Category: ஸுனன் அபூதாவூத்

பாடம் : 86

திரும்ப உடலுறவு கொள்ளும் முன் உளூச் செய்தல்.

219. ஒருநாள் நபி (ஸல்) அவர்கள் தனது மனைவியர்களிடம் சென்று விட்டு ஒவ்வொரு தடவையும் குளித்தார்கள். அல்லாஹ்வின் தூதர் (ஸல்) அவர்களே! இதை நீங்கள் மொத்தமாக ஒரு தடவை குளித்திருக்கக் கூடாதா? என்று நான் வினவியபோது இதுவே உள்ளும், புறமும் சுத்தமானதாக ஆகும் என்று பதில் அளித்தனர்.

அறிவிப்பவர் : அபூரபிஃ

இமாம் அபூதாவூத் குறிப்பிடுகின்றார்கள் : 

அனஸ் (ரலி) அவர்களது ஹதீஸ் இதைவிட மிகச் சரியானதாகும்.

பாடம் : 85

குளிக்காமல் மறுமுறை உடலுறவு கொள்ளல்.

218. ஒருநாள் அல்லாஹ்வின் தூதர் (ஸல்) தனது மனைவியர்களிடம் சென்று விட்டு கடைசியில் ஒரு தடவையே குளித்துக் கொண்டார்கள்.

அறிவிப்பவர் : அனஸ் (ரலி) அவர்கள்

இந்த ஹதீஸை அனஸ் (ரலி) அவர்களிடமிருந்து ஹிஷாம் பின் ஜைத் அவர்களும் அனஸ் (ரலி) அவர்களிடமிருந்து கதாதா அவர்கள் வாயிலாக மஃமர் அவர்களும், ஜுஹ்ரி வாயிலாக சாலிஹ் பின் அபுல் அகலர் ஆகிய அனைவருமே நபி (ஸல்) அவர்களிடமிருந்து அனஸ் (ரலி) வழியாக அறிவிக்கின்றனர்.

217. வெளிப்பட்டாலே குளிக்க வேண்டுமென்று அல்லாஹ்வின் தூதர் (ஸல்) அவர்கள் கூறினார்கள் என்று அபூ சயீத் அல் குத்ரீ (ரலி) கூறினார்கள். அபூ ஸலமா (ரலி) இவ்வாறே செய்வார்கள்.

216. ஒருவன் தன் மனைவியுடைய நான்கு கிளைகளுக்கு இடையே அமைந்து ஆண் குறியை பெண் குறியோடு இணைத்தால் விந்து வெளிப் படாவிட்டாலும் குறிப்பது கடமையாகி விடும் என்று நபி (ஸல்) அவர்கள் கூறினார்கள்.

அறிவிப்பவர் : அபூஹுரைரா (ரலி).

215. விந்து வெளிப்பட்டால் குளிக்க வேண்டுமென்று அவர்கள் அளித்த தீர்ப்புகள் யாவும் அல்லாஹ்வின் தூதர் (ஸல்) அவர்கள் இஸ்லாமிய துவக்க காலத்தில் வழங்கிய அனுமதியே. பின்னர் அவர்கள் குளிக்கும் படி கட்டளையிட்டனர். 

அறிவிப்பவர் : உபை பின் கஅப் (ரலி).

பாடம் : 84

விந்து வெளிப்படாது உடலுறவு கொள்ளல்.

214. உடலுறவு கொண்டு விந்து வெளிப்படவில்லை என்றால் குளிக்க வேண்டியதில்லை என்பதை இஸ்லாத்தின் ஆரம்ப காலத்தில் அல்லாஹ்வின் தூதர் (ஸல்) அவர்கள் மக்களுக்கு அனுமதி வழங்கிய காரணம் ஆடைகள் போதாமையால் தான். பிறகு, அதற்கு தடை விதித்து குளிக்க வேண்டுமென்று கட்டளை விதித்து விட்டார்கள். 

அறிவிப்பவர் : உபை பின் கஅப் (ரலி)

இமாம் அபூதாவூத் குறிப்பிடுகின்றார்கள் : 

நீருக்கு நீர் பரிகாரம் என்றால் உடலுறவின் போது இந்திரியம் வெளிப்பட்டால் மட்டும் குளிப்பது கடமையாகும் என்பதை குறிக்கும். இது ஆரம்ப காலத்தில் உள்ள சலுகை என்று இந்த ஹதீஸ் அறிவிக்கின்றது.

213. தனது மனைவி மாதவிலக்கு ஆனவளாக இருக்கும் போது ஒருவருக்கு அவளிடம் அனுமதிக்கப்பட்டது என்ன என்று நான் அல்லாஹ்வின் தூதர் (ஸல்) அவர்களிடம் வினவியபோது, இடுப்புக்கு மேற்பகுதியாகும். ஆனால் அதை விட்டும் தவிர்ந்து இருப்பது சிறந்ததாகும் என்று பதிலளித்தார்கள். 

அறிவிப்பவர் : முஆத் பின் ஜபல் (ரலி)

இமாம் அபூதாவூத் குறிப்பிடுகின்றார்கள் : இந்த ஹதீஸ் வலுவானதல்ல.

212. எனது மனைவி மாதவிடாய் ஆனவளாக இருக்கும் போது அவளிடம் எனக்கு அனுமதியானது என்ன? என்று ஹிஸாம் பின் ஹகீம் அவர்களின் சிறிய தந்தை அல்லாஹ்வின் தூதர் (ஸல்) அவர்களிடம் வினவியபோது, இடுப்புக்கு மேற்பகுதி உனக்கு அனுமதியாகும் என்று பதிலளித்தார்கள் என்று அறிவித்து இதன் அறிவிப்பாளர் மாதவிடாய் பெண்ணுடன் கலந்து உண்ணுவதை கூறி இந்த ஹதீஸை தொடர்கிறார். 

அறிவிப்பவர் : தனது சிறிய தந்தை வாயிலாக ஹிஸாம் பின் ஹகீம்.

211. தொடர்ந்து கசிகின்ற இச்சை நீரைப்பற்றியும், குளிப்பு கடமையாக்கும் காரியங்கள் பற்றியும் அல்லாஹ்வின் தூதர் (ஸல்) அவர்களிடம் நான் கேட்டேன். அதற்கு அவர்கள் அது மதீ (இச்சை நீர்) ஆகும். ஆண் உயிரினங்கள் அனைத்தும் இச்சை நீரை வெளிப்டுத்தக் கூடியவை தான். அது வெளிப்பட்டுவிட்டால் உனது மர்ம உறுப்பையும் விரைகளையும் கழுவிக் கொள். மேலும், தொழுகைக்கு நீ உலூச் செய்வது போன்று உலூ செய்து கொள் என்று பதிலளித்தார்கள். 

அறிவிப்பவர் : அப்துல்லாஹ் பின் ஸஃது அல் அன்சாரி (ரலி).

209. அதே ஹதீஸை இங்கு இடம் பெறுகின்றது.

இமாம் அபூதாவூத் அவர்கள் குறிப்பிடுகின்றார்கள் :

அலீ பின் அபீ தாலிப் (ரலி) அவர்களிடமிருந்து தந்தை வாயிலாக அறிவிக்கின்ற இந்த ஹதீஸை முபல்லல் பின் புலாலா ஒரு பெருங்குழுவினர் சவ்ரி, இப்னு உஐன ஆகியோர் அறிவிக்கின்றனர். நபி (ஸல்) அவர்களிடமிருந்து விரைகளை என்று குறிப்பிடாமல் மிக்தாத் அவர்களிடமிருந்து தன் தந்தை வழியாக அறிவிக்கின்றார்.