Category: ஸுனன் அபூதாவூத்

116. நான்‏ ‏அலீ‏ (‏ரலி‏) ‏அவர்களை‏ ‏உலூச்‏ ‏செய்யக்‏ ‏கண்டேன்‏ ‏என்று‏ ‏அபூஹய்யா‏ ‏அவர்கள்‏ ‏அறிவிக்கும்‏ ‏போது‏ ‏அவர்கள்‏ ‏எல்லா‏ ‏உறுப்புக்களையும்‏ ‏மும்முறை‏ ‏கழுவி‏ ‏உலூச்‏ ‏செய்தார்கள்‏ ‏என்று‏ ‏குறிப்பிடுகிறார்கள்‏. ‏பின்னர்‏ ‏அவர்கள்‏ ‏தலையை‏ ‏மஸஹ்‏ ‏செய்தார்கள்‏. ‏பின்னர்‏ ‏தம்‏ ‏இரு‏ ‏கால்களை‏ ‏கரண்டைக்‏ ‏கால்வரை‏ ‏கழுவினார்கள்‏. ‏பின்னர், நான்‏ ‏உங்களுக்கு‏ ‏அல்லாஹ்வின்‏ ‏தூதர்‏ (‏ஸல்‏) ‏அவர்களின்‏ ‏செய்யும்‏ ‏முறையை‏ ‏காண்பிக்க‏ ‏விரும்பினேன்‏ ‏என்றும்‏ ‏சொன்னார்கள்‏.‏

115. அலீ‏ (‏ரலி‏) ‏அவர்களை‏ ‏உலூச்‏ ‏செய்யக்‏ ‏கண்டேன்‏. ‏அவர்கள்‏ ‏உலூச்‏ ‏செய்யும்‏ ‏போது‏ ‏முகத்தை‏ ‏மூன்று‏ ‏முறை‏ ‏கழுவினார்கள்‏. ‏தலையை‏ ‏ஒரு‏ ‏முறை‏ ‏மஸஹ்‏ ‏செய்தார்கள்‏. ‏பின்னர்‏ ‏இப்படித்‏ ‏தான்‏ ‏ரஸுல்‏ (‏ஸல்‏) ‏அவர்கள்‏ ‏உலூச்‏ ‏செய்தார்கள்‏ ‏எனவும்‏ ‏அப்துர்‏ ‏ரஹ்மான்‏ ‏பின்‏ ‏அபூலைலா‏ (‏ரலி‏) ‏அறிவிக்கிறார்கள்‏.‏

114. மேற்கண்ட கருத்துள்ள ஹதீஸே இங்கும் இடம் பெற்றுள்ளது. அதில் அலீ (ரலி) அவர்கள் ‎தமது தலைக்கு நீர் சொட்டு சொட்டாக வழியாத அளவுக்கு மஸஹ் செய்தார்கள் என்று ‎அதிக விளக்கம் இடம் பெற்றுள்ளது.‎

113. அலீ (ரலி) அவர்களுக்கு ஒரு நாற்காலி கொண்டு வரப்பட்டது. அதில் அவர்கள் அமர்ந்து ‎இருந்தார்கள். பின்னர் தண்ணீர் கூசா ஒன்று கொண்டு வரப்பட்டது. தனது கைகளை ‎மூன்று முறை கழுவினார்கள். பிறகு ஒரு கை நீராலேயே வாய் கொப்பளித்து நாசிக்கு நீர் ‎செலுத்தி மூக்கையும் சுத்தம் செய்தார்கள் என்று அப்து கைர் அறிவித்து விட்டு மேற்கண்ட ‎ஹதீஸையே அறிவிக்கிறார்.‎

‎(குறிப்பு : நஸயீயிலும் இது இடம் பெற்றுள்ளது.)‎

112. அலீ (ரலி) அவர்கள் சுப்ஹு தொழுது விட்டு (கூபாவிலுள்ள இடமான) ரஹ்பா விற்கு ‎சென்று தண்ணீர் கொண்டு வரச் சொன்னார்கள். அப்போது ஒரு சிறுவர் தண்ணீர் ‎பாத்திரத்தையும், கை கழுவும் தட்டையும் கொண்டு வந்தார். அவர்கள் தமது வலது ‎கையினால் பாத்திரத்தைப் பிடித்துக் கொண்டு தமது இடது கைக்கு தண்ணீர் ஊற்றி தமது ‎இரு முன்கை களையும் மூன்று முறை கழுவினார்கள். பிறகு தமது வலது கையை ‎பாத்திரத்தில் நுழைத்து மூன்று தடவை வாய் கொப்பளித் தார்கள். மும்முறை நாசிக்கு நீர் ‎செலுத்தி மூக்கை சுத்தம் செய்தார்கள் என்று அறிவித்துவிட்டு (மேற்கண்ட) அபூ அவானா ‎ஹதீஸைப் போன்றே தொடர்ந்து அறிவிக்கிறார். பிறகு தலையின் முன் நெற்றி யிலிருந்து ‎தலையின் பின்புறம் வரை மஸஹ் செய்தார்கள். பின்னர் மேற்கண்ட ஹதீஸைப் ‎போன்றே அறிவிக்கிறார்.‎

‎(குறிப்பு : நஸயீ , திர்மிதீ, அஹ்மது ஆகியவற்றிலும் பதிவாகியுள்ளது.)‎

111. அலீ (ரலி) அவர்கள் தொழுது முடித்து விட்டு எங்களிடம் வந்தார்கள். தண்ணீர் கொண்டு ‎வரச் சொன்னார்கள். அவர்கள் தொழுது முடித்துவிட்ட நிலையில் தண்ணீர் கொண்டு ‎வருமாறு சொல்வது நமக்கு (உலூவின் முறைகளைக்) கற்றுத் தருவதற்காகவே என ‎நாங்கள் பேசிக்கொண்டோம். தண்ணீருள்ள பாத்திரமும் (உலூச் செய்து நீரைப் ‎பிடிப்பதற்காக) ஒரு தட்டும் கொண்டு வரப்பட்டது. அப்பாத்திரத்திலிருந்து தனது வலது ‎கையில் தண்ணீர் ஊற்றி தமது இரு கைகளையும் மும்முறை கழுவினார்கள். பிறகு ‎மூன்று தடவை வாய் கொப்பளித்து மூன்று முறை நாசிக்கு தண்ணீர் செலுத்தி மூக்கை ‎சுத்தம் செய்தார்கள். அப்போது, தான் அள்ளுகிற ஒருகை நீரிலேயே வாய் கொப்பளித்து ‎மூக்கையும் சுத்தம் செய்தார்கள். (இரண்டிற்கும் தனித்தனியாக மூன்றுமுறை நீர் ‎அள்ளவில்லை) பிறகு தமது முகத்தை மூன்று தடவையும், வலது கையை மூன்று ‎தடவையும், இடது கையை மூன்று தடவையும் கழுவினார்கள்.‎

பிறகு பாத்திரத்தில் கையை விட்டு தலைக்கு ஒரே ஒரு முறை மஸஹ் செய்தார்கள். பிறகு ‎வலது காலை மூன்றுமுறையும் இடது காலை மூன்று முறையும் கழுவி பின்னர், ‎அல்லாஹ்வின் தூதர் (ஸல்) அவர்களது உலூச் செய்யும் முறையை அறிய ‎ஆவலுள்ளவருக்கு

107. மேற்கண்ட ஹதீஸ் இங்கும் இடம் பெற்றுள்ளது. இதில் வாய் கொப்பளித்தலும், நாசிக்கு நீர் ‎செலுத்தி மூக்கைச் சிந்துவதும் கூறப்படவில்லை. எனினும் தலைக்கு மூன்று முறை ‎மஸஹ் செய்தார்கள். தமது இரு கால்களையும் மும்முறை கழுவினார்கள். பின்னர் நபி ‎‎(ஸல்) அவர்களை இவ்வாறு உலூச் செய்வதைக் கண்டேன் என்றும் யார் இதற்கு ‎குறைவாக உலூச் செய்தாலும் அது அவருக்குப் போதுமாகும் என்று நபி (ஸல்) அவர்கள் ‎கூறியதாகவும் உஸ்மான் (ரலி) கூறினார்கள். பின்னர் இரண்டு ரக்அத் தொழுவது பற்றிய ‎விபரம் இடம் பெறுவில்லை. இதை ஹும்ரான் (ரலி) அறிவிக்கிறார்கள்.‎

105. அல்லாஹ்வின் தூதர் (ஸல்) அவர்கள் கூறினார்கள்:

இரவில் உங்களில் ஒருவர் (உறங்கி) விழித்தெழுந்தால் மூன்று முறை (கைகளில் தண்ணீர் ‎ஊற்றிக்) கழுவாமல் தனது கையைப் பாத்திரத்தில் விடவேண்டாம். ஏனெனில் இரவில் ‎அவரது கை எங்கெங்கு பட்டது அல்லது அவரது கை இரவில் எங்கெங்கு ‎உலவியது என்பதை அவர் அறிய மாட்டார்.

அறிவிப்பவர்: அபூஹுரைரா (ரலி)

பாடம் : 49

கைகளை கழுவதற்கு முன் பாத்திரத்தில் நுழைத்தல்.

103. அல்லாஹ்வின் தூதர் (ஸல்) அவர்கள் கூறினார்கள்:

இரவில் உங்களில் ஒருவர் (உறங்கி) விழித்தெழுந்தால் மூன்று முறை (கைகளில் தண்ணீர் ‎ஊற்றிக்) கழுவாமல் தனது கையைப் பாத்திரத்தில் விடவேண்டாம். ஏனெனில் இரவில் ‎அவரது கை எங்கெங்கு பட்டது என்பதை அவர் அறிய மாட்டார்.

அறிவிப்பவர்: அபூஹுரைரா (ரலி)

‎(குறிப்பு: இந்த செய்தி புகாரீ, முஸ்லிம், நஸயீ, அஹ்மத், இப்னுமாஜா, முஅத்தா ஆகிய நூல்களிலும் ‎இடம் பெற்றுள்ளது. புகாரியில் மூன்று முறை என்ற வார்த்தை இல்லை.)‎