ஹிஜ்ரி 210ல் பிறந்தார்.

கல்விக்காகப் பயணம் செய்த ஊர்கள்: ஈரானிலுள்ள குராஸான், இராக்கிலுள்ள கூஃபா, பக்தாத் போன்ற ஊர்களுக்கும் இன்னும் ஹிஜாஸ், பஸரா,  புகாரா, நைஸாபூர், மக்கா, மதினா, வாஸித், ரயீ போன்ற உலகின் பல பாகங்களுக்கும் பயணம் சென்றுள்ளார்.

ஜாமிவுத்திர்மீதி,

அல்இலலுல்கபீர் (அறிவிப்பாளர்களின் குறைகள் தொடர்பானது),

ஷமாயில்,

அஸ்மாவுஸ் ஸஹாபா  (அறிவிப்பாளர்களின் பெயர்கள் தொடர்பானது),

அல்அஸ்மாவு வல்குனா (அறிவிப்பாளர்களின் பெயர்கள் தொடர்பானது),

கிதாபுஸ் ஸுஹுத் போன்ற பல புத்தகங்களை தொகுத்துள்ளார்.

முஹம்மது இப்னு இஸ்மாயில் அல்புகாரி, இப்ராஹீம் இப்னு அப்துல்லாஹ் இப்னு முன்திரில் பாஹிலியி அஸ்ஸன்ஆனி, இஸ்ஹாக் இப்னு ராஹவைஹ், குதைபா இப்னு ஸயீத், மஹ்மூத் இப்னு கைலான், ஸிபாஃ இப்னு நல்ர் போன்ற பல அறிஞர்கள் இவருக்கு ஆசிரியர்களாக உள்ளனர்.

அபூபக்கர் முஹம்மது இப்னு இஸ்மாயீல் அஸ்ஸமர்கந்தி, அபூஹாமீது அஹ்மது இப்னு அப்துல்லாஹ் இப்னு தாவூத் அல் மரூஸி, அஹ்மத் இப்னு யூசுப் அன்நசபீ, அஸத் இப்னு ஹம்தவைஹி அன்நசபீ, ஹுசைன் இப்னு யூசுப் அல்பர்பரீ போன்ற பல அறிஞர்கள் இவருக்கு மாணவர்களாக உள்ளனர்.

இறப்பு: ஹிஜ்ரி 279ல் ரஜப் மாதம் பிறை 13 திங்கள் இரவில் தமது சொந்த ஊரில் இமாம் திர்மிதி மரணமடைந்தார். அப்போது அவருக்கு 69 வயதாகும். (தகவல்: பயான் சைட்)

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

பிறப்பு: ஹி 75, இறப்பு: ஹி 165. வயது சுமார் 90

தரம்: ஸதூக்-நடுத்தரமானவர். சில அறிவிப்புகளை தவறாக அறிவித்துள்ளார்.

இயற்பெயர்: அப்துர்ரஹ்மான்

தந்தை பெயர்: ஸாபித் பின் ஸவ்பான்

குறிப்புப் பெயர்: அபூஅப்தில்லாஹ்

ஊர், வமிசம்: ஷாம், திமிஷ்க், அல்அன்ஸீ

பிறப்பு: ஹிஜ்ரீ-75

இறப்பு: ஹிஜ்ரீ-165

கால கட்டம்: 7.

அப்துர்ரஹ்மான் பின் ஸாபித் பின் ஸவ்பான் அவர்களைப் பற்றி சிலர் பாராட்டியும் உள்ளனர். சிலர் விமர்சித்தும் உள்ளனர்.

துஹைம், அம்ர் பின் அலீ அல்ஃபல்லாஸ், அபூஹாதிம் ராஸீ, அபூஹாதிம் (இப்னு ஹிப்பான்), அப்துர்ரஹ்மான் பின் இப்ராஹீம் ஆகியோர் இவரை பலமானவர் என்று கூறியுள்ளனர்.

இப்னு மயீன், இப்னுல் மதீனீ, இஜ்லீ, யஃகூப் பின் ஷைபா, அபூதாவூத், ஸாலிஹ் பின் முஹம்மத், அபூஸுர்ஆ, இப்னு ஷாஹீன், அபூபக்ர் கதீப் பக்தாதீ ஆகியோர் இவரிடம் குறையில்லை-சுமாரானவர், ஸதூக்-நம்பகமானவர் என்று கூறியுள்ளனர்.

அபூதாவூத் அவர்கள், இவர் நல்லமனிதர்; இவர் துஆ செய்தால் அல்லாஹ்வால் ஏற்கப்படும் நிலையில் உள்ள மனிதர் என்று கூறியுள்ளார்.

(அபூஸுர்ஆ அவர்கள், இவரிடம் சிறிது பலவீனம் உள்ளது என்று கூறியதாக வந்துள்ள தகவல் தவறானது. அஸல் பிரதிகளில் இந்தக் கருத்து இல்லை)

கத்ரிய்யா, காரிஜிய்யா கொள்கையுடையவர்.

கத்ரிய்யா, காரிஜிய்யா கொள்கையுடைவர்களின் கொள்கையான அநியாயக்கார ஆட்சியாளர்கள் பின்னால் தொழக்கூடாது என்பதின்படி இவர் நடந்துள்ளார். இவர் கடமையான தொழுகைகளிலும், ஜுமுஆவிலும் கலந்துக் கொள்ளாமல் இருந்ததால் இவரின் தந்தையின் நண்பரான அவ்ஸாயீ இமாம் அவர்கள், இவருக்கு உபதேசம் செய்து எழுதிய கடிதத்தின் மூலம் இது தெரிகிறது.

(நூல்: அல்மஃரிஃபது வத்தாரீக்-2/391, 392).

எனவே தான் இவர் கத்ரிய்யா கொள்கையுடையவர் என்று துஹைம், அபூஹாதிம், ஸாலிஹ் பின் முஹம்மத் ஆகியோர் கூறியுள்ளனர்.

(அபூதாவூத் அவர்கள், இவர் கத்ரிய்யா கொள்கையுடையவர் என்ற கருத்தை மறுத்துள்ளார்)

(என்றாலும் பித்அத் கொள்கையுடையவர்கள் நம்பகமானவராக இருந்து அவர் பித்அத்திற்கு அழைக்காதவர் என்றால் அவரின் செய்திகளை ஏற்கலாம் என்பதே யஹ்யா பின் ஸயீத், இப்னுல் மதீனீ, கதீப் பக்தாதீ போன்ற பல அறிஞர்களின் கருத்தாக உள்ளது. அப்துர்ரஹ்மான் பின் மஹ்தீ அவர்கள் ஆரம்பத்தில் இதை ஏற்காதவராக இருந்தாலும் கடைசி காலத்தில் இந்த வகையினரிடமிருந்தும் ஹதீஸ்களை அறிவித்துள்ளார். எனவே தான் புகாரீ இமாம் அவர்களும் இது போன்ற பித்அத் கொள்கையுடையவர்கள் இடம்பெறும் ஹதீஸ்களையும் அறிவித்துள்ளார்.)

கடைசி காலத்தில் மூளைக் குழம்பியவர்.

அபூஹாதிம் அவர்கள் இவரை பலமானவர் என்று கூறியிருப்பதுடன் கடைசி காலத்தில் மூளைக் குழம்பிவிட்டார் என்றும் இவரின் செய்திகள் சரியானவையே என்றும் கூறியுள்ளார். (எனவே இதன் மூலம் இவர் மூளை குழம்பியபின் ஹதீஸை அறிவிக்கவில்லை என்று தெரிகிறது என சில அறிஞர்கள் கூறியுள்ளனர்).

பலவீனமானவர்.

இமாம் இஜ்லீ அவர்கள், இவரை சுமாரானவர் என்று கூறியிருப்பதுடன் சிறிது பலவீனமானவர் என்று கூறியுள்ளார். இவ்வாறே அப்துர்ரஹ்மான் பின் யூஸுஃப் பின் கிராஷ், அபூஸுர்ஆ ஆகியோரும் கூறியுள்ளனர்.

இப்னு மயீன் அவர்கள் இவரை பலவீனமானவர் என்று கூறியதாக உஸ்மான் தாரிமீ அவர்களும்; இவர் ஒரு பொருட்டே அல்ல என்று கூறியதாக இப்னு அபூகைஸமா அவர்களும் அறிவித்துள்ளனர். இப்னு மயீன் அவர்கள், இவர் பலவீனமானவர் என்றாலும் இவர் நல்ல மனிதர் இவரின் செய்திகளை எழுதிக்கொள்லலாம் என்று கூறியதாக முஆவியா பின் ஸாலிஹ் கூறியுள்ளார்.

இப்னு அதீ அவர்களும் இந்தக் கருத்தையே கூறியுள்ளார்.

(என்றாலும் அப்பாஸ் பின் முஹம்மத் அத்தூரீ அவர்கள், இப்னு மயீன் அவர்கள் இவரை சுமாரானவர் என்று கூறியதாக அறிவித்துள்ளார் என்பதால் அப்பாஸ் அத்தூரீ அவர்களின் கருத்துக்கே முதலிடம் கொடுக்கப்படும் என்பதின் படி இப்னு மயீன் அவர்களின் கருத்து இவர் சுமாரானவர் என்பதாகும்)

நஸாயீ, உகைலீ, இப்னுல் ஜவ்ஸீ ஆகியோரும் இவர் பலவீனமானவர் என்று கூறியுள்ளனர். (அறிவிப்பாளகளை விமர்சிப்பதில் இவர்கள் கடினம் கொண்டவர்கள் என்பதால் மற்ற மூத்த அறிஞர்களின் கருத்திற்கே முதலிடம் தரவேண்டும்.)

இமாம் அஹ்மத் அவர்கள் இவர் பலமானவர் அல்ல என்றும், இவரின் ஹதீஸ்களை முன்கர் என்றும் கூறியுள்ளார்.

என்றாலும் இவரின் மாணவர்களான அபூதாவூத், யஃகூப் பின் ஷைபா ஆகியோர் இந்தக் கருத்தை ஏற்கவில்லை. இப்னுல் மதீனீ அவர்களின் கருத்திற்கே முன்னுரிமை தந்துள்ளனர்.

யஃகூப் பின் ஷைபா அவர்கள், இவர் விசயத்தில் நம்முடைய தோழர்கள் (ஆசிரியர்கள்) கருத்து வேறுபாடு கொண்டுள்ளனர். இப்னு மயீன் பலவீனமானவர் என்று கூறியுள்ளார். இப்னுல் மதீனீ அவர்கள் இவர் விசயத்தில் நல்லெண்ணம் கொண்டுள்ளார். எனவே இவர் உண்மையாளர்; இவர் விசயத்தில் குறை இல்லை (சுமாரானவர்) என்று கூறியுள்ளார்.

(நூல்: தஹ்தீபுத் தஹ்தீப்-2/494)

இவர் தன் தந்தையிடமிருந்து மக்ஹூல் வழியாக அறிவிக்கும் செய்திகள் முன்கரானவை என்று ஸாலிஹ் பின் முஹம்மத் அவர்கள் கூறியுள்ளார். (இந்தக் கருத்து ஏற்கத்தக்கதே)

(ஆதார நூல்கள்: அல்ஜர்ஹு வத்தஃதீல்-5/219 , அல்காமிலு ஃபிள்ளுஅஃபா-4/460, தாரீகுல் இஸ்லாம்-4/433, ஸியரு அஃலாமின் நுபலாஃ-7/313, அல்காஷிஃப்-3/243, தஹ்தீபுல் கமால்-17/12, தஹ்தீபுத் தஹ்தீப்-2/493, 494)

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இந்த அறிவிப்பாளர் பற்றிய விபரம் இன்னும் இந்தத் தளத்தில் இல்லை.

இறப்பு: ஹிஜ்ரி 80 அல்லது அதற்குப் பிறகு, ஷாம்

தரம்: பலமானவர்

விபரங்கள்

இயற்பெயர்: ஜுபைர் பின் நுஃபைர் பின் மாலிக் பின் ஆமிர்

தந்தை பெயர்: நுஃபைர் பின் மாலிக் அல்ஹழ்ரமீ

வம்சம்: அல்ஹழ்ரமீ

புனைப்பெயர்: அபூ அப்துர்ரஹ்மான், அபூ அப்துல்லாஹ்

ஊர் பெயர்: ஹிம்ஸ், ஹழ்ரமவ்த்

பயணித்த ஊர்கள்: ஹிஜாஸ், ஷாம்

பிறப்பு: யமன்/ஹிஜாஸ்

இறப்பு: ஹிஜ்ரி 80 அல்லது அதற்குப் பிறகு, ஷாம்

கால கட்டம்: தாபிஈ

வாழ்க்கைக் குறிப்பு

அவர் நபி (ஸல்) அவர்களின் காலத்தை அடைந்தவர், ஆனால் நபித்தோழர் அல்ல. அவர் அபூபக்ர் (ரலி) அவர்களின் ஆட்சிக்காலத்தில் இஸ்லாத்தைத் தழுவினார். அவர் ஷாம் மற்றும் ஹிஜாஸ் பகுதிகளில் வாழ்ந்தார்.

அவர் ஹிஜ்ரி 80 அல்லது அதற்குப் பிறகு ஷாம் பகுதியில் மரணமடைந்தார். அவர் பலமானவர் என்று அறிஞர்களால் குறிப்பிடப்பட்டுள்ளார்.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): நபி (ஸல்), அபூபக்ர் அஸ்ஸித்தீக் (ரலி), உமர் பின் கத்தாப் (ரலி), நுஃபைர் பின் மாலிக் அல்ஹழ்ரமீ (ரலி), அபூ தர் அல்ஃகிஃபாரீ (ரலி), அபூ தர்ரா (ரலி), காலித் பின் வலீத் (ரலி), உபாதா பின் அஸ்ஸாமித் (ரலி), இப்னு உமர் (ரலி), முஆவியா பின் அபூஸுஃப்யான் (ரலி), மிக்ராத் பின் அஸ்வத் (ரலி), ஆயிஷா (ரலி)

இவரிடமிருந்து அறிவித்தோர் (மாணவர்கள்): அப்துர்ரஹ்மான் பின் ஜுபைர் பின் நுஃபைர், காலித் பின் மஃதான், மக்ஹூல் அஷ்ஷாமீ, அபூஸ்ஸாஹிரிய்யா அல்ஹிம்ஸீ, ஹபீப் பின் உபைத், ஸஃப்வான் பின் அம்ர், ரபீஆ பின் யஸீத், ஸைத் பின் அர்தாஅ, ஸுலைம் பின் ஆமிர், ஷுரைஹ் பின் உபைத், அல்வலீத் பின் அப்துர்ரஹ்மான் அல்ஜுரஷீ, அபூ இத்ரீஸ் அஸ்ஸகூனீ

வேறு பெயர்கள்: ஜுபைர் பின் நுஃபைர் அல்ஹழ்ரமீ, அபூ அப்துர்ரஹ்மான், அபூ அப்துல்லாஹ்

ஆதாரம்: muslimscholars.info (4097) · Should verify

இறப்பு: ஹிஜ்ரி 74, மக்கா

தரம்: நபித்தோழர் (ஸஹாபி)

விபரங்கள்

இயற்பெயர்: அப்துல்லாஹ் பின் உமர் பின் அல்கத்தாப்

தந்தை பெயர்: உமர் பின் அல்கத்தாப் (ரலி)

வம்சம்: குறைஷி, பனூ அதீ

புனைப்பெயர்: அபூ அப்துர்ரஹ்மான்

ஊர் பெயர்: மக்கா

பயணித்த ஊர்கள்: மக்கா, மதீனா

பிறப்பு: ஹிஜ்ரிக்கு முன் 10, மக்கா

இறப்பு: ஹிஜ்ரி 74, மக்கா

கால கட்டம்: நபித்தோழர்

வாழ்க்கைக் குறிப்பு

இப்னு உமர் (ரலி) இரண்டாவது கலீஃபா உமர் பின் அல்கத்தாப் (ரலி) அவர்களின் மகனும், நபித்தோழரும் ஆவார். சிறு வயதிலேயே தம் தந்தையுடன் இஸ்லாத்தை ஏற்று, அவருடன் ஹிஜ்ரத் செய்தார். சிறுவராக இருந்ததால் உஹுத் போரில் அனுமதிக்கப்படவில்லை; கந்தக் போரிலும் அதற்குப் பின் நடந்த போர்களிலும் நபி (ஸல்) அவர்களுடன் கலந்துகொண்டார்.

ஹதீஸிலும் மார்க்கச் சட்டத்திலும் முன்னணி அறிஞராக இருந்தார்; இறையச்சம், நேர்மை, நபிவழிச் செய்திகளில் ஆழ்ந்த அறிவு ஆகியவற்றுக்குப் பெயர் பெற்றவர். உம்முல் முஃமினீன் ஹஃப்ஸா (ரலி) அவர்களின் சகோதரர் ஆவார். ஹிஜ்ரி 74 ஆம் ஆண்டு மக்காவில் மரணித்தார் என்று பலர் கூறியுள்ளனர்; ஹிஜ்ரி 73 என்றும் கூறப்பட்டுள்ளது.

ஆசிரியர்கள், மாணவர்கள்

யாரிடமிருந்து அறிவித்தார் (ஆசிரியர்கள்): நபி (ஸல்), உமர் பின் அல்கத்தாப் (ரலி), ஸைத் பின் அல்கத்தாப் (ரலி), ஹஃப்ஸா பின்த் உமர் (ரலி), அபூபக்ர் அஸ்ஸித்தீக் (ரலி), உஸ்மான் பின் அஃப்பான் (ரலி), அலீ பின் அபூதாலிப் (ரலி), பிலால் பின் ரபாஹ் (ரலி), ஸைத் பின் ஸாபித் (ரலி), ஸுஹைப் பின் ஸினான் (ரலி), அப்துல்லாஹ் பின் மஸ்ஊத் (ரலி), ஆஇஷா பின்த் அபூபக்ர் (ரலி)

இவரிடமிருந்து அறிவித்தோர் (மாணவர்கள்): ஸாலிம் பின் அப்துல்லாஹ் (ரஹ்), நாஃபிஉ (ரஹ்), ஸயீத் பின் அல்முஸய்யப் (ரஹ்), காஸிம் பின் முஹம்மத் (ரஹ்), வாகித் பின் அப்துல்லாஹ் (ரஹ்), அப்துல்லாஹ் பின் அப்துல்லாஹ் (ரஹ்), உபைதுல்லாஹ் பின் அப்துல்லாஹ் (ரஹ்), ஹம்ஸா பின் அப்துல்லாஹ் (ரஹ்), ஸைத் பின் அப்துல்லாஹ் (ரஹ்), பிலால் பின் அப்துல்லாஹ் (ரஹ்)

வேறு பெயர்கள்: அப்துல்லாஹ் பின் உமர், இப்னு உமர் (ரலி), அபூ அப்துர்ரஹ்மான்

ஆதாரம்: muslimscholars.info (18) · Should verify