Author: Farook

527. அபூகிலாபா (ரஹ்) அவர்கள் கூறியதாவது:

(ஒரு நாள்) உமர் பின் அப்துல் அஸீஸ் (ரஹ்) அவர்கள், எங்களுக்கு லுஹர் தொழுகை தொழுவிக்க வந்தார்கள். அப்போது அவர்களிடம் ஒரு ஏடு இருந்தது. பின்பு அஸர் தொழுகை தொழுவிக்க வந்தார்கள். அப்போதும் அவர்களிடம் அந்த ஏடு இருந்தது. எனவே நான் முஃமின்களின் தலைவரே! அது என்ன ஏடு? என்று கேட்டேன். அதற்கவர்கள், இது அவ்ன் பின் அப்துல்லாஹ் எனக்கு அறிவித்த ஹதீஸ்கள் என்று கூறினார். எனவே நான் ஆச்சரியமடைந்து (அவர்களிடம் அனுமதிபெற்று) அதை எழுதிக் கொண்டேன். அப்போது அதில் (ஹதீஸ் எண்-526 இல் உள்ள) மேற்கண்ட செய்தி இடம்பெற்றிருந்தது.

526. அவ்ன் பின் அப்துல்லாஹ் (ரஹ்) அவர்கள் கூறியதாவது:

நான் உமர் பின் அப்துல் அஸீஸ் (ரஹ்) அவர்களிடம், நபித்தோழர்களில் இன்ன மனிதர் எனக்கு ஹதீஸ்களை அறிவித்தார் என்று கூறினேன். உமர் பின் அப்துல் அஸீஸ் (ரஹ்) அவரை தெரிந்துக்கொண்டார்கள்.

மேலும் நான்,

“வெட்கமும், பத்தினித்தனமும்-கற்பொழுக்கமும், குறைவாக பேசுவதும், மார்க்க ஞானமும் ஈமானுடைய அம்சமாகும். இவை மறுமையில் அதிக நன்மையைத் தரும். உலகில் குறைவை ஏற்படுத்தும். இவை மறுமையில் நன்மையைத் தருவதே அதிகமாகும்.

கெட்ட வார்த்தையும், கெட்ட குணமும், கஞ்சத்தனமும் நயவஞ்சகத்தின் அம்சமாகும். இவை உலகில் அதிக நன்மையைத் தருவதாக தெரியலாம். ஆனால் மறுமையில் குறைவை ஏற்படுத்தும். இவை மறுமையில் பாதிப்பை ஏற்படுத்துவதே அதிகமாகும் என்று அல்லாஹ்வின் தூதர் (ஸல்) அவர்கள் கூறினார்கள்” என அந்த நபித்தோழர் எனக்கு அறிவித்தார் எனக் கூறினேன்.